Unity of Party or Person?

Tuesday, June 13, 2017

គ.ជ.ប. មិន ​ទាន់​ដឹង ​ចំនួន ​នៅ​សល់ ​ពិត​ប្រាកដ នៃ​សន្លឹកឆ្នោត ​ដែល​បោះពុម្ព​ លើស | NEC does not yet know how many printed extra ballots are leftover

រោងពុម្ព​បោះពុម្ព​សន្លឹក​ឆ្នោត ឋិត​ក្នុង​ខណ្ឌ​ទួលគោក រាជធានី​ភ្នំពេញ។ រូបថត​ថ្ងៃ​ទី​២៩ ខែ​មេសា ឆ្នាំ​២០១៧។
រោងពុម្ព​បោះពុម្ព​សន្លឹក​ឆ្នោត ឋិត​ក្នុង​ខណ្ឌ​ទួលគោក រាជធានី​ភ្នំពេញ។ រូបថត​ថ្ងៃ​ទី​២៩ ខែ​មេសា ឆ្នាំ​២០១៧។

គ.ជ.ប. មិន ​ទាន់​ដឹង ​ចំនួន ​នៅ​សល់ ​ពិត​ប្រាកដ នៃ​សន្លឹកឆ្នោត ​ដែល​បោះពុម្ព​ លើស

RFA / វិទ្យុ អាស៊ី សេរី | ១៣ មិថុនា​ ២០១៧


មន្ត្រី​ គណៈកម្មាធិការ​ ជាតិ​ រៀបចំ​ ការ​បោះឆ្នោត (..ប.) ឲ្យ​ដឹង​ ថា, សន្លឹកឆ្នោត​ ដែល​បោះពុម្ព​ លើស ឬ​សន្លឹកឆ្នោត​ ដែល​បោះពុម្ព​ បម្រុង​ទុក ​ត្រៀម​បង្ការ​ ក្នុង​ថ្ងៃ​ បោះឆ្នោត គិត​មក​ដល់​ ពេល​នេះ​ នៅ​មិន​ ទាន់ដឹង​ ពី​ចំនួន ​ដែល​នៅ​សល់​ ពិតប្រាកដ​ នៅ​ឡើយ​ទេ។  អង្គការ​ មិន​មែន ​រដ្ឋាភិបាល​ ដែល​ឃ្លាំ​មើល ​ពី​ដំណើរការ​ បោះឆ្នោត យល់​ឃើញ​ ថា, សន្លឹកឆ្នោត​ ដែល​បោះ​លើស​នេះ គឺ ​រក​ មិន​ទាន់​ ឃើញ​ ពី​ការ​ ប្រើប្រាស់ ​ក្នុង​ទិសដៅ​ ផ្សេង ក្រៅ​ ពី​បម្រើ​ ឲ្យ​ការ​ បោះឆ្នោត​ នៅ​ឡើយ​ទេ។


សន្លឹកឆ្នោត ​ដែល​បោះពុម្ព​ លើស​ សម្រាប់ ​ការ​បោះឆ្នោត​ ជ្រើសរើស​ ក្រុម​ប្រឹក្សា​ ឃុំ-សង្កាត់​ នេះ នឹង​ត្រូវ​ បំផ្លាញ​ចោល ៣​ឆ្នាំ​ ក្រោយ បន្ទាប់​ ពី​រក្សា​ទុក​ នៅ​ក្នុង​ឃ្លាំង ​របស់ គ..ប. រួច។

ថ្លែង​ប្រាប់​ក្រុម​អ្នក​កាសែត​នៅ​ទីស្ដីការ​របស់​គណៈកម្មាធិការ​ជាតិ​រៀបចំ​ការ​បោះឆ្នោត កាល​ពី​ព្រឹក​ថ្ងៃ​ទី​១៣ ខែ​មិថុនា លោក ហង្ស ពុទ្ធា មន្ត្រី​នាំ​ពាក្យ​របស់ គ..ប អះអាង​ថា សន្លឹកឆ្នោត​ដែល​បោះពុម្ព​បម្រុង​ទុក​សម្រាប់​ប្រើប្រាស់​ពេល​មាន​បញ្ហា​កើត​ឡើង​ក្នុង​ពេល​បោះឆ្នោត​នេះ គឺ​មិន​ទាន់​ដឹង​ពី​ចំនួន​ដែល​នៅ​សល់​ជាក់លាក់​នៅ​ឡើយ​ទេ។ លោក​បន្ត​ថា ក្រោយ​ពី គ..ប សម្អាត​បញ្ជី​រួច​រាល់​នៅ​ក្រោយ​ថ្ងៃ​ប្រកាស​លទ្ធផល​ឆ្នោត​ជា​ផ្លូវការ នឹង​ដឹង​ពី​ចំនួន​ដែល​សល់​ពិត​ប្រាកដ

