​Paris Peace Agreements 1991

Tuesday, May 2, 2017

Freedom House ព្រួយ​បារម្ភ​ យ៉ាង​ខ្លាំង​ ថា, ​បក្ស​ប្រជាជន​ ព្យាយាម ​រឹតត្បិត ​ប្រព័ន្ធ​ ផ្សព្វផ្សាយ​ឭ​​ | Freedin House deeply concerned that CPP to continue suprressing media

នាយក​ជាន់​ខ្ពស់​ផ្នែក​បោះពុម្ព​ផ្សាយ​របាយការណ៍​សកល​នៃ​អង្គការ ហ្វ្រ៊ីដឹម ហៅស៍ (Freedom House) អ្នកស្រី សារាហ៍ រ៉េពូគី (Sarah Repucci) ផ្តល់​បទសម្ភាសន៍​អំពី​ការ​ចេញ​ផ្សាយ​របាយការណ៍​សេរីភាព​សារព័ត៌មាន​ឆ្នាំ​២០១៧ នា​សារមន្ទីរ​សារព័ត៌មាន (Newseum) រដ្ឋធានី​វ៉ាស៊ីនតោន សហរដ្ឋ​អាមេរិក កាល​ពី​ថ្ងៃ​ទី​២៨ ខែ​មេសា ឆ្នាំ​២០១៧។
នាយក​ជាន់​ខ្ពស់​ផ្នែក​បោះពុម្ព​ផ្សាយ​របាយការណ៍​សកល​នៃ​អង្គការ ហ្វ្រ៊ីដឹម ហៅស៍ (Freedom House) អ្នកស្រី សារាហ៍ រ៉េពូគី (Sarah Repucci) ផ្តល់​បទសម្ភាសន៍​អំពី​ការ​ចេញ​ផ្សាយ​របាយការណ៍​សេរីភាព​សារព័ត៌មាន​ឆ្នាំ​២០១៧ នា​សារមន្ទីរ​សារព័ត៌មាន (Newseum) រដ្ឋធានី​វ៉ាស៊ីនតោន សហរដ្ឋ​អាមេរិក កាល​ពី​ថ្ងៃ​ទី​២៨ ខែ​មេសា ឆ្នាំ​២០១៧។

Freedom House ព្រួយ​បារម្ភ​ យ៉ាង​ខ្លាំង​ ថា, ​បក្ស​ប្រជាជន​ ព្យាយាម ​រឹតត្បិត ​ប្រព័ន្ធ​ ផ្សព្វផ្សាយ

RFA / វិទ្យុ អាស៊ី សេរី | ២ ឧសភា ២០១៧



អង្គការ​ ឃ្លាំ​មើល​ សេរីភាព​ សារព័ត៌មាន ហ្វ្រ៊ីដឹម ហៅស៍ (Freedom House) សម្ដែង​ក្តី​ ព្រួយ​បារម្ភ​ យ៉ាង​ខ្លាំង ​ថា, គណបក្ស​ កាន់​អំណាច​ ព្យាយាម​ រឹតត្បិត ​ប្រព័ន្ធ​ ផ្សព្វផ្សាយ​ កាន់​តែ ​ខ្លាំង​ឡើងៗ ​នៅ​មុន​ពេល ​បោះឆ្នោត។  អង្គការ​នេះ ​រក​ឃើញ​ ថា ដោយសារ​តែ​ មាន​ការ​ បាត់បង់​ ប្រជាប្រិយភាព​ នៃ​សន្លឹក​ឆ្នោត ​កាល​ពី​ឆ្នាំ​ ២០១៣ កន្លង​ទៅ, លោក​នាយក​រដ្ឋមន្ត្រី ហ៊ុន សែន នឹង​ប្រើ ​គ្រប់​ មធ្យោបាយ​ ដើម្បី​ បង្ក្រាប​ ប្រព័ន្ធ​ ផ្សព្វផ្សាយ ធ្វើ​យ៉ាង​ណា​ ឲ្យ​ចុះ​ខ្សោយ​ នៅ​មុន​ ការ​បោះឆ្នោត​ មក​ដល់ ​នា​ពេល ​ខាង​មុខ។

