The Anti-Sam Rainsy Law

Saturday, June 10, 2017

ព្រះមហាក្សត្រ​ ចេញ​ព្រះរាជក្រឹត្យ​ បញ្ចប់​ មុខ​តំណែង​ លោក ញឹក ប៊ុនឆៃ | King issues royal decree terminating Nhiek Bun Chhay's position

លោក ញឹក ប៊ុនឆៃ ធ្វើ​សន្និសីទកាសែត​​ប្រកាស​បង្កើត​គណបក្ស​ថ្មី នៅ​ថ្ងៃ​ទី​៣ ខែ​កុម្ភៈ ឆ្នាំ​២០១៦ នា​រាជធានី​ភ្នំពេញ។
លោក ញឹក ប៊ុនឆៃ ធ្វើ​សន្និសីទកាសែត​​ប្រកាស​បង្កើត​គណបក្ស​ថ្មី នៅ​ថ្ងៃ​ទី​៣ ខែ​កុម្ភៈ ឆ្នាំ​២០១៦ នា​រាជធានី​ភ្នំពេញ។

ព្រះមហាក្សត្រ​ ចេញ​ព្រះរាជក្រឹត្យ​ បញ្ចប់​ មុខ​តំណែង​ លោក ញឹក ប៊ុនឆៃ

RFA / វិទ្យុ អាស៊ី សេរី | ៩ មិថុនា​ ២០១៧


ព្រះមហាក្សត្រ​ បាន​ចេញ​ ព្រះរាជក្រឹត្យ​ ត្រាស់បង្គាប់​ បញ្ចប់​ មុខ​តំណែង លោក ញឹក ប៊ុនឆៃ ពី​ទីប្រឹក្សា​ រាជរដ្ឋាភិបាល ដែល​មាន​ ឋានៈ​ ស្មើ​ ឧបនាយក រដ្ឋមន្ត្រី។  នៅ​ពេល​ ដែល​លទ្ធផល​ បោះឆ្នោត​ បឋម​ បង្ហាញ ​ថា, គណបក្ស​ ខ្មែរ​ រួបរួម​ជាតិ ដែល​មាន​ លោក ញឹក ប៊ុនឆៃ ជា​ប្រធាន បាន​ឈ្នះឆ្នោត​ នៅ​​ឃុំ ​មួយ​ ក្នុង​ខេត្ត​ បន្ទាយមានជ័យ នោះ, លោក ​បាន​បកស្រាយ​ ថា មាន​អ្នក​ បង្កើត​ ព័ត៌មាន ​ក្លែងក្លាយ​ លាប​ពណ៌​ ថា លោក​ ទៅ​ចូលរួម​ ជាមួយ​ គណបក្ស​ សង្គ្រោះ​ជាតិ។


ពុំ​មាន​ សេចក្ដី​បំភ្លឺ​ ណា​មួយ ​អំពី​ មូលហេតុ​ ដែល​ព្រះមហាក្សត្រ​ ចេញ​ព្រះរាជក្រឹត្យ​ ត្រាស់បង្គាប់ បញ្ចប់​ មុខ​តំណែង លោក ញឹក ប៊ុនឆៃ ពី​ទីប្រឹក្សា​ រាជរដ្ឋាភិបាល​ នៅ​ឡើយ។

អ្នក​នាំ​ពាក្យ​ ទីស្ដីការ​ គណៈរដ្ឋមន្ត្រី លោក ផៃ ស៊ីផាន បាន​បដិសេធ​ អត្ថាធិប្បាយ ​បញ្ហា​នេះ និង​បាន​ឆ្លើយ​ ថា, លោក ​មិន​ដឹង​ ព័ត៌មាន និង​មិន​ បាន​ឃើញ ​​ព្រះរាជក្រឹត្យ​ នេះ​ទេ។

អាស៊ីសេរី មិន​អាច​ ទាក់ទង ​ប្រធាន ​គណបក្ស​ ខ្មែរ ​រួបរួម​ជាតិ លោក ញឹក ប៊ុនឆៃ ដើម្បី​ បំភ្លឺ​ បញ្ហា​នេះ ​បាន​ឡើយ នៅ​ថ្ងៃ​ ទី​៩ មិថុនា ដោយ​ទូរស័ព្ទ​ របស់​លោក​ មិន​អាច​ ទាក់ទង​បាន។  ចំណែក​ មន្ត្រី​ នៃ​គណបក្ស​នេះ ​មួយ​ចំនួន​ក៏ ​បាន​ឆ្លើយ ​ថា មិន​ បាន​ដឹង​ ព័ត៌មាន​ នេះ​ដែរ។

ទាក់ទង​ បញ្ហា​នេះ អ្នក​នាំ​ពាក្យ​ គណបក្ស​ ប្រជាជន​ កម្ពុជា លោក សុខ ឥសាន ក៏​ឆ្លើយ​ ថា មិន​ដឹង​ មូលហេតុ​ ចំពោះ​ ព័ត៌មាន​នេះ​ ដែរ។  ប៉ុន្តែ ​លោក ​ថា បើ​ មាន​បែប​នេះ​ មែន មាន​តែ ​គោរព​ តាម​ព្រះរាជក្រឹត្យ​ របស់ ​ព្រះមហាក្សត្រ៖ «យើង​ មាន​យោបល់ ​អី, មាន​តែ​ ការ​គោរព ​ព្រះមហាក្សត្រ​ នេះ​ហើយ​ បើ ​ព្រះអង្គ​ ឡាយ​ព្រះហស្តលេ ខា​លើ​ព្រះរាជក្រឹត្យ, ហើយ​ យើង​ គោរព​តាម​ ហ្នឹង​ហើយ»


