Unity of Party or Person?

Wednesday, June 7, 2017

[Vietnamization: Logging, Border, Military] ជនជាតិ​ដើម ​ភាគតិច​ ឃុំ​ ប្រមេរុ​ជំ រុញ​ឲ្យ​ មេ​ឃុំ​ថ្មី​ ទប់ស្កាត់​ ការ​កាប់​ឈើ​ នៅ​ព្រៃ ​ព្រះ ​រកា | Ethnic minority villagers from Pramaero commune urges new councillor to prevent illegal logging in Preah Roka forest

ដើម​ឈើ​ដែល​ត្រូវ​គេ​កាប់​រំលំ​នៅ​ក្នុង​ព្រៃ​ព្រះ​រកា ឋិត​ក្នុង​ស្រុក​ឆែប ស្រុក​ត្បែងមានជ័យ ស្រុក​ជាំក្សាន្ត និង​ស្រុក​ជ័យសែន ខេត្ត​ព្រះវិហារ។ រូបថត​ថ្ងៃ​ទី​២៩ ខែ​តុលា ឆ្នាំ​២០១៦ RFA/Chuop Sereyroth
ដើម​ឈើ​ដែល​ត្រូវ​គេ​កាប់​រំលំ​នៅ​ក្នុង​ព្រៃ​ព្រះ​រកា ឋិត​ក្នុង​ស្រុក​ឆែប ស្រុក​ត្បែងមានជ័យ ស្រុក​ជាំក្សាន្ត និង​ស្រុក​ជ័យសែន ខេត្ត​ព្រះវិហារ។ រូបថត​ថ្ងៃ​ទី​២៩ ខែ​តុលា ឆ្នាំ​២០១៦ RFA/Chuop Sereyroth

ជនជាតិ​ដើម ​ភាគតិច​ ឃុំ​ ប្រមេរុ ​ជំរុញ​ឲ្យ​ មេ​ឃុំ​ថ្មី​ ទប់ស្កាត់​ ការ​កាប់​ឈើ​ នៅ​ព្រៃ ​ព្រះ ​រកា

RFA / វិទ្យុ អាស៊ី សេរី | ៧ មិថុនា​ ២០១៧


ជនជាតិ​ដើម​ ភាគតិច​ កួយ នៅ​ឃុំ​ ប្រមេរុ ស្រុក ​ត្បែងមានជ័យ ខេត្ត​ ព្រះវិហារ អះអាង​ ថា មាន​ជន ​ខិលខូច​ ជាច្រើន​ នៅ​តែ​ បន្ត​ សកម្មភាព ​កាប់​ឈើ​ នៅ​ក្នុង​ តំបន់ ​ព្រៃ​ព្រះ​រកា យក​ទៅ​ធ្វើ​ អាជីវកម្ម​ ខុស​ច្បាប់ មិន​ ថយ​ចុះ​ទេ។


សកម្មភាព​កាប់​បំផ្លាញ​ព្រៃឈើ បាន​កើត​មាន​យ៉ាង​ខ្លាំង​នៅ​ក្នុង​អំឡុង​ពេល​ដែល​គណបក្ស​នយោបាយ ជាប់​ដៃ​ធ្វើ​យុទ្ធនាការ​ឃោសនា​រក​សំឡេង​ឆ្នោត​ក្នុង​រយៈពេល​កន្លះ​ខែ​មក​នេះ។

ជនជាតិ​ដើម​ភាគតិច​កួយ នៅ​ឃុំ​ប្រមេរុ ស្រុក​ត្បែងមានជ័យ ខេត្ត​ព្រះវិហារ ចង់​ឲ្យ​មេ​ឃុំ​ថ្មី​មក​ពី​គណបក្ស​ប្រជាជន​កម្ពុជា ដែល​នឹង​ឡើង​កាន់​តំណែង​នៅ​ពេល​ខាង​មុខ ចាត់​វិធានការ​ដ៏​តឹងរ៉ឹង ដើម្បី​ទប់ស្កាត់​ការ​កាប់​ឈើ​ខុស​ច្បាប់​នៅ​តំបន់​ព្រៃ​ព្រះ​រកា​ឲ្យ​មាន​ប្រសិទ្ធភាព។

