​Paris Peace Agreements 1991

Friday, June 9, 2017

ក្រសួង​ មហាផ្ទៃ​ បដិសេធ​ គម្រោង​ តែងតាំង​ មន្ត្រី​ ឃុំ-សង្កាត់​ ដែល​ចាញ់​ឆ្នោត​ ជា​ទីប្រឹក្សា | Interior Ministry rejects plan to appoint commune officials who lost election to position of advisers

រដ្ឋមន្ត្រី​ក្រសួង​មហាផ្ទៃ លោក ស ខេង ថ្លែង​ក្នុង​កិច្ច​ប្រជុំ​បូក​សរុប​លទ្ធផល​ត្រួត​ពិនិត្យ​ការ​អនុវត្ត​ច្បាប់​ចរាចរណ៍​ផ្លូវ​គោក​ប្រចាំ​ឆ្នាំ​២០១៦ និង​ទិសដៅ​ការងារ​ឆ្នាំ​២០១៧ នៅ​ថ្ងៃ​ទី​២ ខែ​មករា ឆ្នាំ​២០១៧។ RFA/Leng Maly
រដ្ឋមន្ត្រី​ក្រសួង​មហាផ្ទៃ លោក ស ខេង ថ្លែង​ក្នុង​កិច្ច​ប្រជុំ​បូក​សរុប​លទ្ធផល​ត្រួត​ពិនិត្យ​ការ​អនុវត្ត​ច្បាប់​ចរាចរណ៍​ផ្លូវ​គោក​ប្រចាំ​ឆ្នាំ​២០១៦ និង​ទិសដៅ​ការងារ​ឆ្នាំ​២០១៧ នៅ​ថ្ងៃ​ទី​២ ខែ​មករា ឆ្នាំ​២០១៧។ RFA/Leng Maly

ក្រសួង​ មហាផ្ទៃ​ បដិសេធ​ គម្រោង​ តែងតាំង​ មន្ត្រី​ ឃុំ-សង្កាត់​ ដែល​ចាញ់​ឆ្នោត​ ជា​ទីប្រឹក្សា

RFA / វិទ្យុ អាស៊ី សេរី | ៨ មិថុនា​ ២០១៧


ក្រសួង​ មហាផ្ទៃ​ ចេញ​សេចក្ដី​ បំភ្លឺ​មួយ​ នៅ​ថ្ងៃ​ ទី៨ មិថុនា បដិសេធ​ គម្រោង​ តែងតាំង ​មន្ត្រី​ ឃុំ-សង្កាត់​ មក​ពី​គណបក្ស​ ប្រជាជន​ កម្ពុជា ដែល​ចាញ់​ ការ​បោះឆ្នោត ​ក្រុមប្រឹក្សា​ ឃុំ-សង្កាត់​ អាណត្តិ​ទី៤ ឆ្នាំ​២០១៧ ឲ្យធ្វើ ជា​ទីប្រឹក្សា ឬ​ជំនួយការ​ មន្ត្រី​ជាន់​ខ្ពស់ ​រដ្ឋាភិបាល។


សេចក្ដី​បំភ្លឺ​នេះ​ធ្វើ​ឡើង​ឆ្លើយ​តប​នឹង​ការ​ផ្សាយ​របស់​អាស៊ីសេរី​កាល​ពី​ថ្ងៃ​ទី៧ មិថុនា នូវ​ការ​លើក​ឡើង​របស់​សង្គម​ស៊ីវិល និង​បក្ស​ប្រឆាំង ដែល​បារម្ភ​ពី​ការ​ប្រើប្រាស់​ថវិកា​ជាតិ ដោយ​គ្មាន​ប្រសិទ្ធភាព​លើ​គម្រោង​តែងតាំងមន្រ្តីទាំង​នេះ។

ក្រសួង​មហាផ្ទៃ​បំភ្លឺ​ថា ការ​តែងតាំង​មុខ​តំណែង​ជា​ទីប្រឹក្សា ឬ​ជំនួយការ​នេះ ចំពោះ​តែ​មេឃុំ-ចៅ​សង្កាត់ និង​ជំទប់​ទី១​មួយ​ចំនួន​ដែល​មិន​បាន​ឈរ​ឈ្មោះ​សម្រាប់​ការ​បោះឆ្នោត​ឃុំ​សង្កាត់​អាណត្តិ​ទី៤​នេះ​តែប៉ុណ្ណោះ។ ក្រសួង​បន្ត​ថា ការ​តែង​តាំង​នេះ គឺ​ជា​ការ​ប្រើប្រាស់​ធនធាន​មនុស្ស​ដែល​មាន​បទពិសោធន៍ និងមាន​សមត្ថភាព​សម្រាប់​ជួយ​ការងារ​តាម​ក្រសួង​ស្ថាប័ន ដើម្បី​លើក​កម្ពស់​ប្រសិទ្ធភាព​ការងារ​នៅ​តាម​អង្គភាព និង​ថ្នាក់​មូលដ្ឋាន។

មន្ត្រី​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន ធ្លាប់​ឲ្យ​អាស៊ីសេរី​ដឹង​ថា ការ​តែងតាំង​មន្ត្រី​ទាំងនេះ គឺ​ប្រើប្រាស់​ថវិកា​ជា​ការ​ចំណាយ​របស់​គណបក្ស។ ទោះ​បី​ជា​យ៉ាង​នេះ​ក្ដី អ្នក​ឃ្លាំ​មើល​ផ្នែក​អភិវឌ្ឍ​សង្គម លើក​ឡើង​ថា រដ្ឋាភិបាល​បាន​ចំណាយ​ថវិកា​រដ្ឋ​ជា​ច្រើន​ទៅ​លើ​ទីប្រឹក្សា​នានា ដែល​ជា​ការ​ចាយវាយ​ថវិកា​រដ្ឋ​ខ្ជះខ្ជាយ ធ្វើ​ឲ្យ​ខាត​បង់​ថវិកា​ជាតិ៕


No comments:

Post a Comment