 |
| តំណាងរាស្ត្ររបស់អាមេរិក ពីខាងគណបក្សសាធារណរដ្ឋ ប្រចាំរដ្ឋកាលីហ្វ័រញ៉ា លោក ដេណា រ៉ូរ៉ាបាកគើ (Dana Rohrabacher) ថ្លែងប្រាប់អាស៊ីសេរីនៅវិមានរដ្ឋសភាអាមេរិក កាលពីថ្ងៃទី១៤ ខែវិច្ឆិកា ឆ្នាំ២០១៧។ |
តំណាងរាស្ត្រ អាមេរិក ជំរុញ ឲ្យពលរដ្ឋខ្មែរ កុំចាញ់ ការសម្លុត និងការគំរាម របស់លោក ហ៊ុន សែន
RFA / វិទ្យុ អាស៊ី សេរី | ១៥ វិច្ឆិកា ២០១៧
ស្ដាប់ ឬទាញយកសំឡេង
00:00/00:00
តំណាងរាស្ត្រ សហរដ្ឋ អាមេរិក
ពីខាង គណបក្ស សាធារណរដ្ឋ ជំរុញ ឲ្យពលរដ្ឋខ្មែរ កុំចាញ់ ការសម្លុត
និងការ គំរាមកំហែង របស់លោក ហ៊ុន សែន។
តំណាងរាស្ត្ររបស់អាមេរិក
ពីខាងគណបក្សសាធារណរដ្ឋ ប្រចាំរដ្ឋកាលីហ្វ័រញ៉ា លោក ដេណា រ៉ូរ៉ាបាកគើ
(Dana Rohrabacher)
លើកទឹកចិត្តឲ្យពលរដ្ឋខ្មែរទូទៅចេញតវ៉ាដើម្បីការពារសំឡេងរបស់ពួកគេ
ស្របពេលរដ្ឋាភិបាលកម្ពុជា ដែលដឹកនាំដោយលោកនាយករដ្ឋមន្ត្រី ហ៊ុន សែន
កំពុងធ្វើយុទ្ធនាការរំលាយគណបក្សសង្គ្រោះជាតិ។
តុលាការកំពូលនឹងបើកសវនាការនៅថ្ងៃទី១៦
ខែវិច្ឆិកា តាមសំណើរម្លាយគណបក្សប្រឆាំងរបស់ក្រសួងមហាផ្ទៃ។ លោក
ដេណា រ៉ូរ៉ាបាកគើ ប្រាប់អាស៊ីសេរី នៅវិមានសភាអាមេរិកថា
ពលរដ្ឋត្រូវតែងើបឡើងដើម្បីការពារសិទ្ធិបោះឆ្នោតដែលការពារដោយរដ្ឋធម្មនុញ្ញ៖
«ខ្ញុំគិតថា
ពលរដ្ឋកម្ពុជាគួរនាំគ្នាគិតគូរអំពីគម្រោងរបស់ពួកគេក្នុងការទាមទារអោយលោក
ហ៊ុន សែន ចុះចេញពីអំណាចជាង ៣០ឆ្នាំមកហើយនោះ។ លោក ហ៊ុន សែន
កាន់អំណាចយូរពេកហើយ
ដែលធ្វើឲ្យពលរដ្ឋអាចខ្លាចនឹងការដឹកនាំបែបគំរាមកំហែងរបស់គាត់
ប៉ុន្តែមានតែប្រជាពលរដ្ឋខ្លួនឯងប៉ុណ្ណោះដែលហ៊ានចេញធ្វើបាតុកម្មនៅតាមផ្លូវតវ៉ាចំពោះបញ្ហានេះ។
បើមិនដូច្នេះទេនោះ លោក ហ៊ុន សែន នឹងបន្តក្ដោបក្ដាប់អំណាចតទៅទៀត។
ខ្ញុំគ្រាន់តែចង់ឲ្យពលរដ្ឋខ្មែរទាំងអស់ដឹងថា សហរដ្ឋអាមេរិក
ជាប្រទេសសេរី និងគោរពលទ្ធិប្រជាធិបតេយ្យ
ដូច្នេះយើងឈរខាងប្រជាពលរដ្ឋអាមេរិកាំងខ្លួនឯងផង
និងឈរខាងប្រជាពលរដ្ឋខ្មែរទូទៅផង។»
ពលរដ្ឋខ្មែរ-អាមេរិកាំង
ធ្វើបាតុកម្មនៅមុខរដ្ឋសភាសហរដ្ឋអាមេរិក ក្នុងរដ្ឋធានីវ៉ាស៊ីនតុន
