​Paris Peace Agreements 1991

Thursday, May 25, 2017

គ.ជ.ប. ព្រមាន​ ចាត់​វិធានការ​ លើ​អ្នក​ ស្ទង់​មតិ​ អំពី​ គណបក្ស​ នយោបាយ ​តាម​ហ្វេសប៊ុក | NEC threatens measures against those who poll political parties via Facebook

ការ​ស្ទង់​មតិ​អំពី​ការ​គាំទ្រ​គណបក្ស​នយោបាយ ដែល​ត្រូវ​បាន​គេ​បង្ហោះ​នៅ​ក្នុង​ទំព័រ​ហ្វេសប៊ុក (Facebook) ឈ្មោះ Samdech Hun Sen for Prime Minister 2018 កាល​ពី​ថ្ងៃ​ទី​២១ ខែ​ឧសភា ឆ្នាំ​២០១៧។ Photo: Screenshot
ការ​ស្ទង់​មតិ​អំពី​ការ​គាំទ្រ​គណបក្ស​នយោបាយ ដែល​ត្រូវ​បាន​គេ​បង្ហោះ​នៅ​ក្នុង​ទំព័រ​ហ្វេសប៊ុក (Facebook) ឈ្មោះ Samdech Hun Sen for Prime Minister 2018 កាល​ពី​ថ្ងៃ​ទី​២១ ខែ​ឧសភា ឆ្នាំ​២០១៧។ Photo: Screenshot

គ.ជ.ប. ព្រមាន​ ចាត់​វិធានការ​ លើ​អ្នក​ ស្ទង់​មតិ​ អំពី​ គណបក្ស​ នយោបាយ ​តាម​ហ្វេសប៊ុក

RFA / វិទ្យុ អាស៊ី សេរី | ២៥ ឧសភា ២០១៧


គណៈកម្មាធិការ​ ជាតិ​ រៀបចំ​ ការ​បោះឆ្នោត (គ.ជ.ប.) អំពាវនាវ ​ឲ្យ​បញ្ឈប់​ ការ​ស្ទង់​មតិ​ លើ​បណ្ដាញ​ សង្គម​ ហ្វេសប៊ុក (Facebook) ជា​បន្ទាន់ ដើម្បី​ ជៀសវាង​ ការ​ភាន់ច្រឡំ​ លើ​ដំណើរការ ​រៀបចំ ​ការ​បោះឆ្នោត។


ការ​អំពាវនាវ​នេះ ធ្វើ​ឡើង​ បន្ទាប់​ ពី​ប៉ុន្មាន ​ថ្ងៃ​នេះ គ.ជ.ប. ពិនិត្យ​ឃើញ​ ថា មាន​ ព័ត៌មាន​ លើ​បណ្ដាញ​ សង្គម​ ហ្វេសប៊ុក មួយ​ចំនួន​ បាន​ស្ទង់​ មតិ​ លើ​គណបក្ស​ នយោបាយ​ មួយ​ចំនួន, ហើយ គ.ជ.ប. យល់​ថា, ការ​ធ្វើ​ បែប​នេះ អាច​ធ្វើ​ឲ្យ​ មហា​ជន ​យល់​ច្រឡំ​ អំពី​ លទ្ធផល​ នៃ​ការ​ ស្ទង់​មតិ។  បន្ថែម​ ពី​នេះ គ.ជ.ប. ក៏​ព្រមាន​ នឹង​ចាត់​ វិធានការ​ ផ្លូវ​ច្បាប់ ប្រសិន​បើ ​នៅ​តែ​ បន្ត​ធ្វើ​ សកម្មភាព ​ស្ទង់​មតិ​ តាម​ហ្វេសប៊ុក។

ក្នុង​សេចក្ដី​អំពាវនាវ ប្រធាន គ.ជ.ប លោក ស៊ិក ប៊ុនហុក បញ្ជាក់​ថា តាម​ច្បាប់​បោះឆ្នោត និង​បទបញ្ជា ព្រមទាំង​នីតិវិធី ការ​ស្ទង់​មតិ​ត្រូវ​គោរព​តាម​គោលការណ៍​មួយ​ចំនួន​រួម​មាន៖ រៀបចំ​ដោយ​អង្គការ ឬ​ស្ថាប័ន​មាន​វិជ្ជាជីវៈ ត្រូវ​មាន​តម្លាភាព និង​ភាព​មិន​លម្អៀង គោរព​សិទ្ធិ សេរីភាព​បុគ្គល រក្សា​ការសម្ងាត់​នៃ​អ្នក​បោះឆ្នោត មិន​បង្ក​អសន្ដិសុខ ភាព​ចលាចល ឬ​ការ​ប៉ះពាល់​ដល់​សណ្ដាប់ធ្នាប់​សាធារណៈ ឬ​ការ​ធ្វើ​ឲ្យ​ភាន់ច្រឡំ​ក្នុង​ដំណើរ​ការ​បោះឆ្នោត៕

No comments:

Post a Comment