 |
| លោក សាយ ឈុំ ប្រធានព្រឹទ្ធសភា ចូលរួមពិនិត្យ និងពិភាក្សាសេចក្ដីព្រាងច្បាប់អង្គការសមាគម នាវិមានព្រឹទ្ធសភា ថ្ងៃទី២៤ ខែកក្កដា ឆ្នាំ២០១៥។ |
ព្រឹទ្ធសភា ប្រជុំ ពិនិត្យ សេចក្ដីស្នើច្បាប់ សម្រាប់ យកអាសនៈ បក្សប្រឆាំង នៅថ្ងៃ ទី១៩ តុលា
RFA / វិទ្យុ អាស៊ី សេរី | ១៨ តុលា ២០១៧
គណៈកម្មាធិការ អចិន្ត្រៃយ៍ ព្រឹទ្ធសភា
នឹងបើក កិច្ចប្រជុំ ពិនិត្យ លើសេចក្ដីស្នើច្បាប់ ចំនួន ៤
ពាក់ព័ន្ធ នឹងការរំលាយ គណបក្ស សង្គ្រោះជាតិ នៅថ្ងៃ ទី១៩ ខែតុលា។
ប្រធាន ព្រឹទ្ធសភា លោក សាយ ឈុំ
នឹងបើក កិច្ចប្រជុំ ពិភាក្សា ពិនិត្យ
និងសម្រេច លើសំណើ របស់ គណៈកម្មការ ទី៦ ព្រឹទ្ធសភា
លើសេចក្ដីស្នើច្បាប់ ទាំង៤ និងរបៀបវារៈ ៦ផ្សេងទៀត
មុន នឹងដាក់ សេចក្ដីស្នើច្បាប់ ទៅអង្គប្រជុំ ពេញអង្គ របស់ ព្រឹទ្ធសភា។
សេចក្តីស្នើច្បាប់ស្ដីពីវិសោធនកម្មច្បាប់ទាំង៤នោះរួមមាន
ច្បាប់ស្ដីពីការបោះឆ្នោតជ្រើសតាំងតំណាងរាស្ត្រ
ជ្រើសតាំងសមាជិកព្រឹទ្ធសភា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ និងច្បាប់ស្ដីពីការបោះឆ្នោតជ្រើសរើស ក្រុមប្រឹក្សា រាជធានី ក្រុមប្រឹក្សាខេត្ត ក្រុង ស្រុក ខណ្ឌ។
រដ្ឋសភាជាតិ កាលពីថ្ងៃទី១៦ ខែតុលា
បានអនុម័តសេចក្ដីព្រាងលើសេចក្ដីស្នើច្បាប់ទាំង៤
ដោយគ្មានការកែប្រែ។ ក្រុមតំណាងរាស្ត្រ គណបក្សសង្គ្រោះជាតិ
បានថ្កោលទោស ការអនុម័តលើសេចក្តីស្នើច្បាប់នេះ។
គណបក្សប្រឆាំងចាត់ទុកការធ្វើច្បាប់នេះឡើង
គឺដើម្បីយកអាសនៈស្របច្បាប់ របស់គណបក្សប្រឆាំង ទៅចែកឲ្យគណបក្សតូចៗ
ដែលមិនមានអាសនៈក្នុងរដ្ឋសភា៕
No comments:
Post a Comment