 |
| ផ្ទុះឡ ក្នុងរោងចក្រមួយ នៅក្នុងសង្កាត់ភ្នំពេញថ្មី (Fresh News) |
កម្មការិនី ម្នាក់ ស្លាប់ និង៧ នាក់ទៀត រងរបួស ករណី ផ្ទុះឡ ក្នុងរោងចក្រ
| យ៉ាងហោចណាស់ ស្ត្រី ជាកម្មការិនី ម្នាក់ បានស្លាប់ និងមនុស្ស ៧នាក់ ទៀត រងរបួស នៅក្នុង ករណី ផ្ទុះឡ ក្នុងរោងចក្រ មួយ នៅក្នុងសង្កាត់ ភ្នំពេញថ្មី ខណ្ឌ សែនសុខ នៅរសៀល ថ្ងៃនេះ។
អធិការ នគរបាល ខណ្ឌ សែនសុខ លោក ម៉ក់ ហុង ឲ្យដឹងយ៉ាងខ្លីថា ឡចំហុយចំហាយទឹកសម្រាប់បាញ់អ៊ុត ខោ អាវ ដែលមានមុខកាត់១ម៉ែត្រ៥០ និងទទឹង២ម៉ែត្រ៦៦ នៅរោងចក្រ ស៊ិន តៃ (Zhen Tai Garment (Cambodia) co., ltd.) បានផ្ទុះ និងប៉ើងចម្ងាយជាង ៦០ម៉ែត្រ ដោយបានសម្លាប់កម្មការិនីម្នាក់ដែលកំពុងហូបបាយ និងកម្មករ៧នាក់ទៀត ក្នុងនោះមានស្ត្រីមានផ្ទៃពោះម្នាក់ បានរងរបួសបែកក្បាល និងបាក់ជើង។
នៅពេលសួរថា មូលហេតុអ្វីបាននាំឲ្យផ្ទុះឡនោះ? តើសមត្ថកិច្ចនិងចាត់វិធានការដូចម្តេច លើម្ចាស់រោងចក្រ? លោក ម៉ក់ ហុង ឆ្លើយយ៉ាងខ្លីថា អ្នកជំនាញបច្ចេកទេសកំពុងសិក្សា និងកោះហៅម្ចាស់រោងចក្រមកសាកសួរជុំវិញករណីនេះ។ លោកនិយាយ ថា, «យើងកំពុងសាកសួរយកមកធ្វើការ ឥឡូវខ្ញុំកំពុងជាប់រវល់យកមកធ្វើការណា។»
នាយកប្រតិបត្តិនៃមជ្ឈមណ្ឌលសម្ព័ន្ធភាពការងារនិងសិទ្ធិមនុស្ស លោក មឿន តុលា យល់ថា ករណីដែលផ្ទុះឡចំហុយ បណ្តាលឲ្យមនុស្សស្លាប់និងរងរបួសនេះ ដោយសារការធ្វេសប្រហែលរបស់អាជ្ញាធរ ដែលមិនបានពិនិត្យឲ្យបានដិតដល់ នៅពេលចុះធ្វើអធិការកិច្ចនៅក្នុងរោងចក្រ។
លោក មឿន តុលា បញ្ជាក់ថា ដើម្បីទប់ស្កាត់បញ្ហានេះឲ្យមានប្រសិទ្ធភាព ក្រុមអធិការកិច្ចត្រូវពិនិត្យជាប្រចំាចំពោះឡចំហុយនៅតាមរោងចក្រទំាងអស់ ដើម្បកុំឲ្យមានរឿងនេះកើតឡើងបន្តទៀត។ លោកយល់ ថា, «ពិនិត្យគុណភាពឡចំហុយជាប្រចំា ថាវាយល់ល្អថាត្រូវត្រួតពិនិត្យវារៀងរាល់អាទិត្យ រៀងរាល់ថ្ងៃ ថាតើវាមានភាពប្រក្រតីអីខ្លះចំពោះឡចំហុយ ព្រោះយើងគួរតែគិតគូអំពីប្រព័ន្ធការពារប្រសើរជាងប្រព័ន្ធព្យាបាល ហើយកុំអាងថាពេលដែលស្លាប់ទៅមាន ប.ស.ស ជាអ្នកចេញ ឬក៏មាន ប.ស.ស ជាអ្នកគ្រប់គ្រងទៅលើគ្រួសារអី វាជារឿងមួយល្អ ប្រសើរ ក៏ប៉ុន្តែជីវិតមនុស្សមិនមែនយើងចេះតែយកទៅលេងសើចទេ មែនស្លាប់ថ្ងៃនេះហើយ ថ្ងៃស្អែកកើតវិញទេ ការបាត់បង់ក្រុមគ្រួសាររបស់គេមួយ វាជារឿងមួយទុក្ខសោកខ្លំាងណាស់ កុំយកជីវិតមនុស្សទៅលេងសើច។»
យ៉ាងណាក៏ដោយ VOD មិនអាចសុំការបំភ្លឺពីថៅកែរោងចក្រ ស៊ិន តៃ (Zhen Tai Garment (Cambodia) co., ltd.) បានទេនៅរសៀលថ្ងៃពុធនេះ៕
Shoddy construction, poor safety. It's so sad for the victims and Cambodia. This is wide spread and prevalent.
ReplyDeletePreventive maintenance program and regular safety inspection should put in place by the garment owner and authority.
ReplyDeleteA simple act of checking,testing,replacing faulty pressure relief valve of the hot water tank or high pressure steam boiler not only save workers lives but save time and lot of moneys.
Now, even the non-injured workers have to stay home,get reduced wage (?) while waiting the reopening date of their work place.