កាល​ពី​ថ្ងៃ​ ទី​៧ ខែ​មិថុនា ប្រធាន ​គណបក្ស​ ខ្មែរ ​រួបរួម​ជាតិ លោក ញឹក ប៊ុនឆៃ បាន​ផ្ដល់​ សម្ភាសន៍​ ឲ្យ​អាស៊ីសេរី​ ថា, បន្ទាប់ ​ពី​លទ្ធផល​ បោះឆ្នោត​ បឋម​ បង្ហាញ ​ថា គណបក្ស​លោក ​បាន​ឈ្នះ ​ឃុំ​មួយ ​ក្នុង​ខេត្ត​ បន្ទាយមានជ័យ មាន​អ្នក​ បង្កើត​ ព័ត៌មាន​ ក្លែងក្លាយ​ លាប​ពណ៌​ ថា លោក​ ទៅ​ចូលរួម ​ជាមួយ ​គណបក្ស​ សង្គ្រោះ​ជាតិ។  ប៉ុន្តែ​ លោក​ ថា លោក​ បាន​ជូន​ដំណឹង​ ទៅ​លោក ​នាយករដ្ឋមន្ត្រី ហ៊ុន សែន រួច​រាល់​ហើយ ​ពី​ព័ត៌មាន ​ក្លែងក្លាយ​នេះ។  លោក​ ថា មាន​ការ​ ភណ្ឌ​ច្រឡំ​ តិចតួច​ ក្នុង​រយៈពេល​ ប៉ុន្មាន​ថ្ងៃ​នេះ។  ប៉ុន្តែ​ លោក​ បាន​ដោះស្រាយ​ រួច​ហើយ។

ការ​លើក​ឡើង ​របស់​លោក ញឹក ប៊ុនឆៃ ដូច​នេះ បន្ទាប់ ​ពី​លេច​ឮ​ ព័ត៌មាន​ ថា មាន​សមត្ថកិច្ច​ ចម្រុះ ​ទៅ​ព័ទ្ធ​ផ្ទះ​ របស់​លោក​ នៅ​សង្កាត់​ ជ្រោយចង្វារ ខណ្ឌ​ជ្រោយចង្វារ ក្រុង​ភ្នំពេញ កាល​ពី​ថ្ងៃ​ ទី​៦ និង​ទី​៧ ខែ​មិថុនា។ [News surfaced that armed forces surrounded Nhiek Bun Chhay's residence in Chruoy Changva on June 6 and 7.]

លទ្ធផល ​បឋម ​នៃ​ការ ​បោះឆ្នោត​ ជ្រើសរើស ​ក្រុមប្រឹក្សា ​ឃុំ-​សង្កាត់ បង្ហាញ​ ថា, ក្នុង​ចំណោម ​គណបក្ស​ តូចៗ ដែល​ចូលរួម​ ប្រកួតប្រជែង​ មាន​តែ ​គណបក្ស ​ខ្មែរ ​រួបរួម​ជាតិ ឈ្នះ​បាន​ ឃុំ​មួយ​ ក្នុង​ខេត្ត​ បន្ទាយមានជ័យ។

លោក ញឹក ប៊ុនឆៃ អតីត​ មេទ័ព និង​ជា​មន្ត្រី​ ជំនិត​ របស់​ សម្ដេចក្រុមព្រះ​ នរោត្ដម រណឫទ្ធិ កាល​ពី​គណបក្ស​ ហ៊្វុនស៊ិនប៉ិច នៅ​ដឹកនាំ​ រដ្ឋាភិបាល។  អ្នក​ទាំង​ពីរ​ បាន​បែកបាក់​គ្នា​ បន្ទាប់ ​ពី​សម្ដេច​ក្រុមព្រះ ​ត្រូវ​ បាន​ទម្លាក់​ចេញ​ ពី​តំណែង ​ប្រធាន ​គណបក្ស​ ហ៊្វុនស៊ិនប៉ិច។  ប៉ុន្តែ​ ក្រោយ​មាន ​ការ​សម្របសម្រួល ​ពី​លោក ហ៊ុន សែន, លោក ញឹក ប៊ុនឆៃ និង​សម្ដេច​ក្រុមព្រះ អ្នក​ទាំង​២ បាន​រួមរស់ ​ក្រោម​ដំបូល​ គណបក្ស​ ហ៊្វុនស៊ិនប៉ិច ឡើង​វិញ។  ទីបំផុត​ កាល​ពី​​ចុង​ឆ្នាំ​ ២០១៦ លោក ញឹក ប៊ុនឆៃ សម្រេច​ចិត្ត​ ចាកចេញ​ ចោល​សម្ដេច​ក្រុមព្រះ មក​បង្កើត​ គណបក្ស​ថ្មី​ ឈ្មោះ គណបក្ស​ខ្មែរ​ រួបរួម​ជាតិ។ [Hun Sen brought Prince Ranariddh and Nhiek Bun Chhay back to Funcinpec once again after Nhiek Bun Chhay kicked Prince Ranariddh from president of Funcinpec.  In 2016, Nhiek Bun Chhay formed the Khmer National Unity Party.]

កាល​ពី​អាណត្តិ​ ទី​៤ រដ្ឋាភិបាល ​ដឹកនាំ​ ដោយ​លោក ហ៊ុន សែន ធ្លាប់​តែងតាំង​លោក ញឹក ប៊ុនឆៃ ជា​ឧបនាយករដ្ឋមន្ត្រី។  ប៉ុន្តែ​ នៅ​ពេល​នេះ ​មិន​ឃើញ​ លោក ​មាន​តួនាទី ​ក្នុង​រដ្ឋាភិបាល​ ទៀត​ទេ៕ [In the 4th mandate, the Hun Sen-led govt appointed Nhiek Bun Chhay as a deputy prime minister.  Now, he is without any govt position.]

No comments:

Post a Comment