ទាមទារឲ្យ រដ្ឋាភិបាលអាមេរិក ដាក់ទណ្ឌកម្មផ្នែកសេដ្ឋកិច្ច
និងការទូតទៅលើរដ្ឋាភិបាលលោកនាយករដ្ឋមន្ត្រី ហ៊ុន សែន នៅថ្ងៃទី១០
ខែមិថុនា ឆ្នាំ២០១៦។ RFA/Yun Samean
RFA/Yun Samean
រដ្ឋាភិបាលកម្ពុជា
កាលពីពេលថ្មីៗនេះ បានត្រៀមកម្លាំងប្រដាប់ដោយអាវុធគ្រប់ដៃ
ដើម្បីបង្ក្រាបអ្នកណាដែលហ៊ានចេញមុខតវ៉ាប្រឆាំងដំណើរការរំលាយគណបក្សសង្គ្រោះជាតិនោះ។
លោក ដេណា រ៉ូរ៉ាបាកគើរ អះអាងថា
គ្មានប្រទេសណាមួយលើលោកនេះដែលទទួលបានសេរីភាពពិតប្រាកដដោយគ្មានការប្រថុយប្រថានហើយហ៊ានលះបង់នោះទេ៖
«កាលពីអតីតសហរដ្ឋអាមេរិក
ធ្លាប់បានបណ្ដេញកងទ័ពរបស់ប្រទេសអង់គ្លេសដ៏មានឥទ្ធិពលនៅក្នុងលោកចេញពីសហរដ្ឋអាមេរិក
ដោយសារពលរដ្ឋអាមេរិកាំងមិនត្រូវការអោយបរទេសមកបញ្ជាពួកគេអោយធ្វើអ្វីតាមខ្លួនចង់បាននោះឡើយ។
ដូច្នេះប្រសិនបើពលរដ្ឋខ្មែរចង់មានសេរីភាពពីការគ្រប់គ្រងរបស់
ហ៊ុន សែន ពួកគេគួរតែជ្រើសរើសមេដឹកនាំដែលពួកគេពេញចិត្ត
ហើយកម្ចាត់មេដឹកនាំពុករលួយ ហ៊ុន សែន ដែលកំពុងបំផ្លាញប្រទេសកម្ពុជា
ចេញពីអំណាច។
ដូច្នេះពលរដ្ឋខ្មែរត្រូវហ៊ានប្រថុយប្រថានចេញធ្វើបាតុកម្មទាំងអស់គ្នា
ហើយពួកគេប្រាប់ទៅក្រុមយោធាថា ដល់ពេលដែល ហ៊ុន សែន
ចុះចេញពីអំណាចហើយ។ តើអ្នកឯងត្រូវនៅខាងណា?»
ការអះអាងរបស់តំណាងរាស្ត្ររូបនេះ
ធ្វើឡើងស្របពេលដែលព្រឹទ្ធសភាអាមេរិកកំពុងដំណើរការអនុម័តសេចក្ដីសម្រេចចិត្តលេខ
២៧៩ ក្នុងការថ្កោលទោសអំពើហិង្សានយោបាយ
និងការរំលោភសិទ្ធិមនុស្សកម្ពុជា។
សេចក្ដីសម្រេចនេះទាមទារអោយរដ្ឋាភិបាលកម្ពុជា
បញ្ឈប់ការធ្វើទុក្ខបុកម្នេញ និងការយាយីរបស់លោក ហ៊ុន សែន
មកលើក្រុមបក្សប្រឆាំង
ហើយបង្វែរស្ថានការណ៍របស់ប្រទេសវិលមករកភាពប្រក្រតីវិញ។
សេចក្ដីសម្រេចដែលផ្ដួចផ្ដើមឡើងដោយសមាជិកព្រឹទ្ធសភា
លោក ចន ម៉ាកខេន (John MaCain) និងលោក ឌីក ឌើប៊ិន (Dick Durbin)
ក៏បានជំរុញឲ្យក្រសួងរតនាគាររបស់សហរដ្ឋអាមេរិក
ពិចារណាក្នុងការបង្កកទ្រព្យសម្បត្តិរបស់មន្ត្រីជាន់ខ្ពស់កម្ពុជា
ដែលពុករលួយ និងរំលោភអំណាចទាំងឡាយ៕
No comments:
Post a Comment