Paris Peace Accords 23 Oct. 1991

Thursday, June 1, 2017

លោក ហ៊ុន សែន សួរ​ពលរដ្ឋ​ ថា, ​ចង់​ភ្លក់​ រសជាតិ​ សង្គ្រាម​ ទៀត​ ឬ​ទេ? Hun Sen asks the people, do you want to taste war again or not?

លោក​នាយក​រដ្ឋមន្ត្រី ហ៊ុន សែន ថ្លែង​ក្នុង​ពិធី​សម្ពោធ​ស្ថានីយ​អ្នក​ដំណើរ​ថ្មី នៃ​អាកាសយានដ្ឋាន​អន្តរជាតិ​ភ្នំពេញ នៅ​ព្រឹក​ថ្ងៃ​ទី​១៦ ខែ​មីនា ឆ្នាំ​២០១៦។
លោក​នាយក​រដ្ឋមន្ត្រី ហ៊ុន សែន ថ្លែង​ក្នុង​ពិធី​សម្ពោធ​ស្ថានីយ​អ្នក​ដំណើរ​ថ្មី នៃ​អាកាសយានដ្ឋាន​អន្តរជាតិ​ភ្នំពេញ នៅ​ព្រឹក​ថ្ងៃ​ទី​១៦ ខែ​មីនា ឆ្នាំ​២០១៦។

លោក ហ៊ុន សែន សួរ​ពលរដ្ឋ​ ថា, ​ចង់​ភ្លក់​ រសជាតិ​ សង្គ្រាម​ ទៀត​ ឬ​ទេ?

RFA / វិទ្យុ អាស៊ី សេរី |១​ មិថុនា​ ២០១៧

 


លោក​ នាយករដ្ឋមន្ត្រី ហ៊ុន សែន ចេញ​សារ ​ព្រមាន​ អំពី​ សង្គ្រាម​ សា​ជា​ថ្មី​ ម្ដង​ទៀត ស្រប​ពេល​ ការ​បោះឆ្នោត ​ជ្រើសរើស​ ក្រុមប្រឹក្សា​ ឃុំ-​សង្កាត់ កាន់​តែ​ ខិត​ជិត ​មក​ដល់។  សារ ​ព្រមាន ​ពី​លោក ហ៊ុន សែន បែប​នេះ ក៏​ត្រូវ​ បាន ​មេ​បក្ស​ប្រឆាំង​ វាយ​បក​ ជា​ថ្មី​ដែរ​ ថា, នរណា ​ដែល​និយាយ ​ថា ចាញ់​ឆ្នោត​ នឹង​ធ្វើ​សង្គ្រាម គឺ​ អ្នក​នោះ ​មិន​មែន ​ជា​អ្នក ​ប្រជាធិបតេយ្យ​ ឡើយ។

គេ​ ហាក់​ មិន​ បាន​លឺ​ ទាល់តែសោះ​ អំពី ​សម្ដី​ លោក​ នាយករដ្ឋមន្ត្រី ហ៊ុន សែន ថ្លែង​អំពាវនាវ​ ឱ្យ​ពលរដ្ឋ​ ចេញ​ទៅ​ បោះឆ្នោត ដោយ​មិន​ ត្រូវ​ រង​ការ​ គំរាមកំហែង និង​រង​ការ​ ភ័យខ្លាច​ ឡើយ។  ផ្ទុយ​ទៅ​វិញ ជា​ញឹកញាប់, លោក​ បែរ​ ជា​ព្រមាន​ ពី​សង្គ្រាម​ ម្ដង​ហើយ ​ម្ដង​ទៀត ប្រសិន​ណា ​បក្ស​ របស់​លោក​ ចាញ់​ឆ្នោត ​នៅ​ក្នុង​ ការ​បោះឆ្នោត​ ខាង​មុខ​ ដ៏​ខ្លី​នេះ។

