 |
| ភរិយារបស់សមាជិកព្រឹទ្ធសភាបក្សប្រឆាំង លោក ហុង សុខហួរ អ្នកស្រី គុណ លំអង ផ្ដល់បទសម្ភាសន៍ក្រោយពីតុលាការកំពូល សម្រេចឲ្យបន្តឃុំខ្លួនស្វាមីរបស់អ្នកស្រី កាលពីព្រឹកថ្ងៃទី៤ មីនា ឆ្នាំ២០១៦។ |
ព្រឹទ្ធសភា ទទួលស្គាល់ ភរិយា លោក ហុង សុខហួរ ជាសមាជិក ព្រឹទ្ធសភា ជំនួសលោក
RFA / វិទ្យុ អាស៊ី សេរី | ២៨ មិថុនា ២០១៧
ព្រឹទ្ធសភា នៅព្រឹក ថ្ងៃទី២៩ ខែមិថុនា ឆ្នាំ២០១៧
សម្រេច ទទួលស្គាល់ ភរិយាលោក ហុង សុខហួរ គឺ អ្នកស្រី គុណ លំអង ជាសមាជិក ព្រឹទ្ធសភា ថ្មី នីតិកាល ទី៣ ជំនួសលោក ដែលកំពុង ជាប់ពន្ធនាគារ។
អ្នកស្រី គុណ លំអង នឹងទទួលបន្ទុកនៅមណ្ឌលភូមិភាគទី៤
ខេត្តបាត់ដំបង បន្ទាយមានជ័យ សៀមរាប ឧត្ដរមានជ័យ និងខេត្តប៉ៃលិន។
អ្នកស្រីនឹងចូលកាន់តំណែងក្រោយពេលធ្វើសច្ចាប្រណិធាន។
គណបក្សសម រង្ស៊ី បានស្នើដាក់អ្នកស្រី គុណ
លំអង បច្ចុប្បន្នជាប្រធានចលនាស្ត្រីគណបក្សសង្គ្រោះជាតិ
និងជាភរិយារបស់ លោក ហុង សុខហួរ ដែលកំពុងជាប់ឃុំនោះ
អោយទទួលតំណែងជំនួសប្ដីរបស់អ្នកស្រី។
អ្នកស្រី គុណ លំអង មានវ័យជាង ៥០ឆ្នាំ
អ្នកស្រីមិនខុសពីស្វាមីដែរ គឺមានសញ្ជាតិបារាំង។
អ្នកស្រីបានឈរឈ្មោះជាបេក្ខជនតំណាងរាស្ត្រអោយគណបក្សសង្គ្រោះជាតិ
ដោយឈរនៅលេខរៀងទី៧ នៅមណ្ឌលតាកែវ
នៅក្នុងការបោះឆ្នោតជាតិអាណត្តិទី៥ កាលពីឆ្នាំ២០១៣។
No comments:
Post a Comment