Paris Peace Accords 23 Oct. 1991

Tuesday, July 11, 2017

លោក សម រង្ស៊ី ជំរុញ​លោក ហ៊ុន សែន កុំ​ ខ្ជះខ្ជាយ​ ពេល​ សម្លាប់​ជីវិត​ នយោបាយ​លោក | Sam Rainsy urges Hun Sen not to waste time in killing his political life

អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី (ឆ្វេង) និង​ប្រធាន​គណបក្ស​ប្រជាជន​កម្ពុជា និង​ជា​នាយករដ្ឋមន្ត្រី លោក ហ៊ុន សែន។ រូបថត​ឆ្នាំ​២០១៥។ RFA
អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី (ឆ្វេង) និង​ប្រធាន​គណបក្ស​ប្រជាជន​កម្ពុជា និង​ជា​នាយករដ្ឋមន្ត្រី លោក ហ៊ុន សែន។ រូបថត​ឆ្នាំ​២០១៥។ RFA

លោក សម រង្ស៊ី ជំរុញ​លោក ហ៊ុន សែន កុំ​ ខ្ជះខ្ជាយ​ ពេល​ សម្លាប់​ជីវិត​ នយោបាយ​លោក

RFA / វិទ្យុ អាស៊ី សេរី | ១០ កក្កដា ២០១៧

លោក សម រង្ស៊ី អតីត ​ប្រធាន​ គណបក្ស​ សង្គ្រោះ​ជាតិ បាន​ជំរុញ ​ឲ្យ​លោក ហ៊ុន សែន កុំ ​ខ្ជះខ្ជាយ ​ពេលវេលា​ ព្យាយាម ​សម្លាប់​ជីវិត​ នយោបាយ ​របស់​លោក តាម​រយៈ​ ការ​ធ្វើ​ វិសោធនកម្ម​ច្បាប់​ ស្ដីពី​ គណបក្ស​ នយោបាយ​ ជា​លើក​ទី​ពីរ មិន​ឲ្យ​ ទណ្ឌិត​ មាន​សិទ្ធិ​ ពាក់ព័ន្ធ​ នឹង​កិច្ចការ​ នយោបាយ។


លោក សម រង្ស៊ី បាន​ចោទ​ប្រកាន់​លោក ហ៊ុន សែន ថា​បាន​ព្យាយាម​សម្លាប់​រូប​លោក​អស់​រយៈពេល​ជាង ២០​ឆ្នាំ​មក​ហើយ​តាម​គ្រប់​មធ្យោបាយ​ទាំងអស់ ដូចជា​ករណី​បោក​គ្រាប់បែក​មុខ​អតីត​មន្ទីរ​រដ្ឋសភា ការ​ផ្ដន្ទាទោស​លោក​ជាច្រើន​ករណី​ដោយ​តុលាការ​អាយ៉ង និង​ដោយ​ការ​បង្កើត​ច្បាប់​កំប្លុកកំប្លែង​សំដៅ​ទៅ​លើ​មនុស្ស​តែ​ម្នាក់។ លោក សម រង្ស៊ី បាន​ថ្លែង​នៅ​ក្នុង​សេចក្តី​ថ្លែងការណ៍​របស់​លោក​នៅ​ថ្ងៃ​ច័ន្ទ ទី​១០ កក្កដា នេះ​ថា លោក​មាន​កិត្តិយស​ណាស់​ដែល​បាន​ធ្វើ​ជា​គូ​ប្រកួត​របស់​លោក ហ៊ុន សែន ប៉ុន្តែ​លោក​ស្នើ​ឲ្យ​ការ​ប្រកួត​នេះ​ធ្វើ​ឡើង​ក្នុង​លក្ខណៈ​មិត្តភាព និង​ការ​ទទួល​ខុស​ត្រូវ។

លោក​បន្ត​ថា ក្នុង​នាម​លោក ហ៊ុន សែន ជា​នាយក​រដ្ឋមន្ត្រី លោក​គួរ​ប្រើប្រាស់​ថាមពល​របស់​លោក ដើម្បី​ជំរុញ​ឲ្យ​មាន​ការ​បង្កើត​ច្បាប់​មាន​ប្រយោជន៍​ផ្សេងៗ ដើម្បី​តម្រង់​ដឹកនាំ​របស់​ប្រទេស​កុំ​ឲ្យ​មាន​ការ​ក្រឡាប់ចាក់​ទៅ​វិញ​ប្រសើរ​ជាង។ លោក សម រង្ស៊ី បន្ត​ថា លោក ហ៊ុន សែន គួរ​បង្ហាញ​ទស្សនវិស័យ​ទំនើប​ក្នុង​ការ​អភិវឌ្ឍ​សម្រាប់​កម្ពុជា ជាជាង​ការ​បន្ត​ចរិត​កោងកាច​ដូច​មេ​បញ្ជាការ​ខ្មែរ​ក្រហម ដែល​លោក​ធ្លាប់​ដឹកនាំ​នោះ។

លោក សម រង្ស៊ី ព្រមាន​លោក ហ៊ុន សែន ទុក​ជា​មុន​ថា គ្រប់​មធ្យោបាយ​ទាំងអស់​ដែល​លោក ហ៊ុន សែន កំពុង​ប្រើប្រាស់​ដើម្បី​កម្ចាត់​រូប​លោក​នោះ គឺ​គ្មាន​ន័យ និង​គ្មាន​ប្រយោជន៍​អ្វី​ទាំងអស់៕

1 comment:

  1. Anonymous6:48 PM

    Hun Sen and his Yuon's CPP will lose and lose big time. The Hun Sen's rank and file will discreetly abandon Hun Sen and there is nothing HUN SEN can do about it. Long live the Khmer people [without Hun Sen]!!!

    ReplyDelete