The Anti-Sam Rainsy Law

Tuesday, June 13, 2017

[Demographic Vietnamization: Svay Rieng, Border, Elections] គ.ជ.ប.​ សម្រេច ​ឲ្យ​បក្ស​ កាន់​អំណាច ​ឈ្នះ​ឆ្នោត​ នៅ​ឃុំ​ដូង​​ ២​សំឡេង​ លើ​បក្ស​ សង្គ្រោះ​ជាតិ | NEC gives the 2 votes to ruling party for win of Daung Commune over CNRP

អ្នក​នាំ​ពាក្យ​គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) លោក ហង្ស ពុទ្ធា ផ្ដល់​បទសម្ភាសន៍​នៅ​ថ្ងៃ​ទី​១៥ ខែ​ឧសភា ឆ្នាំ​២០១៧។
អ្នក​នាំ​ពាក្យ​គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) លោក ហង្ស ពុទ្ធា ផ្ដល់​បទសម្ភាសន៍​នៅ​ថ្ងៃ​ទី​១៥ ខែ​ឧសភា ឆ្នាំ​២០១៧។ 

គ.ជ.ប.​ សម្រេច ​ឲ្យ​បក្ស​ កាន់​អំណាច ​ឈ្នះ​ឆ្នោត​ នៅ​ឃុំ​ដូង​​ ២​សំឡេង​ លើ​បក្ស​ សង្គ្រោះ​ជាតិ

RFA / វិទ្យុ អាស៊ី សេរី | ១៣ មិថុនា​ ២០១៧


គណៈកម្មាធិការ​ ជាតិ​ រៀបចំ​ ការ​បោះឆ្នោត (គ.ជ.ប.) ប្រកាស​ លទ្ធផល​ ជា​ផ្លូវការ​ ឲ្យ​គណបក្ស​ ប្រជាជន ​កម្ពុជា ឈ្នះ​ឆ្នោត​ នៅ​ឃុំ​ដូង ស្រុក ​រមាសហែក ខេត្ត ​ស្វាយរៀង លើ​គណបក្ស​ សង្គ្រោះជាតិ ចំនួន ២​សំឡេង​ វិញ។  ការ​សម្រេច​ បែប​នេះ ធ្វើ​ឲ្យ​ បក្ស​ប្រឆាំង​ កើត​ទុក្ខ ​មិន ​សុខ​ចិត្ត ដោយសារ​ ដំបូង​ឡើយ​ គណបក្ស​ កាន់​អំណាច​ ជា​អ្នក​ចាញ់​ឆ្នោត។


ការ​ប្រកាស​លទ្ធផល​ផ្ដល់​ឲ្យ​គណបក្ស​ប្រជាជន​កម្ពុជា ឈ្នះ​ឆ្នោត​ឡើង​វិញ​នៅ​ឃុំ​ដូង ស្រុក​រមាសហែក ខេត្ត​ស្វាយរៀង ដែល​ជា​ឃុំ​មួយ​ជាប់​ព្រំដែន​កម្ពុជា-​វៀតណាម នៅ​ថ្ងៃ​ទី​១៣ ខែ​មិថុនា គឺ​បន្ទាប់​ពី គ.ជ.ប បាន​សម្រេច​រាប់​សន្លឹក​ឆ្នោត​នៅ​គ្រប់​ការិយាល័យ​ទាំង ២៣ ឡើង​វិញ និង​ដោះស្រាយ​បណ្ដឹង​របស់​គណបក្ស​ធំៗ​ទាំង​ពីរ​ចាប់​តាំង​ពី​ព្រឹក​ថ្ងៃ​ទី​១២ ខែ​មិថុនា។

អ្នកនាំពាក្យ គ.ជ.ប លោក ហង្ស ពុទ្ធា មាន​ប្រសាសន៍​ថា លទ្ធផល​ផ្លូវ​ការ​ចុង​ក្រោយ​នេះ គឺ​គណបក្ស​ប្រជាជន​កម្ពុជា ទទួល​បាន ២.៦១១​សំឡេង ហើយ​គណបក្ស​សង្គ្រោះជាតិ ទទួល​បាន ២.៦០៩​សំឡេង ដូច្នេះ​គណបក្ស​ប្រជាជន ឈ្នះ​២​សំឡេង។ លោក ហង្ស ពុទ្ធា បញ្ជាក់​ថា ដំណោះស្រាយ​នៅ គ.ជ.ប ដែល​សម្រេច​ឲ្យ​បក្ស​កាន់​អំណាច​ឈ្នះ​ឆ្នោត​នេះ គឺ គ.ជ.ប សម្រេច​បិទ​ផ្លូវ​តវ៉ា​តែម្ដង«តម្លាភាព គឺ​ឋិត​នៅ​ត្រង់​ថា ចូលរួម​ទាំងអស់​គ្នា​ហើយ។ គ.ជ.ប អនុវត្ត​ទៅ​តាម​នីតិវិធី​របស់​ខ្លួន»