អ្នកស្រី សារាហ៍ រ៉េពូគី (Sarah Repucci) នាយក ​ជាន់​ខ្ពស់ ​ផ្នែក​បោះពុម្ព​ផ្សាយ ​របាយការណ៍​ សកល​ អង្គការ ហ្វ្រ៊ីដឹម ហៅស៍ ថ្លែង​ ថា, អង្គការ ​របស់​ អ្នកស្រី ​កំពុង​ តាមដាន ​មើល​ការ​ បោះឆ្នោត​ ខាង​មុខ​នេះ​ យ៉ាង​យក​ចិត្ត​ ទុក​ដាក់​ ជា​ទីបំផុត។  អ្នកស្រី​ ថា មាន​ករណី​ បង្ក្រាប​ លើ​ប្រព័ន្ធ​ ផ្សព្វផ្សាយ​ នៅ​ក្នុង​ប្រទេស ​កម្ពុជា នៅ​ពេល​ ដែល​មាន​ ការ​បោះឆ្នោត​ កាល​ពី​អាណត្តិ​ មុនៗ។  ហើយ​ រឿងរ៉ាវ​ ទាំងនេះ ក៏​បាន​ កើត​មាន​ឡើង ​នៅ​ក្នុង​ប្រទេស​ ជាច្រើន ​ជុំវិញ​ ពិភពលោក។


ថ្លែង​ក្នុង​ពិធី​ផ្សព្វផ្សាយ​របាយការណ៍​សេរីភាព​សារព័ត៌មាន​ឆ្នាំ​២០១៧ នៅ​ឯ​សារមន្ទីរ​សារព័ត៌មាន​ក្នុង​រដ្ឋធានី​វ៉ាស៊ីនតោន សហរដ្ឋ​អាមេរិក កាល​ពី​ថ្ងៃ​ទី​២៨ ខែ​មេសា ថា អ្នកស្រី សារាហ៍ រ៉េពូគី (Sarah Repucci) មាន​ប្រសាសន៍​ថា ខណៈ​ដែល​ប្រព័ន្ធ​ផ្សព្វផ្សាយ​នៅ​ប្រទេស​កម្ពុជា មាន​ការ​រឹតត្បិត​ខ្លាំង​រួច​ជា​ស្រេច​ទៅ​ហើយ​នោះ អ្នកស្រី​មាន​ការ​ព្រួយ​បារម្ភ​ថា នឹង​មាន​ការ​រឹតត្បិត​ខ្លាំង​ជាង​នេះ​បន្ថែម​ទៀត​នា​ពេល​ខាង​មុខ​នេះ៖ «យើង​ត្រូវ​រង់ចាំ​មើល​ថា តើ​នឹង​មាន​រឿង​អ្វី​ខ្លះ​កើត​ឡើង? ក៏ប៉ុន្តែ​មាន​ការ​បារម្ភ​យ៉ាង​ខ្លាំង​ថា គណបក្ស​កាន់​អំណាច​នឹង​រឹត​តែ​ចង់​គ្រប់គ្រង​សារ​នយោបាយ​របស់​ខ្លួន ហើយ​ចង់​គ្រប់គ្រង​លំហូរ​ព័ត៌មាន​ក្នុង​អំឡុង​ពេល​រដូវ​កាល​បោះឆ្នោត​នេះ ក្នុង​គោល​បំណង​ដើម្បី​ឲ្យ​សារ​នយោបាយ​របស់​ខ្លួន​ស្ថិត​ក្នុង​ក្រសែ​ភ្នែក​របស់​ប្រជាជន និង​ដើម្បី​ធានា​ថា គណបក្ស​ប្រឆាំង​នឹង​មិន​មាន​ឱកាស​ធ្វើ​បាន​ដូច​ខ្លួន​កំពុង​ធ្វើ​យ៉ាង​ដូច្នេះ​ទេ។ ដូច្នេះ​ហើយ ពួក​គេ​នឹង​ជ្រើស​រើស​យក​វិធី​រឹតត្បិត​នានា​ដូចជា រឹតត្បិត​ការ​បញ្ចេញ​មតិ​តាម​អនឡាន (Online) ឬ​ចាប់​អ្នក​សារព័ត៌មាន​ដាក់​ពន្ធនាគារ​ជាដើម។ ហើយ​ទាំងអស់​នេះ គឺ​ជា​រឿងរ៉ាវ​ដែល​យើង​កំពុង​តាមដាន​មើល​ក្នុង​ឆ្នាំ​នេះ»
សារព័ត៌មាន ២០១៧ ១៤៤០
រូបភាព ​បង្ហាញ​ ពី​ការ ​ប្រឈម​ របស់​ អ្នក​សារព័ត៌មាន។ Photo courtesy of Freedom House Photo courtesy of Freedom House

