 |
| អតីតប្រធានគណបក្សសង្គ្រោះជាតិ លោក សម រង្ស៊ី (ឆ្វេង) និងប្រធានគណបក្សប្រជាជនកម្ពុជា និងជានាយករដ្ឋមន្ត្រី លោក ហ៊ុន សែន។ រូបថតឆ្នាំ២០១៥។ RFA |
លោក សម រង្ស៊ី ប្រកាស ចូលស្រុក ប្រកួតប្រជែង តំណែង នាយករដ្ឋមន្ត្រី ជាមួយលោក ហ៊ុន សែន
RFA / វិទ្យុ អាស៊ី សេរី | ១៣ មិថុនា ២០១៧
ស្ដាប់ ឬ ទាញយកសំឡេង
អតីត មេដឹកនាំ គណបក្ស សង្គ្រោះជាតិ លោក សម រង្ស៊ី
បេ្តជ្ញាចិត្ត វិលត្រឡប់ ទៅប្រទេស កម្ពុជា
ដើម្បី ប្រកួតប្រជែង តំណែង នាយករដ្ឋមន្ត្រី ជាមួយ នឹងលោក ហ៊ុន សែន
ប្រធាន គណបក្ស ប្រជាជន កម្ពុជា នៅក្នុង ការបោះឆ្នោត ជាតិ ឆ្នាំ២០១៨
ខាងមុខ។
លោក សម រង្ស៊ី ស្នើឲ្យ លោកនាយករដ្ឋមន្ត្រី ហ៊ុន សែន ដកបទបញ្ជា ទាំងឡាយ ដែលហាម លក់សំបុត្រ យន្តហោះ ឲ្យលោក ក្នុងការ ធ្វើដំណើរ ទៅកាន់ ប្រទេស កម្ពុជា ដើម្បី ចូលរួម ប្រកួតប្រជែង ការបោះឆ្នោត សកល ឆ្នាំ២០១៨។
លោក សម រង្ស៊ី បានថ្លែង នៅក្នុងវេទិការ អ្នកស្តាប់ វិទ្យុ អាស៊ី សេរី កាលពីយប់ ថ្ងៃអង្គារ ទី១៣ មិថុនា ថា ដើម្បី ឲ្យការ បោះឆ្នោត ជាតិ នៅពេល ខាងមុខ ប្រព្រឹត្តទៅ ដោយសេរីភាព ត្រឹមត្រូវ និងស្មើភាពគ្នា ទៅបាន លុះត្រាតែ រដ្ឋាភិបាល បើកទ្វារ ឲ្យលោក ចូលប្រទេស ដើម្បី ប្រកួតប្រជែងគ្នា តាមលក្ខណៈ ប្រជាធិបតេយ្យ៖ «ដូច្នេះ អត់មាន ក្រុមហ៊ុន យន្តហោះ ណា ហ៊ានដឹក រូបខ្ញុំ ទេ ពីព្រោះ លោក ហ៊ុន សែន បានគំរាម ថា, ប្រសិនបើ ក្រុមហ៊ុន យន្តហោះ ណា ហ៊ាន ដឹករូបខ្ញុំ មកដល់ ទឹកដី ប្រទេស កម្ពុជា គឺ បិទទ្វារ មិនឲ្យ អ្នកធ្វើដំណើរ ចេញពីយន្តហោះ។»
រហូត មកទល់ ពេលនេះ លោក សម រង្ស៊ី នៅជាប់ បណ្ដឹង តាមផ្លូវ តុលាការ ដែលគ្រប់គ្រង ដោយរបប របស់លោក ហ៊ុន សែន ច្រើន រាប់មិនអស់ រហូត ដល់នាំ ឲ្យមាន ការដាក់ បទបញ្ជា តឹងរ៉ឹង ដល់រាល់ក្រុមហ៊ុន អាកាសចរណ៍ ឬក្រុមហ៊ុន ទេសចរណ៍ ទាំងឡាយ មិនឲ្យ លក់សំបុត្រ យន្តហោះ ដល់លោក ថែមទៀត។
លោក សម រង្ស៊ី អះអាង ថា លោក មិនខ្លាច ជាប់គុក នោះទេ ប្រសិនបើ លោក ហ៊ុន សែន បើកច្រក ឲ្យលោក ចូលស្រុកវិញ។ លោក បន្តថា, លោក ហ៊ុន សែន បើកច្រក ពេលណា គឺ លោក នឹងធ្វើដំណើរ ទៅកម្ពុជា ពេលនោះ៖ «គ្មាន នរណា គេ ហ៊ាន ទទួលស្គាល់ រដ្ឋាភិបាលលោក ហ៊ុន សែន ទេ ប្រសិនបើ លោក ហ៊ុន សែន គាត់ ឈ្នះឆ្នោត តែ ម្នាក់គាត់ ដោយគ្មាន គូប្រកួតនោះ, ហើយ គូប្រកួត តែមួយ ដែលអាច តតាំង ជាមួយ គាត់ បាន គឺ សម រង្ស៊ី។ ហើយ សម រង្ស៊ី ដែលតំណាង ឲ្យគណបក្ស សង្គ្រោះជាតិ ពេលនោះ នឹងត្រូវ វិលត្រឡប់ ទៅកម្ពុជា វិញ ឲ្យទាន់ ពេលវេលា។»
