[Related / Background]
VN, Cambodia border localities urged to do more for border of peace
Vietnam Net Bridge | 15 March 2017
Vietnam, Cambodia advance border province cooperation
VNA / Thanh Nien News | 28 October 2015
VN, Cambodia ties an invaluable asset, says NA Chair
| 24 June 2017 Party leader hails VN-Cambodia amity
| 22 July 2017 Vietnam, Laos, Cambodia localities work on border security
Vietnam Net Bridge | 28 December 2016
...
 |
| សាលាបឋមសិក្សាសោមត្រក់ចាស់ ស្ថិតក្នុងឃុំសោមធំ ស្រុកអូរយ៉ាដាវ ខេត្តរតនគិរី។ រូបថតថ្ងៃទី១១ កក្កដា ឆ្នាំ២០១៧ |
ពលរដ្ឋ ជនជាតិដើម ភាគតិច ខេត្តរតនគិរី បារម្ភ ពីកំណើន យុវជន ប្រើគ្រឿងញៀន
RFA / វិទ្យុ អាស៊ី សេរី | ២៥ កក្កដា ២០១៧
អត្រា កើនឡើង នៃអ្នក សេពគ្រឿងញៀន នៅតំបន់ ជនជាតិដើម ភាគតិច ខេត្តរតនគិរី បង្កក្ដីបារម្ភ ពីផលប៉ះពាល់ វប្បធម៌, ប្រពៃណី និងជីវភាព រស់នៅ របស់ ពលរដ្ឋ សហគមន៍ មូលដ្ឋាន។ នៅភូមិ សោមត្រក់ចាស់ អ្នកភូមិ និងមន្ត្រី មូលដ្ឋាន អះអាង ថា យុវជន សេពគ្រឿងញៀន មានកម្រិតខ្ពស់។
មន្ត្រី និងពលរដ្ឋក្នុងភូមិសោមត្រក់ចាស់ ឃុំសោមធំ ស្រុកអូរយ៉ាដាវ ខេត្តរតនគិរី អះអាងថា យុវជនជនជាតិដើមភាគតិចកាន់តែច្រើនក្នុងភូមិប្រើប្រាស់គ្រឿងញៀន និងបង្កបាតុភាពក្នុងក្រុមគ្រួសារ និងសហគមន៍ពួកគេ។
ពលរដ្ឋភូមិសោមត្រក់ចាស់ លោក រម៉ាស ពេជ្រ កត់សំគាល់ថា ក្នុងឆ្នាំ២០១៧ នេះ អ្នកជួញដូរគ្រឿងញៀនពីខាងក្រៅសហគមន៍បានចែកចាយគ្រឿងញៀនមកដល់មូលដ្ឋានសម្រាប់ក្រុមយុវជនដែលចូលព្រៃកាប់ឈើជក់អាចទ្រាំនឹងភាពងងុយ ខណៈពួកគេដឹកជញ្ជូនឈើនៅពេលយប់ចេញពីព្រៃ។ លោកបន្តថា ការយុវជនប្រើប្រាស់គ្រឿងញៀនកើនឡើងបើប្រៀបធៀបឆ្នាំកន្លងទៅ ដែលមានយុវជននៅភូមិប្រមាណ ១០ភាគរយបានប្រើប្រាស់គ្រឿងញៀន៖ «គាត់ថា នៅពេលជក់គ្រឿងញៀនជួយជាកម្លាំងធ្វើឲ្យអត់ឲ្យងងុយដេក អ៊ីចឹងគាត់ត្រូវការប្រើអាហ្នឹងធ្វើការរកជំនួញរបស់គាត់ដែរ។»
ចំណែកស្ត្រីជនជាតិដើមភាគតិចរស់នៅភូមិសោមត្រក់ចាស់ គឺអ្នកស្រី សល់ អុយ បញ្ជាក់ថា យុវជនដែលប្រើគ្រឿងញៀនបង្កហិង្សាក្នុងគ្រួសារលួចឆក់ក្នុងភូមិ ជាពិសេសអ្នកញៀនថ្នាំបានផ្តាច់ខ្លួនចេញពីសហគមន៍ហើយចូលព្រៃកាប់ឈើលក់យកប្រាក់ចាយវាយ និងទិញគ្រឿងញៀនបង្កផលប៉ះពាល់ប្រពៃណី និងធនធានធម្មជាតិដែលសហគមន៍អភិរក្ស៖ «សំណូមពរឲ្យរកវិធានការមកទប់ទល់ កម្ចាត់គ្រឿងញៀនហ្នឹងឲ្យលឿនបំផុត កុំទុកយូរខូចសុខភាពក្មេងអត់បានរៀនសូត្រដើរប៉ោឡែ។»