កាល​ពី​ថ្ងៃ​ទី​១២ ខែ​មិថុនា គ.ជ.ប បាន​ចាត់​តាំង​មន្ត្រី​ប្រាំ​ក្រុម​ឱ្យ​រាប់​ឡើង​វិញ​នូវ​សន្លឹកឆ្នោត​ចំនួន ២៣​ការិយាល័យ ស្ថិត​ក្នុង​ឃុំ​ដូង នៃ​ខេត្ត​ស្វាយរៀង។ ជា​ច្រើន​លើក​ច្រើន​សា​ក្នុង​ពេល​កំពុង​រាប់​សន្លឹក​ឆ្នោត​នោះ តំណាង​គណបក្ស​ប្រជាជន​កម្ពុជា និង​តំណាង​គណបក្ស​សង្គ្រោះ​ជាតិ បាន​ឈ្លោះប្រកែក​គ្នា​យ៉ាង​តឹង​សរសៃ​ក​ជុំវិញ​សន្លឹក​ឆ្នោត​ដែល​គំនូស​ឆ្នោត​មិន​ច្បាស់ ដូច​ជា​មាន​ទម្រង់​ជា​លេខ ជា​អក្សរ ឬ​ស៊ីញ៉េ ហើយ​សន្លឹក​ឆ្នោត​ខ្លះ​ទៀត​ប្រឡាក់ និង​មាន​ស្នាម​ត្រា គ.ជ.ប បោះ​ខុស​កន្លែង​ជាដើម។

ទីបំផុត​ក្រុម​អ្នក​រាប់​សន្លឹក​ឆ្នោត​ក៏​បាន​បញ្ជូន​សន្លឹក​ឆ្នោត​ចំនួន ៦៦​សន្លឹក ដែល​បក្ស​ទាំង​ពីរ​មិន​ឯកភាព​គ្នា និង​សន្លឹក​ឆ្នោត​មិន​បាន​ការ ១៤១​សន្លឹក​ទៅ​សមាជិក គ.ជ.ប ទាំង ៩​រូប ពិនិត្យ​សម្រេច។

​ប្រធាន​នាយកដ្ឋាន​កិច្ចការ​បោះឆ្នោត និង​នីតិកម្ម​នៃ​គណបក្ស​សង្គ្រោះ​ជាតិ លោកស្រី ម៉េង សុភារី ដែល​ចូលរួម​អង្កេត​ការ​រាប់​សន្លឹកឆ្នោត​ដែរ​នោះ បាន​មាន​ប្រសាសន៍​ថា ថ្វី​បើ​គណបក្ស​សង្គ្រោះ​ជាតិ គ្មាន​កន្លែង​ត្រូវ​ទៅ​តវ៉ា​ដោយសារ គ.ជ.ប បិទ​ផ្លូវ​តវ៉ា​ក្តី ប៉ុន្តែ​បេក្ខជន​មេឃុំ​របស់​គណបក្ស​សង្គ្រោះ​ជាតិ និង​ប្រជាពលរដ្ឋ​ម្ចាស់​ឆ្នោត គឺ​ពួកគាត់​មិន​អាច​ទទួល​យក​បាន​ឡើយ​ចំពោះ​លទ្ធផល​នេះ។

លោកស្រី​បញ្ជក់​ថា មិន​អាច​ទទួល​យក​បាន​ដោយសារ​គ្មាន​ការ​កំណត់​ជា​ស្តង់ដារ​ថា គំនូស​បែប​ណា​ត្រូវ​យក​ជា​បាន​ការ ឬ​មិន​បាន​ការ​ឡើយ ពោល​គឺ​អាស្រ័យ​លើ​ការ​បកស្រាយ​របស់ គ.ជ.ប។ ម្យ៉ាង​វិញ​ទៀត លោកស្រី​ឲ្យ​ដឹង​ដែរ​ថា សន្លឹក​ឆ្នោត​មិន​បាន​ការ​ដែល​គូស​ក្នុង​ប្រអប់​គណបក្ស​ប្រជាជន​មួយ​ចំនួន ត្រូវ​បាន​ក្រុម​អ្នក​រាប់​សន្លឹកឆ្នោត​ផ្តល់​សុពលភាព ប៉ុន្តែ​ចំពោះ​សន្លឹក​ឆ្នោត​មិន​បាន​ការ​ដែល​គូស​គាំទ្រ​បក្ស​ប្រឆាំង​ត្រូវ​បាន​ដក​សុពលភាព​ទៅ​វិញ«ប៉ុន្តែ​គំនូស​ប្រហាក់​ប្រហែល​គ្នា​ទៅ​វិញ យើង​ឃើញ​ថា​គូស​គាំទ្រ​ក្នុង​ប្រអប់​គណបក្ស​ប្រជាជន បែរ​ជា​ថា​យក​ជា​បាន​ការ។ អ៊ីចឹង​កំណត់​ស្តង់ដារ​វា​អត់​ដូច​គ្នា លើ​ថា​មួយ​ណា​ហៅ​ថា​គំនូស មួយ​ណា​ហៅ​ថា​អក្សរ។ ដល់​អ៊ីចឹង​ទៅ សំឡេង​ឆ្នោត​យើង​មិន​អាច​ទទួល​យក​បាន​ទេ»

