​Paris Peace Agreements 1991

Monday, June 19, 2017

ក្រសួង​ មហាផ្ទៃ​ ទាមទារ​ ឲ្យ​គ.ជ.ប​. ដាក់​បណ្ដឹង​ រឿង​អ្នក​ចោទ​ គ.ជ.ប. ​នៅ​ក្រោម​ បរទេស | Interior Ministry requests NEC to file a complaint against anyone who accuses NEC of being under foreign influence

លោក ខៀវ សុភ័គ អ្នកនាំពាក្យ​ក្រសួង​មហាផ្ទៃ ចូលរួម​ក្នុង​កិច្ចប្រជុំ​បូក​សរុប​ពី​ការ​អនុវត្ត​ច្បាប់​ចរាចរណ៍​ដើម​ឆ្នាំ២០១៦ នា​ក្រសួង​មហាផ្ទៃ កាល​ថ្ងៃទី២១ ខែ​មករា ឆ្នាំ​២០១៦។
លោក ខៀវ សុភ័គ អ្នកនាំពាក្យ​ក្រសួង​មហាផ្ទៃ ចូលរួម​ក្នុង​កិច្ចប្រជុំ​បូក​សរុប​ពី​ការ​អនុវត្ត​ច្បាប់​ចរាចរណ៍​ដើម​ឆ្នាំ២០១៦ នា​ក្រសួង​មហាផ្ទៃ កាល​ថ្ងៃទី២១ ខែ​មករា ឆ្នាំ​២០១៦។

ក្រសួង​ មហាផ្ទៃ​ ទាមទារ​ ឲ្យ​គ.ជ.ប​. ដាក់​បណ្ដឹង​ រឿង​អ្នក​ចោទ​ គ.ជ.ប. ​នៅ​ក្រោម​ បរទេស

RFA / វិទ្យុ អាស៊ី សេរី | ១៩ មិថុនា​ ២០១៧



ក្រសួង​ មហាផ្ទៃ នឹង​ស្វែងរក​ ជន​ណា ឬ​អ្នក​ ប្រើប្រាស់​ បណ្ដាញ​សង្គម​ណា ​ដែល​ចោទ​ប្រកាន់​ គណៈកម្មាធិការ​ ជាតិ​ រៀបចំ​ ការ​បោះឆ្នោត (..ប.) ថា​ ជា​ស្ថាប័ន ​ស្ថិត​នៅ​ក្រោម ​ការ​គ្រប់គ្រង​ របស់ ​បរទេស។  ប៉ុន្តែ​ មុន​នឹង​ចាត់​ វិធានការ ក្រសួង​ ទាមទារ​ ឲ្យ​... ដាក់​ពាក្យ​បណ្ដឹង​ មក​ក្រសួង​ ជា​មុន​សិន។


អ្នក​នាំ​ពាក្យ​ក្រសួង​មហាផ្ទៃ លោក ខៀវ សុភ័គ ថា​លោក​បាន​ឃើញ​លិខិត​ចំហ​របស់​គណៈកម្មាធិការ​ជាតិ​រៀបចំ​ការ​បោះឆ្នោត (..) ដែល​ស្នើ​ទៅ​រដ្ឋាភិបាល​ចាត់​វិធានការ​តាម​ផ្លូវ​ច្បាប់​លើ​អ្នក​ប្រើប្រាស់​បណ្ដាញ​ទំនាក់ទំនង​សង្គម ចំពោះ​ការ​បង្ហោះ​ព័ត៌មាន​ដែល គ..ប ចោទ​ប្រកាន់​ថា​មាន​ចរិត​ញុះញង់ បង្ខូច​កេរ្តិ៍​ឈ្មោះ និង​ថា​ស្ថាប័ន​ឯករាជ្យ​មួយ​នេះ​ស្ថិត​នៅ​ក្រោម​ការ​គ្រប់គ្រង​របស់​បរទេស។

លោក ខៀវ សុភ័គ ឲ្យ​អាស៊ីសេរី​ដឹង​នៅ​ថ្ងៃ​ទី​១៨ ខែ​មិថុនា ថា បើ​ត្រឹម​លិខិត​ចំហ​របស់ គ..ប ពិបាក​ធ្វើ​ឲ្យ​ក្រសួង​មហាផ្ទៃ ចាត់​វិធានការ​តាម​ផ្លូវ​ណាស់ ប៉ុន្តែ​បើ គ..ប ដាក់​ពាក្យ​ប្ដឹង​មក​ក្រសួង​តែ​ម្តង ក្រសួង​នឹង​ចាត់​វិធានការ​ភ្លាម។ លោក​អះអាង​នៅ​ពេល​ក្រសួង​មហាផ្ទៃ ទទួល​បាន​ពាក្យ​បណ្ដឹង​ជា​ផ្លូវការ​ពី គ..ប ក្រសួង​នឹង​ធ្វើ​ការ​ដោះស្រាយ«ឲ្យ​តែ​លិខិត​ផ្លូវការ​ថា​អ្នក​ណា​ឈ្មោះ "" ឈ្មោះ "" បាន​និយាយ​អ៊ីចេះ​និយាយ​អ៊ីចុះ យើង​ចាត់ចែង​ភ្លាម»