ក្រៅ​តែ​ និយាយ​ ដោយ​ផ្ទាល់​មាត់​ មិន​ អស់​ចិត្ត​ នៅ​ក្នុង​ ទំព័រ​ ហ្វេកប៊ុក (Facebook) កាល​ពី​ល្ងាច​ ថ្ងៃ​ទី​៣១ ខែ​ឧសភា ឆ្នាំ​២០១៧ លោក ​នាយករដ្ឋមន្ត្រី ហ៊ុន សែន ក្រោយ​ ពី​សរសេរ​ រៀបរាប់​ អំពី​ អតីត ​រឿងរ៉ាវ​ បែកបាក់ ​គ្រួសារ, ប្រពន្ធ និង​កូន​ នៅ​ក្នុង​សម័យ ប៉ុល ពត។  លោក​ ក៏​បាន​ រំលឹក​ ទៅ​ពលរដ្ឋ​ ជា​ថ្មី​ តាម​រយៈ​ សំណួរ​ ថា, «តើ​ ចង់​ភ្លក់​ រសជាតិ ​សង្គ្រាម និង​ការ​ ព្រាត់ប្រាស ​ទៀត ឬ​ទេ?  ហើយ ​នេះ ​គឺ​ ជា​ប្រធានបទ​ សម្រាប់​ ការ​បោះឆ្នោត ​នៅ​ពេល​ ខាង​មុខ ដែល​ត្រូវ​ ជ្រើសរើស ​រវាង ​សង្គ្រាម និង​សន្តិភាព។» ["Do you want to taste war and conflict again or not?  This is the topic for these upcoming elections, that you have to choose between war or peace."]


លោក ហ៊ុន សែន នៅ​តែ​អះអាង​ថា បើ​នៅ​មាន​ការ​ជេរប្រមាថ ញុះញង់ និង​លាប​ពណ៌ ប្រភព​នៃ​សង្គ្រាម និង​ចលាចល​នៅ​តែ​មាន​សម្រាប់​កម្ពុជា។

សារ​ទៅ​កាន់​អ្នក​បោះឆ្នោត​របស់​លោក ហ៊ុន សែន នេះ ស្រប​ពេល​លោក​បាន​បង្ហោះ​រូបថត​កូន​ប្រុស​ច្បង​នៅ​វ័យ​កុមារ​របស់​លោក គឺ​លោក ហ៊ុន ម៉ាណែត ដែល​លោក ហ៊ុន សែន ពន្យល់​អត្ថន័យ​បន្ថែម​ក្នុង​រូបថត​នោះ​ថា លោក ហ៊ុន ម៉ាណែត កាល​ពី ៣៨​ឆ្នាំ​មុន ធ្លាប់​ហៅ​លោក​ដែល​ជា​ឪពុក​បង្កើត​ថា "ពូ" និង​សុខចិត្ត​ឱ្យ​បងស្រី​ជីដូនមួយ​ពរ និង​បញ្ចុក​បាយ​ជំនួស ជា​ជាង​ឱ្យ​លោក​ទៅ​ជិត​រូបគេ និង​ម្ដាយ​របស់​គេ។ បន្ថែម​ពី​នេះ លោក ហ៊ុន សែន បញ្ជាក់​ទៀត​ថា ក្រោយពី​ផ្ដួល​រំលំ​របប ប៉ុល ពត កូនប្រុស​របស់​លោក និង​កុមារ​រាប់​លាន​នាក់​ផ្សេង​ទៀត​បាន​រីកចម្រើន​ឡើង ដោយសារ​ការ​ដឹកនាំ​របស់​គណបក្ស​ប្រជាជន​កម្ពុជា។

ការ​ថ្លែង​សារ​ព្រមាន​សង្គ្រាម​លើក​ចុង​ក្រោយ​របស់​លោក ហ៊ុន សែន នេះ បាន​កើត​ឡើង ស្រប​ពេល​មាន​ការ​អំពាវនាវ​ពី​អង្គការ​អន្តរជាតិ និង​ជាតិ​មួយ​ចំនួន​ដែល​ចង់​ឱ្យ គ.ជ.ប. ត្រួត​ពិនិត្យ ដើម្បី​បញ្ឈប់​ការ​គំរាមកំហែង​បែប​នេះ​ត​ទៅ​ទៀត។

ទោះ​ជា​យ៉ាង​ណា​ក្ដី មន្ត្រី​នាំ​ពាក្យ​គណៈកម្មាធិការ​ជាតិ​រៀបចំ​ការ​បោះឆ្នោត លោក ហង្ស ពុទ្ធា ថ្លែង​ថា លោក​ពុំ​ទាន់​បាន​ដឹង​អំពី​សារ​ព្រមាន​អំពី​សង្គ្រាម​ចុង​ក្រោយ​របស់​លោក ហ៊ុន សែន ក្នុង​ទំព័រ​ហ្វេសប៊ុក នៅ​ឡើយ​ទេ ហើយ​លោក​ក៏​មិន​ទាន់​ដឹង​ថា គ.ជ.ប. នឹង​ដោះស្រាយ​បែប​ណា​នោះ​ដែរ៖ «ចាំ​ ខ្ញុំ​ រាយការណ៍​ ទៅ គ.ជ.ប. សិន, ហើយ​ ចាំ គ.ជ.ប. សម្រេច ​យ៉ាង​ម៉េច ខ្ញុំ​ នឹង​ឆ្លើយ​ប្រាប់​ តាម​ក្រោយ ព្រោះ​ ឥឡូវ​រឿង​នេះ ខ្ញុំ​ អត់​ ទាន់​បាន ​ដឹង​ដែរ»