លោក សម រង្ស៊ី បានលាលែងពីតំណែងកាលពីថ្ងៃទី១១ កុម្ភៈ ក្រោយពីសភាដែលមានសំឡេងភាគច្រើនពីខាងគណបក្សកាន់អំណាចធ្វើវិសោធនកម្មច្បាប់ស្ដីពីគណបក្សនយោបាយហាមមិនអោយអ្នកនយោបាយទាំងឡាយណាដែលមានទោសអាចធ្វើជាប្រធានគណបក្ស ឬអនុប្រធានបក្សគណបក្ស។
ដោយមើលឃើញពីហានិភ័យដែលគណបក្សសង្គ្រោះជាតិ អាចត្រូវក្រសួងមហាផ្ទៃ រំលាយដោយសារការធ្វើវិសោធនកម្មច្បាប់ស្ដីពីគណបក្សនយោបាយនេះហើយ លោក សម រង្ស៊ី បានលាចេញពីគណបក្សសង្គ្រោះជាតិ ដើម្បីអាចឲ្យគណបក្សសង្គ្រោះជាតិ មានដង្ហើមក្នុងការបន្តគោលនយោបាយរបស់ខ្លួនសម្រាប់ការបោះឆ្នោតឃុំ-សង្កាត់ អាណត្តិទីបួនបាន។
លោក សម រង្ស៊ី បញ្ជាក់ថា តួនាទីរបស់លោកក្នុងគណបក្សនៅពេលលោកមានវត្តមាននៅកម្ពុជា មិនសំខាន់នោះទេអ្វីដែលសំខាន់ គឺគណបក្សអាចជ្រើសរើសមនុស្សម្នាក់ដែលអាចតតាំងជាមួយលោក ហ៊ុន សែន ក្នុងការប្រកួតប្រជែងតំណែងជានាយករដ្ឋមន្ត្រីបាន៖ «មិនសំខាន់ខ្ញុំ លោក កឹម សុខា ឬមួយនរណានោះទេ អោយតែគណបក្សឯកភាពគ្នាដោយមានការគាំទ្រពីប្រជារាស្ត្រថា យើងជ្រើសរើសបេក្ខជននាយករដ្ឋមន្ត្រីមួយដើម្បីតតាំងជាមួយលោក ហ៊ុន សែន។»
លោក សម រង្ស៊ី ក៏បានអំពាវនាវដល់គណបក្សតូចតាចទាំងអស់ រួមទាំងមន្ត្រីសំខាន់ៗរបស់គណបក្សប្រជាជនកម្ពុជា ផង ឲ្យចូលរួមគ្នាជាធ្លុងមួយជាមួយគណបក្សសង្គ្រោះជាតិ សំរាប់ប្រកួតប្រជែងការបោះឆ្នោត ឆ្នាំ២០១៨ ខាងមុខ៕
លោក សម រង្ស៊ី ស្នើឲ្យ លោកនាយករដ្ឋមន្ត្រី ហ៊ុន សែន ដកបទបញ្ជា ទាំងឡាយ ដែលហាម លក់សំបុត្រ យន្តហោះ ឲ្យលោក ក្នុងការ ធ្វើដំណើរ ទៅកាន់ ប្រទេស កម្ពុជា ដើម្បី ចូលរួម ប្រកួតប្រជែង ការបោះឆ្នោត សកល ឆ្នាំ២០១៨។
លោក សម រង្ស៊ី បានថ្លែង នៅក្នុងវេទិការ អ្នកស្តាប់ វិទ្យុ អាស៊ី សេរី កាលពីយប់ ថ្ងៃអង្គារ ទី១៣ មិថុនា ថា ដើម្បី ឲ្យការ បោះឆ្នោត ជាតិ នៅពេល ខាងមុខ ប្រព្រឹត្តទៅ ដោយសេរីភាព ត្រឹមត្រូវ និងស្មើភាពគ្នា ទៅបាន លុះត្រាតែ រដ្ឋាភិបាល បើកទ្វារ ឲ្យលោក ចូលប្រទេស ដើម្បី ប្រកួតប្រជែងគ្នា តាមលក្ខណៈ ប្រជាធិបតេយ្យ៖ «ដូច្នេះ អត់មាន ក្រុមហ៊ុន យន្តហោះ ណា ហ៊ានដឹក រូបខ្ញុំ ទេ ពីព្រោះ លោក ហ៊ុន សែន បានគំរាម ថា, ប្រសិនបើ ក្រុមហ៊ុន យន្តហោះ ណា ហ៊ាន ដឹករូបខ្ញុំ មកដល់ ទឹកដី ប្រទេស កម្ពុជា គឺ បិទទ្វារ មិនឲ្យ អ្នកធ្វើដំណើរ ចេញពីយន្តហោះ។»