អ្នកស្រី​មាន​ប្រសាសន៍​ថា មាន​របប​ជាច្រើន​នៅ​ជុំវិញ​ពិភពលោក ចោទ​ប្រកាន់​សង្គម​ស៊ីវិល ឬ​ប្រព័ន្ធ​ផ្សព្វផ្សាយ​ដែល​ទទួល​បាន​ការ​គាំទ្រ​ពី​បរទេស ឬ​ដែល​ទទួល​ថវិកា​ពី​បរទេស ថា​មាន​គោល​បំណង​ដើម្បី​ផ្ដួល​រំលំ​រដ្ឋាភិបាល។ ក្នុង​ករណី​ជាច្រើន ការ​ចោទ​ប្រកាន់​ទាំងនេះ គឺ​ជា​ការ​ចោទ​ប្រកាន់​ខុស​ពី​ការពិត។ អ្នកស្រី​ថា សង្គម​ស៊ីវិល​កំពុង​ធ្វើ​កិច្ចការ​ដ៏​សំខាន់​ក្នុង​ប្រទេស​កម្ពុជា ហើយ​ថា​អ្នក​សារព័ត៌មាន​ដើរ​តួនាទី​យ៉ាង​សំខាន់ ដើម្បី​ធានា​នូវ​លំហូរ​ព័ត៌មាន ដែល​ជា​មធ្យោបាយ​តែ​មួយ​គត់​ដែល​ប្រជាជន​អាច​ទទួល​បាន​នូវ​លទ្ធិប្រជាធិបតេយ្យ​ពិត​ប្រាកដ។ ជា​ការ​សំខាន់​ខ្លាំង​ណាស់​ដែល​ថា បរិយាកាស​នេះ​នឹង​នៅ​តែ​បើក​ចំហ​តាម​ដែល​អាច​ធ្វើ​ទៅ​បាន ដើម្បី​ធានា​ឲ្យ​មាន​ការ​បោះឆ្នោត​ដោយ​សេរី​នៅ​ប្រទេស​កម្ពុជា។

ជាមួយ​គ្នា​នេះ​ដែរ អ្នកស្រី​ក៏​បាន​ផ្តល់​អនុសាសន៍​ដល់​អ្នក​សារព័ត៌មាន​វ័យ​ក្មេង​ក្នុង​ប្រទេស​កម្ពុជា ថា ពួក​គេ​គួរ​ព្យាយាម​ទទួល​បាន​ព័ត៌មាន​ឲ្យ​បាន​គ្រប់​ជ្រុងជ្រោយ ហើយ​ត្រូវ​ទទួល​យក​ទស្សនៈ​អំពី​ប្រព័ន្ធ​ផ្សព្វផ្សាយ​ចម្រុះ និង​ទទួល​ព័ត៌មាន​ពី​គ្រប់​ប្រភព​ច្រើន​បំផុត​តាម​ដែល​អាច​ធ្វើ​ទៅ​បាន។ អ្នកស្រី​ថា នេះ​គឺ​ជា​មធ្យោបាយ​តែ​មួយ​គត់​ដែល​ពួក​គេ​អាច​ស្វែងយល់​បាន​ពិត​ប្រាកដ អំពី​អ្វី​ដែល​កើត​មាន​ឡើង​ក្នុង​ប្រទេស​របស់​ពួក​គេ ហើយ​ថា ធ្វើ​ដូច្នេះ ពួក​គេ​អាច​ចូលរួម​ធ្វើ​ឲ្យ​មាន​ការ​ផ្លាស់ប្ដូរ​បាន។

របាយការណ៍​អង្គការ ហ្វ្រ៊ីដឹម ហៅស៍ (Freedom House) អំពី​សេរីភាព​សារព័ត៌មាន​ឆ្នាំ​២០១៧ បាន​ដាក់​ចំណាត់​ថ្នាក់​ស្ថានភាព​សេរីភាព​សារព័ត៌មាន​ជា​រួម​នៅ​ប្រទេស​កម្ពុជា ថា «ពុំ​មាន​ សេរីភាព»។ របាយការណ៍​ដដែល​នេះ​បង្ហាញ​ថា ពិន្ទុ​សរុប​នៃ​សេរីភាព​សារព័ត៌មាន​កម្ពុជា សម្រាប់​ឆ្នាំ​២០១៧ នេះ បាន​ធ្លាក់​ចុះ​មួយ​លេខ​ទៀត​ទៅ​ក្នុង​កម្រិត​រឹត​តែ​អាក្រក់​ជាង​ឆ្នាំ​មុន គឺ​ឆ្នាំ​២០១៦។ កម្ពុជា ជាប់​លេខ​៣៣ ក្នុង​ចំណោម​ប្រទេស​ចំនួន​៤០ ក្នុង​តំបន់​អាស៊ី​ប៉ាស៊ីហ្វិក និង​លេខ​១៥២ ក្នុង​ចំណោម ១៩៩​ប្រទេស​ក្នុង​ពិភពលោក៕



No comments:

Post a Comment