រយៈពេល​កន្លង​មក លោក ហង្ស ពុទ្ធា ធ្លាប់​បញ្ជាក់​ថា គ.ជ.ប នឹង​អាច​ត្រួត​ពិនិត្យ​ចំពោះ​សារ​ព្រមាន​អំពី​សង្គ្រាម​របស់​លោក ហ៊ុន សែន ដរាបណា​មាន​ពាក្យ​បណ្ដឹង​ជា​មុន។

ជុំវិញ​រឿង​នេះ មន្ត្រី​នាំ​ពាក្យ​គណបក្ស​សង្គ្រោះ​ជាតិ លោក យឹម សុវណ្ណ ថ្លែង​ថា លោក​មិន​ចង់​ធ្វើការ​ឆ្លើយ​តប​ចំពោះ​សារ​ព្រមាន​របស់​លោក ហ៊ុន សែន ឡើយ ហើយ​សារ​ព្រមាន​នេះ ទុក​ឱ្យ​ប្រជាពលរដ្ឋ​ធ្វើការ​វិនិច្ឆ័យ​នៅ​ថ្ងៃ​បោះឆ្នោត​ខាង​មុខ៖ «ខ្ញុំ​ទុក​ឱ្យ​ប្រជាពលរដ្ឋ ១៥​លាន​នាក់ ឆ្លើយ​ឆ្លង​ជាមួយ​គាត់ នៅ​ពេល​ធ្វើ​សេចក្ដី​សម្រេច​បោះឆ្នោត​នៅ​ថ្ងៃ​ទី​៤ មិថុនា ខាង​មុខ​នេះ»

​ចំណែក​ប្រធាន​គណបក្ស​សង្គ្រោះ​ជាតិ លោក កឹម សុខា ថ្លែង​នៅ​ពេល​ធ្វើ​យុទ្ធនាការ​ឃោសនា​បោះឆ្នោត​នៅ​ស្រុក​ខ្សាច់កណ្ដាល ខេត្ត​កណ្ដាល នៅ​ថ្ងៃ​ទី​១ ខែ​មិថុនា ថា អ្នក​ព្រមាន​កើត​សង្គ្រាម​នៅ​ពេល​ខ្លួន​ចាញ់​ឆ្នោត គឺ​អ្នក​នោះ​មិន​ស្គាល់​អ្វី​ជា​របប​លទ្ធិប្រជាធិបតេយ្យ ហើយ​មិន​មែន​ជា​ជន​លទ្ធិប្រជាធិបតេយ្យ​ឡើយ៖ «ផ្លាស់ប្ដូរ​អំណាច​គ្នា​តាម​រយៈ​សន្លឹកឆ្នោត យើង​មិន​ផ្លាស់ប្ដូរ​តាម​រយៈ​អាវុធ​ធ្វើ​សង្គ្រាម​នោះ​ទេ ហើយ​នរណា​គិត​ពី​សង្គ្រាម អ្នក​ហ្នឹង​មិន​មែន​ជា​ជន​ប្រជាធិបតេយ្យ​នោះ​ទេ»

