[Vietnamization: PRK, Military] អតីត មេបញ្ជាការ កងអត្តឃាត ទះកំផ្លៀង នាយករដ្ឋមន្ត្រី ហ៊ុន សែន | Former chief of assassination group slaps PM Hun Sen

វរសេនីយ៍ឯក សក់ ស៊ុត សារ៉េត អតីតមេបញ្ជាការកងអត្តឃាតរបស់ចលនាខ្មែរសេរីការ

អតីត មេបញ្ជាការ កងអត្តឃាត ទះកំផ្លៀង នាយករដ្ឋមន្ត្រី ហ៊ុន សែន

| ២២ មិថុនា​ ២០១៧

(រាជធានី ភ្នំពេញ)៖ ឆ្លើយតប ទៅនឹង ដំណើរ ទស្សនកិច្ច របស់ លោកនាយករដ្ឋមន្ត្រី ហ៊ុន សែន ទៅកាន់ តំបន់ ព្រំដែន កម្ពុជា- វៀតណាម នាព្រឹកថ្ងៃ ទី២១ ខែមិថុនា ឆ្នាំ២០១៧ ម្សិលម៉ិញនេះ, វរសេនីយ៍ឯក សក់ ស៊ុត សារ៉េត អតីត មេបញ្ជាការ កងអត្តឃាត របស់ ចលនា ខ្មែរ សេរីការ បានរៀបរាប់ ពីដំណើរ សាច់រឿង ទ័ពបូពា៍ របស់ ប៉ុល ពត ដែលសំដៅទៅ លើលោក នាយករដ្ឋមន្ត្រី ហ៊ុន សែន រត់ទៅ វៀតណាម, ហើយ វៀតណាម បានបញ្ជា ឲ្យវាយចូល ស្រុកខ្មែរ វិញ។  ការនិយាយ ហែកកេរ្តិ៍ លោកនាយករដ្ឋមន្ត្រី ហ៊ុន សែន ចំពេល បែបនេះ ប្រៀបដូច លោក សក់ ស៊ុត សារ៉េត ទះលោក នាយករដ្ឋមន្ត្រី ហ៊ុន សែន មួយកំផ្លៀង អញ្ចឹង។

សូម រម្លឹក ថា, នាព្រឹក ថ្ងៃទី២១ ខែមិថុនា ឆ្នាំ២០១៧ ម្សិលម៉ិញនេះ នៅតំបន់ ព្រំដែន កម្ពុជា-វៀតណាម, លោក នាយករដ្ឋមន្ត្រី ហ៊ុន សែន បានមាន ប្រសាសន៍ រៀបរាល់ ដោយទឹកភ្នែក ពីរឿងរ៉ាវ ដ៏ឈឺចាប់ នៅទីនោះ ដោយលោក បានថ្លែង ថា, លោក បានយក ជីវិត មកធ្វើ ដើមទុន ដើម្បី ធ្វើការ តស៊ូ ផ្តួលរំលំ របប ប្រល័យពូជសាសន៍ ប៉ុល ពត បន្ទាប់ ពីការ ចូលរួម ក្នុងកងកម្លាំង ប្រដាប់អាវុធនៃ ចលនា រំដោះជាតិ រហូត ដល់ពិការ ភ្នែកម្ខាង នៅឆ្នាំ ១៩៧៥ ទម្រាំ ទទួលបាន ជោគជ័យ នៅថ្ងៃទី៧ ខែមករា ឆ្នាំ១៩៧៩។ 

