 |
| អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) លោក ហង្ស ពុទ្ធា ថ្លែងក្នុងវេទិកាអ្នកស្ដាប់វិទ្យុអាស៊ីសេរី កាលពីថ្ងៃទី២២ ខែធ្នូ ឆ្នាំ២០១៥។ |
គ.ជ.ប. បង្ហាញ ចំនួន បឋម នៃអ្នកសង្កេតការណ៍ ជាតិ សម្រាប់ ថ្ងៃបោះឆ្នោត ឃុំ-សង្កាត់
RFA |
គណៈកម្មាធិការ ជាតិ រៀបចំ ការបោះឆ្នោត (គ.ជ.ប.) ថា, រហូតមកថ្ងៃ ទី១៥ មីនា មានអ្នក សង្កេតការណ៍ ជាតិ ជាង ៥០០នាក់ ហើយ ដែលបាន ដាក់ពាក្យ ចូលរួម សង្កេតមើល ដំណើរការ បោះឆ្នោត ជ្រើសរើស ក្រុមប្រឹក្សា ឃុំ-សង្កាត់ ឆ្នាំ២០១៧។
សេចក្ដីប្រកាស ព័ត៌មាន របស់ គ.ជ.ប. បញ្ជាក់ ថា, ចំនួនអ្នកសង្កេតការណ៍ជាតិនេះ មានមកពីអង្គការខុមហ្វ្រែល (Comfrel) ជិត៣០០នាក់ ក្នុងនោះស្រី៩៥រូប និងមកពីសហភាពសហព័ន្ធយុវជនកម្ពុជា ជាង២០០នាក់ ក្នុងនោះស្រី៦៨រូប។
ចំពោះការដាក់ពាក្យធ្វើជាអ្នកសង្កេតការណ៍បោះឆ្នោតនេះ អង្គការសមាគមជាតិ និងអន្តរជាតិ នៅពេលជាង២ខែទៀត ដើម្បីស្នើសុំទៅ គ.ជ.ប.។
ក្រៅ ពីដំណឹង នេះដែរ គ.ជ.ប. ក៏នឹងជួប គណៈប្រតិភូ មូលនិធិ កូហ្វី អាណាន់ (Kofi Annan) នៅរសៀល ថ្ងៃទី១៧ មីនា ដែលមក ទស្សនកិច្ច នៅកម្ពុជា។ កាលពីខែ ឧសភា ឆ្នាំ២០១៦ គណៈប្រតិភូ នេះ ធ្លាប់មក ទស្សនកិច្ច នៅកម្ពុជា ម្ដងរួចហើយ ដោយបាន ជួបតំណាង ក្រសួង មហាផ្ទៃ, គ.ជ.ប., និងតំណាង អង្គការ សង្គមស៊ីវិល មួយចំនួន ផង៕
No comments:
Post a Comment