​Paris Peace Agreements 1991

Thursday, June 8, 2017

តុលាការ ​បញ្ចប់​ ការ​សាក​សួរ​ ជនជាតិ​ អូស្ត្រាលី​ ករណី​ លួច​ព័ត៌មាន​ នៅ​កម្ពុជា | Court finished questioning an Australian in case of stealing information in Cambodia

តុលាការ ​បញ្ចប់​ ការ​សាក​សួរ​ ជនជាតិ​ អូស្ត្រាលី​ ករណី​ លួច​ព័ត៌មាន​ នៅ​កម្ពុជា

RFA / វិទ្យុ អាស៊ី សេរី | ៨ មិថុនា​ ២០១៧


សាលា​ដំបូង​ រាជធានី​ ភ្នំពេញ​ បញ្ចប់ ​ការ​សាកសួរ បុរស​ ជនជាតិ​ អូស្ត្រាលី ​ម្នាក់ ឈ្មោះ ជេមស៍ រីកឃិតសាន់ (James Ricketson) នៅ​រសៀល ​ថ្ងៃ​ទី៨ មិថុនា, ប៉ុន្តែ ​តុលាការ​ មិន​ទាន់ ​ចោទ​ប្រកាន់ ​ជា​ផ្លូវ​ នៅ​ឡើយ​ទេ ខណៈ​ បុរស​រូប​នេះ ​ត្រូវ​ បាន​ឃុំ​ឃាំង ​ប្រមាណ​ ១សប្ដាហ៍​ ហើយ។


បុរស​ជនជាតិ​អូស្ត្រាលី​រូប​នេះ មាន​វ័យ ៦៨​ឆ្នាំ។ លោក​ត្រូវ​បាន​អាជ្ញាធរ​ឃាត់​ខ្លួន និង​កសាង​សំណុំ​រឿង​បញ្ជូន​ទៅ​អយ្យការ​អម​សាលា​ដំបូង​រាជធានី​ភ្នំពេញ ដើម្បី​ពិនិត្យ និង​ចាត់ការ​តាម​ផ្លូវ​ច្បាប់ កាល​ពី​ថ្ងៃ​ទី​៣ មិថុនា។

អ្នក​នាំ​ពាក្យ​តំណាង​អយ្យការ​អម​សាលា​ដំបូង​រាជធានី​ភ្នំពេញ​លោក លី សុផាណា ឲ្យ​ដឹង​នៅ​រសៀល​ថ្ងៃ​ទី៨ មិថុនា ថា ព្រះរាជអាជ្ញា​រង​លោក សៀង សុខ បាន​សាកសួរ​ចម្លើយ​ចប់​សព្វ​គ្រប់​លើ​ជន​សង្ស័យ​ជនជាតិ​អូស្ត្រាលី​នេះ​រួច​ហើយ និង​កំពុង​ពិនិត្យ​ឯកសារ និង​ភស្តុតាង​ដើម្បី​សម្រេច​សេចក្ដី​តាម​នីតិវិធី។

លោក ជេមស៍ ត្រូវ​បាន​អាជ្ញាធរ​ឃាត់​ខ្លួន​ដោយ​ជាប់​សង្ស័យ​ថា បាន​ធ្វើ​ចារកិច្ច​លួច​យក​ព័ត៌មាន​នៅ​កម្ពុជា នៅ​ពេល​លោក​កំពុង​បង្ហោះ​ដ្រូន (Drone) ថត​ក្បួន​យុទ្ធនាការ​ឃោសនា​របស់​គណបក្ស​សង្គ្រោះ​ជាតិ។ នេះ​បើ​តាម​តាម​ការ​ចុះ​ផ្សាយ​របស់​សារព័ត៌មាន​ក្នុង​ស្រុក ដែល​​បង្ហាញ​រូបថត​មួយ​សន្លឹក​ផង។

ដោយ​ឡែក កាសែត​ភ្នំពេញ​ប៉ុស្តិ៍​ជា​ភាសាខ្មែរ​ចុះ​ផ្សាយ​នៅ​ថ្ងៃ​ទី៨ មិថុនា ថា លោក ជេមស៍ ក៏​ធ្លាប់​ត្រូវ​បាន​តុលាការ​ក្រុង​ភ្នំពេញ​ផ្ដន្ទាទោស​កំបាំង​មុខ​ម្ដង​រួច​ហើយ កាល​ពី​ឆ្នាំ​២០១៤ ដោយ​ព្យួរ​ទោស​២​ឆ្នាំ និង​ពិន័យ​ប្រាក់​៦​លាន​រៀល ពី​បទ​គំរាម​កំហែង​ហែកកេរ្តិ៍​អង្គការ Citipointe International ថា ជួញ​ដូរ​កុមារ​កម្ពុជា​​ទៅ​ក្រៅ​ប្រទេស។ ការ​គំរាម​កំហែង​នោះ ធ្វើ​ឡើង​តាមរយៈ​សារ​អេឡិចត្រូនិក (Email) ក្នុង​បំណង​ឲ្យ​ម្ចាស់​ជំនួយ​បញ្ឈប់​មូលនិធិ​ដល់​អង្គការ​នេះ៕

No comments:

Post a Comment