របាយការណ៍ របស់ អាជ្ញាធរ ភូមិ សោមត្រក់ចាស់ ឲ្យដឹង ថា, យុវជន ក្នុងភូមិចាប់ ពីអាយុ ១៧ឆ្នាំ រហូត ២០ឆ្នាំ ៥០ភាគរយ គឺ ជាអ្នកប្រើប្រាស់ គ្រឿងញៀន តាមរយៈ អ្នកជួញដូរ ពីខាងក្រៅ សហគមន៍។
ប្រធានភូមិសោមត្រក់ចាស់ លោក សេង អឿន បញ្ជាក់ថា នេះជាតួលេខខ្ពស់នៃយុវជនក្នុងសហគមន៍កំពុងប្រើប្រាស់គ្រឿងញៀន ចំណែកអាជ្ញាធរមិនមានលទ្ធភាពទប់ស្កាត់។ លោកថា អ្នកចែកចាយ និងអ្នកប្រើប្រាស់យកតំបន់ព្រៃជាកន្លែងលក់ដូរ ឬសេពគ្រឿងញៀនហេតុនេះអាជ្ញាធរពិបាកបង្ក្រាបបានទាន់ពេលវេលា៖ «ពួកអ្នកមានខ្នងធ្វើការហ្នឹងឯងយកមកចែកចាយក្នុងភូមិ អ្នកភូមិហ្នឹងយកមកពីណា។»
អធិការរងនគរបាលស្រុកអូរយ៉ាដាវ លោក ងយ ដន ទទួលស្គាល់ថា ការអះអាងរបស់ពលរដ្ឋ និងអាជ្ញាធរភូមិសោមត្រក់ចាស់ គឺជារឿងពិតដែលសមត្ថកិច្ចប៉ូលិសកំពុងចាត់វិធានការបង្ក្រាប ក៏ប៉ុន្តែលោកថា ការចូលរួមរបស់អ្នកភូមិ ជាពិសេសអាណាព្យាបាលយុវជនសេពគ្រឿងញៀនគឺជាប្រការសំខាន់ដើម្បីតាមដានមុខសញ្ញាចែកចាយ និងអ្នកប្រើប្រាស់បានច្បាស់លាស់។
លោកថា វិធានការអប់រំទាក់ទិនការជួញដូរ និងប្រើប្រាស់គ្រឿងញៀនតាមរយៈគោលនយោបាយភូមិឃុំមានសុវត្ថិភាព បានផ្សព្វផ្សាយច្រើនលើកដើម្បីរួមគ្នាលុបបំបាត់បញ្ហាគ្រឿងញៀននេះ៖ «អាណាព្យាបាលឲ្យគាត់ផ្ដល់ព័ត៌មានកូនជក់គ្រឿងញៀន បើសិនគាត់ជក់វិធានការទី១ យើងអប់រំ។»
របាយការណ៍របស់សមត្ថកិច្ចនគរបាលស្រុកអូរយ៉ាដាវ ឲ្យដឹងចាប់ពីដើមឆ្នាំ២០១៧ រហូតបច្ចុប្បន្នថា តួលេខអ្នកប្រើប្រាស់គ្រឿងញៀននៅទូទាំងស្រុកកើនឡើងដល់ ២០ភាគរយ ដែលភាគច្រើនជាអ្នកប្រកបរបរដឹកជញ្ជូនឈើតាមម៉ូតូ ឬរថយន្តនៅពេលយប់។ ក្នុងនោះសមត្ថកិច្ចបង្ក្រាបបាន ៥ករណី ចាប់ខ្លួនអ្នកចែកចាយគ្រឿងញៀនពីរនាក់ និងបានអប់រំយុវជនប្រើប្រាស់គ្រឿងញៀនបាន ១៤នាក់៕
Everything with the YUON is systematic [historically]- now using Khmer-Yuon Hun Sen and his families hoping to finish off the colonization of Cambodia. But the discreet will of the Khmer people for the 2018 election will put an end to Hun Sen's legacy of the YUON slavery once and for all in the history of the YUON's invasion of Cambodia and its neighbors. Down with Hun Sen! Down with the YUON's Ho Chi Minh federation of Indochina. Bravo the Khmer people without HUN SEN! Bravo the new generation of the Khmer youngsters without the interference and bloody hands of the YUON, communist Vietcong!!!
ReplyDelete