​លទ្ធផល​បោះឆ្នោត​បឋម​នៅ​ក្នុង​ឃុំ​ដូង ដែល​ផ្សព្វផ្សាយ​ដោយ គ.ជ.ប ក្រោយ​ការ​បោះឆ្នោត​កាល​ពី​ថ្ងៃ​ទី​៤ មិថុនា កន្លង​ទៅ​អោយ​ដឹង​ថា គណបក្ស​សង្គ្រោះ​ជាតិ ទទួល​បាន​សំឡេង​ឆ្នោត​ចំនួន ២.៥៩៩​សំឡេង គឺ​នាំ​មុខ​គណបក្ស​ប្រជាជន​កម្ពុជា ចំនួន ៣​សំឡេង ពោល​គឺ​គណបក្ស​ប្រជាជន​កម្ពុជា ទទួល​បាន​សំឡេង​ឆ្នោត​ចំនួន ២.៥៩៦​សំឡេង។ ក្រោយ​មក​គណបក្ស​ប្រជាជន​កម្ពុជា បាន​ប្ដឹង​ឲ្យ​រាប់​សន្លឹក​ឆ្នោត​ចំនួន ៦​ការិយាល័យ​ឡើង​វិញ កាល​ពី​ថ្ងៃ​ទី​៧ ខែ​មិថុនា នៅ​គណៈកម្មការ​រៀបចំ​ការ​បោះ​ឆ្នោត​ខេត្ត​ស្វាយរៀង បែរ​ជា​គណបក្ស​ប្រជាជន​ឈ្នះ​លើ​គណបក្ស​សង្គ្រោះ​ជាតិ ១​សំឡេង​វិញ ម្ល៉ោះ​ហើយ ទើប​បណ្ដាល​ឲ្យ​បក្ស​ប្រឆាំង​សម្រេច​ប្ដឹង គ.ជ.ប ឲ្យ​រាប់​សន្លឹក​ឆ្នោត​គ្រប់​ការិយាល័យ​ទាំង ២៣​ឡើង​វិញ។


​ក្រោយ​ប្រកាស​លទ្ធផល​ផ្លូវ​ការ​នៅ​ឃុំ​ដូង រួច​រាល់​នោះ អ្នកនាំពាក្យ គ.ជ.ប ឲ្យ​ដឹង​ថា មក​ដល់​ថ្ងៃ​នេះ គ.ជ.ប បាន​ទទួល​បណ្ដឹង​ប្រមាណ ៤០​បណ្ដឹង​ហើយ​ពី​គណបក្ស​នយោបាយ ហើយ​ភាគ​ច្រើន​ជា​បណ្ដឹង​សុំ​រាប់​សន្លឹក​ឆ្នោត​ឡើង​វិញ។ គ.ជ.ប ក៏​បាន​ប្រកាស​ដែរ​ថា នៅ​ថ្ងៃ​ទី​១៤ ខែ​មិថុនា គឺ​ពេល​ព្រឹក គ​.​ជ​.​ប នឹង​បើក​ការ​រាប់​សន្លឹក​ឆ្នោត​ឡើង​វិញ​នៅ​ការិយាល័យ​ចំនួន ៩​ការិយាល័យ ក្នុង​ឃុំ​បឹងប្រាំ ស្រុក​បវេល ខេត្ត​បាត់ដំបង។ នៅ​រសៀល​ថ្ងៃ​ដដែល គ.ជ.ប ក៏​នឹង​បើក​រាប់​សន្លឹក​ឆ្នោត​ចំនួន ១​ការិយាល័យ​នៅ​ឃុំ​ក្លែង ស្រុក​សណ្ដាន់ ខេត្ត​កំពង់ធំ៕​


No comments:

Post a Comment