លោក ហង្ស ពុទ្ធា ធ្លាប់​អះអាង​ថា ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់​ក្នុង​អាណត្តិ​ទី​៤ នេះ គ..ប ដែល​ជា​ស្ថាប័ន​រៀបចំ​ការ​បោះឆ្នោត បាន​បោះពុម្ព​សន្លឹកឆ្នោត​លើស ឬ​បម្រុង​ទុក​ចំនួន ២៥​ភាគរយ។

នៅ​ពេល​មុន​បោះឆ្នោត អ្នក​ជំនាញ​កិច្ចការ​បោះឆ្នោត​បង្ហាញ​ការ​ព្រួយ​បារម្ភ​ចំពោះ​សន្លឹកឆ្នោត​ដែល គ..ប បោះពុម្ព​លើស​រហូត​ដល់ ២៥​ភាគរយ ខណៈ​ប្រទេស​ជឿនលឿន​មួយ​ចំនួន សន្លឹកឆ្នោត​ដែល​បោះពុម្ព​លើស​នេះ សង្គម​ស៊ីវិល​ដែល​ឃ្លាំ​មើល​ពី​ដំណើរការ​បោះឆ្នោត​អះអាង​ថា យ៉ាង​ច្រើន​ណាស់​ត្រឹម ៧​ភាគរយ​ប៉ុណ្ណោះ។

បើ​ទោះ​ជា​បែប​ណា​ក្ដី អ្នក​សម្របសម្រួល​ផ្នែក​អង្កេត​នៃ​អង្គការ​ខុមហ្វ្រែល (COMFREL) លោក កន សាវាង្ស ថ្លែង​ថា ថ្វី​បើ​សន្លឹកឆ្នោត​ដែល​បោះពុម្ព​លើស​នេះ​មាន​ចំនួន​ច្រើន​ហួស​ពី​អ្វី​ដែល​សង្គម​ស៊ីវិល​បាន​គិត​ថា អាច​នឹង​ប្រើ​ក្នុង​ទិសដៅ​ផ្សេង​នាំ​ឲ្យ​បាត់បង់​តម្លាភាព ប៉ុន្តែ​ធាតុ​ពិត សន្លឹកឆ្នោត​ដែល​បោះពុម្ព​បម្រុង​នេះ គឺ​នៅ​មិន​ទាន់​មាន​បញ្ហា​កើត​ឡើង​ដោយសារ​ការ​បោះពុម្ព​លើស​នេះ​នៅ​ឡើយ​ទេ

មន្ត្រី​គណៈកម្មាធិការ​ជាតិ​រៀបចំ​ការ​បោះឆ្នោត ឲ្យ​ដឹង​ថា សម្រាប់​សន្លឹកឆ្នោត​ដែល​បោះពុម្ព​លើស​បម្រើ​ឲ្យ​ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់ គឺ​គេ​អាច​រក្សា​ទុក​នៅ​ឃ្លាំង គ..ប បាន​រយៈពេល ៣​ឆ្នាំ មុន​នឹង​ត្រូវ​បំផ្លាញ​ចោល។ ដោយឡែក​សន្លឹកឆ្នោត​ដែល​បោះពុម្ព​លើស​សម្រាប់​បោះឆ្នោត​ជ្រើស​តាំង​តំណាងរាស្ត្រ​វិញ គឺ​គេ​ត្រូវ​រក្សា​ទុក​រយៈពេល ៦​ឆ្នាំ ទើប​ត្រូវ​កម្ទេច​ចោល។

យ៉ាង​ណា ការ​រៀបចំ និង​ការ​ប្រព្រឹត្ត​ទៅ​របស់ គ..ប សម្រាប់​ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់​នៅ​ក្នុង​អាណត្តិ​ទី​៤ នេះ ក្រុម​អង្គការ​មិន​មែន​រដ្ឋាភិបាល​ដែល​ឃ្លាំ​មើល​ពី​ដំណើរការ​បោះឆ្នោត ចាត់​ទុក​ថា​មាន​ដំណើរការ​ទៅ​ល្អ និង​អាច​ទទួល​យក​បាន ទាំង​នីតិវិធី និង​បច្ចេកទេស៕






No comments:

Post a Comment