រូបភាពពីតំបន់ព្រំដែនកម្ពុជា វៀតណាម

ទោះជាយ៉ាងណាក៏ដោយ អតីតមេបញ្ជាការកងអត្តឃាតរបស់ចលនាខ្មែរសេរីការ វរសេនីយ៍ឯក សក់ ស៊ុត សារ៉េត បានចំអកទៅលោកនាយករដ្ឋមន្ត្រី ហ៊ុន សែន យ៉ាងដូច្នោះ ថា, «សូម លោក ហ៊ុន សែន និយាយ ការពិត ផ្សាយផ្ទាល់ ប្រាប់រាស្រ ឲ្យបានដឹង ទ័ពបូពា៍ សមយ័ ប៉ុល ពត រត់ទៅ ស្រុកយួន នៅក្នុង ជុំរុំ ឡុងយ៉ាវ ៨០០០នាក់ យួន រៀបចំ វាយចូល ស្រុកខ្មែរ ចុងឆ្នាំ ១៩៧៨ នឹងដើមឆ្នាំ ១៩៧៩។  ប៉ុន្តែ យួន បានវាយ ទ័ព ប៉ុល ពត ភូមិភាគ ឥសាន ឆ្នាំ១៩៧៧។  យួន វា បាន ឲ្យលោក ប៉ែន សុវណ្ណ នាំទ័ពយួន ចូលមក វាយទ័ព អាពត, ហើយ មានវិទ្យុ ចលនា រណសិរ្ស សាមគ្គី សង្គ្រោះជាតិ ដឹកនាំ ដោយលោក ប៉ែន សុវណ្ណ ដែលបង្កើតឡើង នៅថ្ងៃ ២ ធ្នូ ឆ្នាំ១៩៧៨ នៅខេត្ត ក្រចេះ។  លោក ប៉ែន សុវណ្ ណវាយចូល ភ្នំពេញ ថ្ងៃ៧ មករា ១៩៧៩។  ក្រោយមក ប៉ែន សុវណ្ណ ប្រឆាំងយួន មិន ឲ្យយួន ដាក់ ២០០០ទៅ ៣០០០គ្រួសារ ក្នុងស្រុក និងខេត្ត នីមួយៗ ដូចប្រទេស ឡាវ នឹងយកពន្ធ ព្រលាន យន្តហោះ ពីយួន។  ហ៊ុន សែន, សាយ ភូថង, និងប៊ូ ថង បានទៅចាប់ លោក ប៉ែន សុវណ្ណ ឲ្យយួន យកទៅ ដាក់គុក នៅហាន់ណូយ ១៩៨១។  មិនមែន ហ៊ុន សែន ទេ ៧មករា នោះ។  យួន គ្មាន គុណទេ។   សម្រាប់ខ្ញុំ ចលនាខ្មែរ សេរី បង្កើត ១៩៧៥ ចលនា; ម៉ូលីណាកា បង្កើត ឆ្នាំ១៩៧៩។  ក្រោយមក ក្លាយជាចលនា ហ៊្វុនស៊ីប៉ិច បានវាយយួន ឲ្យវា ដកទព័ចេញ ក្នុងឆ្នាំ ១៩៨៩, ហើយ ភាគី រដ្ឋកម្ពុជា មានហ៊ុន សែន និងស្តេចឪ ចចារគ្នា ទៅ [២៣ តុលា ១៩៩]។  បើ យួន មានគុណ មកលើខ្មែរ ពេលវា វាយទ័ព អាពត ហើយ, ម្ដេច មិនដកចេញ ទៅស្រុកវា វិញ ក្នុងឆ្នាំ ១៩៧៩ នោះទៅ?»

ជាចុងក្រោយ លោក បានសំណូមពរ លោក នាយករដ្ឋមន្ត្រី ហ៊ុន សែន សូម កុំ ឲ្យបំភ្លៃ ប្រវត្តិសាស្ត្រ តទៅទៀត ដោយលោក បានរៀបរាប់ ថា, «និយាយ គ្មា ឲ្យច្បាស់, លោក ហ៊ុន សែន។   នៅមាន រឿងច្រើន ណាស់ ស្រុកខ្មែរ។  ខ្ញុំ មិនទាន់ ងាប់ទេ។   កុំ បំភ្លៃ ប្រវត្តិសាស្ត្រ។  អាងតែ មានកម្លាំងទ័ព, លុយវាល់លាន មិន និយាយ ការពិត, ប្រព្រឹត្ត ផ្តាច់ការ នឹងតិរច្ឆាន ដោយមនុស្ស ក្រុមខ្លួន, ប្លន់ ដីរាស្ត្រ, សង្គម អយុត្តិធម៌, ពុករលួយ និងបូរណភាព ទឹកដី, បាញ់សម្លាប់រាស្ត្រ កណ្តាលក្រុង ជាដើម៕»