រហូត មកទល់ ពេលនេះ លោក សម រង្ស៊ី នៅជាប់ បណ្ដឹង តាមផ្លូវ តុលាការ ដែលគ្រប់គ្រង ដោយរបប របស់លោក ហ៊ុន សែន ច្រើន រាប់មិនអស់ រហូត ដល់នាំ ឲ្យមាន ការដាក់ បទបញ្ជា តឹងរ៉ឹង ដល់រាល់ក្រុមហ៊ុន អាកាសចរណ៍ ឬក្រុមហ៊ុន ទេសចរណ៍ ទាំងឡាយ មិនឲ្យ លក់សំបុត្រ យន្តហោះ ដល់លោក ថែមទៀត។
លោក សម រង្ស៊ី អះអាង ថា លោក មិនខ្លាច ជាប់គុក នោះទេ ប្រសិនបើ លោក ហ៊ុន សែន បើកច្រក ឲ្យលោក ចូលស្រុកវិញ។ លោក បន្តថា, លោក ហ៊ុន សែន បើកច្រក ពេលណា គឺ លោក នឹងធ្វើដំណើរ ទៅកម្ពុជា ពេលនោះ៖ «គ្មាន នរណា គេ ហ៊ាន ទទួលស្គាល់ រដ្ឋាភិបាលលោក ហ៊ុន សែន ទេ ប្រសិនបើ លោក ហ៊ុន សែន គាត់ ឈ្នះឆ្នោត តែ ម្នាក់គាត់ ដោយគ្មាន គូប្រកួតនោះ, ហើយ គូប្រកួត តែមួយ ដែលអាច តតាំង ជាមួយ គាត់ បាន គឺ សម រង្ស៊ី។ ហើយ សម រង្ស៊ី ដែលតំណាង ឲ្យគណបក្ស សង្គ្រោះជាតិ ពេលនោះ នឹងត្រូវ វិលត្រឡប់ ទៅកម្ពុជា វិញ ឲ្យទាន់ ពេលវេលា។»
លោក សម រង្ស៊ី បានលាលែងពីតំណែងកាលពីថ្ងៃទី១១ កុម្ភៈ ក្រោយពីសភាដែលមានសំឡេងភាគច្រើនពីខាងគណបក្សកាន់អំណាចធ្វើវិសោធនកម្មច្បាប់ស្ដីពីគណបក្សនយោបាយហាមមិនអោយអ្នកនយោបាយទាំងឡាយណាដែលមានទោសអាចធ្វើជាប្រធានគណបក្ស ឬអនុប្រធានបក្សគណបក្ស។
ដោយមើលឃើញពីហានិភ័យដែលគណបក្សសង្គ្រោះជាតិ អាចត្រូវក្រសួងមហាផ្ទៃ រំលាយដោយសារការធ្វើវិសោធនកម្មច្បាប់ស្ដីពីគណបក្សនយោបាយនេះហើយ លោក សម រង្ស៊ី បានលាចេញពីគណបក្សសង្គ្រោះជាតិ ដើម្បីអាចឲ្យគណបក្សសង្គ្រោះជាតិ មានដង្ហើមក្នុងការបន្តគោលនយោបាយរបស់ខ្លួនសម្រាប់ការបោះឆ្នោតឃុំ-សង្កាត់ អាណត្តិទីបួនបាន។
លោក សម រង្ស៊ី បញ្ជាក់ថា តួនាទីរបស់លោកក្នុងគណបក្សនៅពេលលោកមានវត្តមាននៅកម្ពុជា មិនសំខាន់នោះទេអ្វីដែលសំខាន់ គឺគណបក្សអាចជ្រើសរើសមនុស្សម្នាក់ដែលអាចតតាំងជាមួយលោក ហ៊ុន សែន ក្នុងការប្រកួតប្រជែងតំណែងជានាយករដ្ឋមន្ត្រីបាន៖ «មិនសំខាន់ខ្ញុំ លោក កឹម សុខា ឬមួយនរណានោះទេ អោយតែគណបក្សឯកភាពគ្នាដោយមានការគាំទ្រពីប្រជារាស្ត្រថា យើងជ្រើសរើសបេក្ខជននាយករដ្ឋមន្ត្រីមួយដើម្បីតតាំងជាមួយលោក ហ៊ុន សែន។»
លោក សម រង្ស៊ី ក៏បានអំពាវនាវដល់គណបក្សតូចតាចទាំងអស់ រួមទាំងមន្ត្រីសំខាន់ៗរបស់គណបក្សប្រជាជនកម្ពុជា ផង ឲ្យចូលរួមគ្នាជាធ្លុងមួយជាមួយគណបក្សសង្គ្រោះជាតិ សំរាប់ប្រកួតប្រជែងការបោះឆ្នោត ឆ្នាំ២០១៨ ខាងមុខ៕
No comments:
Post a Comment