​នាយក​ប្រតិបត្តិ​គណៈកម្មាធិការ​អព្យាក្រឹត និង​យុត្តិធម៌​ដើម្បី​ការ​បោះឆ្នោត​ដោយ​សេរី និង​ត្រឹមត្រូវ​នៅ​កម្ពុជា ឬ​ហៅ​ថា អង្គការ​និចហ្វិក (NICFEC) លោក សំ គន្ធាមី បញ្ជាក់​ថា ថ្វី​ត្បិត​ក្នុង​ច្បាប់​បោះឆ្នោត ពុំ​មាន​ចែង​ដើម្បី​ដាក់​ពិន័យ ឬ​ទោសទណ្ឌ​ចំពោះ​អ្នក​ប្រើប្រាស់​ពាក្យ​គំរាមកំហែង​អំឡុង​ពេល​យុទ្ធនាការ​ឃោសនា​បោះឆ្នោត ប៉ុន្តែ​គ.ជ.ប អាច​ចេញ​សេចក្ដី​ជូន​ដំណឹង​ទៅ​បុគ្គល​នោះ ឱ្យ​ឈប់​ប្រើប្រាស់​ពាក្យ​គំរាមកំហែង​ត​ទៅ​ទៀត។ លោក​បន្ថែម​ថា ប្រសិនបើ គ.ជ.ប បាន​ចេញ​សេចក្ដី​ជូនដំណឹង​ម្ដង​ជា​ពីរ​ដង​ថា បុគ្គល​នោះ​នៅ​តែ​ផ្គើន ហើយ​មិន​ព្រម​អនុវត្ត​តាម គ.ជ.ប. អាច​មាន​សិទ្ធិ​កោះហៅ​បុគ្គល​នោះ មក​សួរ​បំភ្លឺ​ដោយ​ផ្ទាល់​បាន៖ «គ.ជ.ប ប្រហែល​មិន​ហ៊ាន​ផង មិន​ត្រឹម​ហៅ​មក​ឆ្លើយ​បំភ្លឺ សូម្បី​ចេញ​សេចក្ដី​ជូន​ដំណឹង​ក៏​មិន​ហ៊ាន​ដែរ»

លោក សំ គន្ធាមី ចាត់​ទុក​សារ​ព្រមាន​ពី​សង្គ្រាម​របស់​លោក ហ៊ុន សែន ថា អាច​ជះ​ឥទ្ធិពល​ទៅ​ដល់​ការ​សម្រេច​តាម​ឆន្ទៈ​របស់​ពលរដ្ឋ និង​ធ្វើ​ពលរដ្ឋ​ខ្លះ​ទៀត ទទួល​អារម្មណ៍​មិន​សុខ​ស្រួល នៅ​ពេល​ចេញ​ទៅ​បោះ​ឆ្នោត​ខាង​មុខ។ បន្ថែម​ពី​នេះ ពលរដ្ឋ​ខ្លះ​ទៀត​ក៏​អាច​នឹង​សម្រេច​ចិត្ត​គូស​សន្លឹក​ឆ្នោត​ទៅ​តាម​ការ​គំរាមកំហែង​ដែរ។ ទោះ​ជា​យ៉ាង​នេះ​ក្ដី នាយក​ប្រតិបត្តិ​គណៈកម្មាធិការ​អព្យាក្រឹត និង​យុត្តិធម៌​ដើម្បី​ការ​បោះឆ្នោត​ដោយ​សេរី និង​ត្រឹមត្រូវ​នៅ​កម្ពុជា រូប​នេះ​ថ្លែង​ថា បច្ចុប្បន្ន​សារ​គំរាមកំហែង បំភិតបំភ័យ និង​ការ​ទិញដូរ​ទឹក​ចិត្ត​ជាដើម មិន​អាច​ប៉ះពាល់​ទៅ​ដល់​ការ​សម្រេចចិត្ត​របស់​ពលរដ្ឋ​មួយ​ចំនួន​ធំ​ឡើយ ព្រោះ​ដោយសារ​ការ​បោះឆ្នោត​លើក​នេះ មាន​ការ​អប់រំ​ច្រើន​ទៅ​ដល់​ប្រជាពលរដ្ឋ៕


7 comments:

  1. Anonymous11:31 PM

    This guy, Ah Yong Yuon (Vietnamese puppet) Hun Sen, always talks about the war or civil war. No one wants war in Cambodia. This guy was brainwashed and trained in his Vietnamese master's country, learning how to fight against and kill his own kind to please his Vietnamese master.

    ReplyDelete
  2. Anonymous1:58 AM

    Monkey Hun Sen reinstated again what
    a monkey can do !!!

    The Khmer people will send this monkey
    back to Hanoi.

    ReplyDelete
  3. Anonymous3:46 AM

    This dog is very nervous right now. The only thing he can do now is using scare tactic. Nobody believes him this time.
    Na Na Na Na Hey Hey Hey Goodbye!

    ReplyDelete
  4. Anonymous10:44 AM

    Mr. Hun Sen has bigger support now, China. So he will crush CNRP.

    ReplyDelete
  5. Anonymous2:25 PM

    10:44 AM

    With the new military ally China, the CNRP Government will
    crush expansionist Vietnam !!!

    ReplyDelete
    Replies
    1. Anonymous12:01 PM

      Are you stupid? China ignores CNRP.

      Delete
    2. Anonymous6:57 AM

      12:01 PM

      Are YOU stupid ? The Chinese love only the winners.
      The winner of the 2018 election will be the CNRP !!!

      Delete