ការ​ថ្លែង​ដូចនេះ​របស់​អ្នក​នាំ​ពាក្យ​ក្រសួង​មហាផ្ទៃ បន្ទាប់​ពី គ..ប បាន​សរសេរ​លិខិត​ចំហ​មួយ​ច្បាប់​បង្ហោះ​នៅ​លើ​ហ្វេសប៊ុក (facebook) ផ្លូវការ​របស់​ខ្លួន​កាល​ពី​ថ្ងៃ​ទី​១៣ ខែ​មិថុនា ស្នើ​ទៅ​ស្ថាប័ន​ពាក់ព័ន្ធ​របស់​រដ្ឋាភិបាល ចាត់​វិធានការ​តាម​ផ្លូវ​ច្បាប់​លើ​បណ្ដាញ​សង្គម ដូចជា KH Khmer និង Real News ដើម្បី​ទប់ស្កាត់ និង​បង្ក្រាប​បទល្មើស​ទាំងនោះ។

ឆ្លើយតប​ទៅ​នឹង​សំណើ​របស់​អ្នក​នាំ​ពាក្យ​ក្រសួង​មហាផ្ទៃ ដែល​ទាមទារ​ឲ្យ គ..ប ដាក់​ពាក្យ​បណ្ដឹង​ផ្លូវការ​មក​ក្រសួង​នោះ អ្នក​នាំ​ពាក្យ ​គណៈកម្មាធិការ​ជាតិ​រៀបចំ​ការ​បោះឆ្នោត លោក​បណ្ឌិត ហង្ស ពុទ្ធា ថា​លោក​នឹង​លើក​យក​ករណី​នេះ​ប្រាប់​សមាជិក គ..ប ទាំង ៩​រូប​ឲ្យ​បាន​ដឹង។ លោក​ថា ការ​សម្រេច​ចិត្ត​ដាក់​ពាក្យ​ប្ដឹង ឬ​មិន​ប្ដឹង ជា​ការ​សម្រេច​របស់​សមាជិក គ..ប ទាំង ៩​រូប«ចាំ​ខ្ញុំ​សួរ​យោបល់ គ..ប សិន ខ្ញុំ​មិន​ដឹង​យ៉ាង​ម៉េច​ដែរ អ្វី​ដែល​សម្រេច​អី គឺ​សមាជិក​ទាំង ៩​នាក់»


លោក ហង្ស ពុទ្ធា ឲ្យ​ដឹង​ថា ចាប់​តាំង​ពី​ថ្ងៃ​ដែល គ..ប បង្ហោះ​លិខិត​ស្នើ​រដ្ឋាភិបាល​ចាត់​វិធានការ​តាម​ផ្លូវ​ច្បាប់​លើ​អ្នក​រិះគន់​ខ្លួន​តាម​បណ្ដាញ​សង្គម មិន​ទាន់​មាន​ស្ថាប័ន​មាន​សមត្ថកិច្ច​ណា​មួយ​ឆ្លើយតប​នឹង​សំណើ​របស់ គ..ប ទេ។

អ្នក​សម្របសម្រួល​ផ្នែក​អង្កេត​នៃ​គណៈកម្មាធិការ​ខុមហ្វ្រែល (COMFREL) លោក កន សាវាង្ស យល់​ថា មិន​គួរ​មាន​ការ​ចោទ​ប្រកាន់​ថា ស្ថាប័ន គ..ប ស្ថិត​ក្នុង​ការ​គ្រប់គ្រង​របស់​បរទេស​ទេ។ ប៉ុន្តែ​លោក​យល់​ថា គ..ប គួរ​ខំ​ប្រឹង​ធ្វើ​ការងារ​របស់​ខ្លួន​ឲ្យ​ល្អ ដើម្បី​ឲ្យ​សាធារណជន​បាន​ឃើញ​ពី​ការ​អនុវត្ត​ការងារ​របស់​ខ្លួន ជាជាង​ការ​ស្នើ​ស្ថាប័ន​មាន​សមត្ថកិច្ច​ចាត់​វិធានការ​លើ​អ្នក​រិះគន់​ខ្លួន«ការ​វាយ​តម្លៃ​មិន​មែន​ថា គ..ប ខ្លួន​ឯង​ទៅ​ប្ដឹង​សាធារណជន ឬ​អ្នក​នេះ​ថា​ចេះ អ្នក​នោះ​ថា​ចុះ​ទេ ជា​រឿង​បង្ហាញ​ថា​ខ្លួន​ឯង​មាន​តុល្យភាព​ទេ»

ក្រោយ​ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់​កាល​ពី​ថ្ងៃ​ទី​៤ ខែ​មិថុនា គ..ប ថ្មី ដែល​កើត​ឡើង​ដោយ​ការ​ព្រមព្រៀង​ពី​គណបក្ស​មាន​សំឡេង​ឆ្នោត​ទាំង​ពីរ​នៅ​សភា​កាល​ពី​ឆ្នាំ​២០១៣ ទទួល​បាន​ការ​សសើរ​ពី​អ្នក​ធ្វើ​ការងារ​បោះឆ្នោត​ជាង គ..ប ចាស់។

..ប អំពាវនាវ​ឲ្យ​បណ្ដាញ​សង្គម បញ្ឈប់​ជា​បន្ទាន់​នូវ​ការ​ផ្សព្វផ្សាយ​ព័ត៌មាន​ញុះញង់ ដែល​នាំ​ឲ្យ​ពលរដ្ឋ​បាត់បង់​ទំនុក​ចិត្ត​លើ​ស្ថាប័ន​មួយ​នេះ។ ប៉ុន្តែ​សង្គម​ស៊ីវិល​យល់​ថា បើ គ..ប អនុវត្ត​ការងារ​របស់​ខ្លួន​ដោយ​ត្រឹមត្រូវ យុត្តិធម៌ និង​ឯករាជ្យ មិន​ត្រូវ​ខ្លាច​ការ​បាត់បង់​ទំនុក​ចិត្ត​ពី​ពលរដ្ឋ​នោះ​ទេ៕

No comments:

Post a Comment