ជនជាតិ​ដើម​ភាគតិច​កួយ ម្នាក់​ក្នុង​ចំណោម​ជាច្រើន​ទៀត គឺ​លោក សិទ្ធិ សាវន។ លោក​មាន​ប្រសាសន៍​នៅ​រសៀល​ថ្ងៃ​ពុធ ទី​៧ ខែ​មិថុនា ថា តាំង​តែ​ពី​ថ្ងៃ​ដែល​គណបក្ស​នយោបាយ​ទាំងអស់​ចាប់​ផ្ដើម​ធ្វើ​យុទ្ធនាការ​ឃោសនា​រក​សំឡេង​ឆ្នោត​រហូត​មក​ដល់​ពេល​នេះ គឺ​ក្រុម​ជន​ខិលខូច​កាន់​តែ​មាន​ឱកាស​លួច​ចូល​ទៅ​កាប់​ឈើ​ក្នុង​តំបន់​ព្រៃ​ព្រះ​រកា​យ៉ាង​ខ្លាំង៖ «បន្ទាប់​ពី​បោះឆ្នោត​រួច​ហើយ ស្អែក​ឡើង​គឺ​មនុស្ស​ជាច្រើន​នៅ​តែ​សម្រុក​ចូល​ព្រៃ​ព្រះ​រកា ដើម្បី​កាប់​ឈើ។ ឈើ​ដែល​គេ​កាប់ គឺ​ដឹក​ចេញ​ពី​ព្រៃ​ជា​រៀង​រាល់​ថ្ងៃ ជួនកាល​ខ្ញុំ​ឃើញ ២-៣​គោយន្ត ជួនកាល ៤-៥​គោយន្ត​ក៏​មាន»

ស្ត្រី​ជនជាតិ​ដើម​ភាគតិច​កួយ ម្នាក់​ទៀត លោកស្រី រឿង ខាន់ ក៏​សម្ដែង​ការ​ព្រួយ​បារម្ភ​ប្រហាក់​ប្រហែល​គ្នា​ដែរ។ លោកស្រី​មាន​សង្ឃឹម​តិចតួច​ទៅ​លើ​មេ​ឃុំ​ថ្មី ដែល​អាច​នឹង​ទប់ស្កាត់​បទល្មើស​ព្រៃឈើ​នៅ​ក្នុង​តំបន់​ព្រៃ​ព្រះ​រកា​នោះ៖ «ខ្ញុំ​ចង់​ឲ្យ​មេ​ឃុំ​ថ្មី ទទួល​ខុស​ត្រូវ និង​មាន​វិធានការ​ទៅ​លើ​ការ​បាត់បង់​ព្រៃឈើ និង​ធនធាន​ធម្មជាតិ រួម​ទាំង​បញ្ហា​ជម្លោះ​ដីធ្លី​ផង​ដែរ ប៉ុន្តែ​មិន​សង្ឃឹម​ថា​មេ​ឃុំ​ថ្មី​នេះ អាច​នឹង​ធ្វើ​បាន​ទេ»

ទោះ​បី​ជា​យ៉ាង​ណា អាស៊ីសេរី មិន​ទាន់​អាច​ទាក់ទង​មេ​ឃុំ​ថ្មី ដែល​នឹង​ឡើង​កាន់​តំណែង លោក ធាន ហេង ដើម្បី​ឆ្លើយតប​នឹង​កង្វល់​របស់​ពលរដ្ឋ​ទាំងនោះ​បាន​ថា​យ៉ាង​ណា​នៅ​ឡើយ នៅ​ថ្ងៃ​ទី​៧ ខែ​មិថុនា។

ព្រៃ​ព្រះ​រកា ដែល​លាតសន្ធឹង​លើ​ផ្ទៃដី​ជាង ៩​ម៉ឺន ៦​ពាន់​ហិកតារ នៅ​ភូមិសាស្ត្រ​ប្រជុំ​បី​ស្រុក គឺ​ស្រុក​ជាំក្សាន្ត ស្រុក​ត្បែងមានជ័យ និង​ស្រុក​ឆែប របស់​ខេត្ត​ព្រះវិហារ គឺ​ទទួល​រង​ការ​កាប់​ឈើ​ធ្វើ​អាជីវកម្ម​ខុស​ច្បាប់​រយៈពេល ៣-៤​ឆ្នាំ​មក​ហើយ។

មន្ត្រី​ផ្នែក​តស៊ូ​មតិ​របស់​អង្គការ​ពន្លក​ខ្មែរ លោក ប៉ិក សោភ័ណ មាន​ប្រសាសន៍​ថា អាជ្ញាធរ​គួរ​តែ​ការពារ​ព្រៃឈើ​នៅ​តំបន់​ព្រៃ​ព្រះ​រកា ឲ្យ​បាន​គង់វង្ស ពីព្រោះ​ព្រៃ​ព្រះ​រកា គឺ​ព្រៃ​ធំ ដែល​នៅ​សេសសល់​ចុង​ក្រោយ​របស់​កម្ពុជា បន្ទាប់​ពី​តំបន់​ព្រៃឡង់ ដែល​ទទួល​រង​ការ​កាប់​បំផ្លាញ​ស្ទើរ​តែ​ទាំងស្រុង​ទៅ​ហើយ​នោះ៕

No comments:

Post a Comment