 |
| រថយន្តដឹកឈើជាប់ផុងនៅភូមិឃួន ឃុំកោះពាក្យ ស្រុកវ៉ឺនសៃ ខេត្តរតនគិរី កាលពីថ្ងៃទី២៧ ខែកក្កដា ឆ្នាំ២០១៦។ Photo ADHOC
Photo ADHOC
|
RFA / វិទ្យុ អាស៊ី សេរី | ១៩ កក្កដា ២០១៨
ពលរដ្ឋរស់នៅក្បែរព្រំដែន
កម្ពុជាវៀតណាមក្នុងឃុំញ៉ាង ស្រុកអណ្តូងមាស ខេត្តរតនគិរី ឲ្យដឹងថា ជំនួញឈើ តាមម៉ូតូរាប់សិបគ្រឿងក្នុងមួយថ្ងៃៗ ឆ្លងដែនទៅលក់នៅប្រទេសវៀតណាម នៅតែកើនឡើងឥតឈប់ឈរ អំឡុងពេលយុទ្ធនាការឃោសនាបោះឆ្នោត។ អ្នកភូមិបារម្ភថា ព្រៃឈើនៅឧទ្យានជាតិវីរៈជ័យ ក្នុងស្រុកអណ្តូងមាស នឹងវិនាសហិនហោច បើអាជ្ញាធរមិនប្រញាប់ទប់ស្កាត់ករណីនេះទេ។
កម្ពុជាវៀតណាមក្នុងឃុំញ៉ាង ស្រុកអណ្តូងមាស ខេត្តរតនគិរី ឲ្យដឹងថា ជំនួញឈើ តាមម៉ូតូរាប់សិបគ្រឿងក្នុងមួយថ្ងៃៗ ឆ្លងដែនទៅលក់នៅប្រទេសវៀតណាម នៅតែកើនឡើងឥតឈប់ឈរ អំឡុងពេលយុទ្ធនាការឃោសនាបោះឆ្នោត។ អ្នកភូមិបារម្ភថា ព្រៃឈើនៅឧទ្យានជាតិវីរៈជ័យ ក្នុងស្រុកអណ្តូងមាស នឹងវិនាសហិនហោច បើអាជ្ញាធរមិនប្រញាប់ទប់ស្កាត់ករណីនេះទេ។
ជនជាតិដើមភាគតិចគ្រឹង រស់នៅភូមិតាងសេ ឃុំញ៉ាង ស្រុកអណ្តូងមាស អះអាងថា ឈើប្រណិត បេង ធ្នង់ កកោះ និងសុក្រំ មានមុខកាត់ ២តឹកឡើងទៅ ប្រវែង ២ម៉ែត្រឡើងទៅ ត្រូវគេដឹកជញ្ជូនតាមម៉ូតូដូចដង្ហែកឋិនទាន ឆ្ពោះទៅកាន់ប្រទេសវៀតណាម តាមច្រករបៀងហ្វាតា និងច្រកហស់សៅ គ្មានការទប់ស្កាត់។ អ្នកភូមិចោទថា សមត្ថកិច្ចច្រកព្រំដែនទាំងនោះ បានទទួលសំណូកពីអ្នកដឹកតាមម៉ូតូ ជាថ្នូរមិនអនុវត្តច្បាប់។
ជនជាតិដើមភាគតិចគ្រឹងម្នាក់ ក្នុងចំណោមជាច្រើនទៀត រស់នៅភូមិតាងសេ ថ្លែងមិនហ៊ានបញ្ចេញឈ្មោះ ឲ្យដឹងនៅថ្ងៃទី១៩ កក្កដាថា ក្នុងមួយថ្ងៃៗ ម៉ូតូចាប់ពី ៥០គ្រឿងឡើង ត្រូវបានអ្នកភូមិប្រទះឃើញ ឈ្មួញដឹកឈើតាមផ្លូវ ទៅលក់នៅប្រទេសវៀតណាម។ លោកថា ម៉ូតូនីមួយៗ អាចដឹកឈើ បានកន្លះម៉ែត្រគូប។ លោកបន្ថែមថា ឈើទាំងនោះ គេប្រមូលបានពីតំបន់ឧទ្យានជាតិវីរៈជ័យ ក្នុងស្រុកអណ្តូងមាស ដែលមានកម្មករជាច្រើនក្រុមសម្ងំបោះតង់ស្នាក់នៅក្នុងព្រៃ កាប់ឈើមានតម្លៃធ្វើអាជីវកម្ម។ លោកថា តំបន់នោះមានក្រុមយោធា ប្រដាប់ដោយកាំភ្លើង យាមកាមតឹងតែង និងរឹតត្បិតមិនឲ្យអ្នកប្លែកមុខចេញចូល ជាពិសេស អ្នកកាសែត និងយុវជន៖ «គេដឹកម៉ូតូផងគេកាប់ក្នុងព្រៃមិនចេះឈប់ទេ ព្រោះអី អត់មានពីណាការពារ។ អ្នកការពារដូចខ្ញុំ គេគំរាមរហូត។ គេដឹកពីស្រុកខ្មែរទៅវៀតណាម។»
សកម្មជនឃ្លាំមើលបរិស្ថាន លោក ហេង ស្រស់ ឲ្យដឹងថា ម៉ូតូឆ្នៃសម្រាប់ដឹកឈើ អាចមានលទ្ធភាពដឹកឈើមានមុខកាត់ធំៗ ដែលគេដឹកជញ្ជូនពីស្រុកអណ្តូងមាស ទៅកាន់ប្រទេសវៀតណាម ដោយមានការបើកដៃពីសមត្ថកិច្ចព្រំដែន។ លោកថា អាជ្ញាធរច្រកព្រំដែន គ្មានសមត្ថភាពទប់ស្កាត់បទល្មើសព្រៃឈើ ក្នុងដែនសមត្ថកិច្ចរបស់ខ្លួននោះទេ បែរជាសហការជាមួយឈ្មួញឈើ ឃុបឃិតគ្នាយកលុយពីអ្នកដឹកឈើខុសច្បាប់៖ «ម៉ូតូមួយក្រុមចាប់ពី ៧គ្រឿងឡើងទៅ រាប់រយគ្រឿង ច្រើនគ្រឿងមែនទែន។ មន្ត្រីទាំងអស់ហ្នឹងមិនមែនធ្វើការការពារព្រៃឈើស្រុកខ្មែរទេ គឺគិតតែរកលុយ និងគិតតែរកលុយគ្រប់កិច្ចឲ្យមេរបស់គាត់ទៅវិញ។»
អាស៊ីសេរីមិនអាចរកប្រភពទាក់ទងមេបញ្ជាការយោធាការពារព្រំដែនវរៈលេខ២០៣ និងនាយខណ្ឌរដ្ឋបាលព្រៃឈើខេត្តរតនគិរី លោក កែប កត់ ដើម្បីសុំការបំភ្លឺរឿងនេះបានទេ នៅថ្ងៃទី១៩ កក្កដា។
ឃុំញ៉ាង ឋិតនៅជាប់បន្ទាប់ក្រវាត់ព្រំដែនកម្ពុជា-វៀតណាម។ អ្នកភូមិនៅតំបន់នោះបង្ហើបថា អាជ្ញាធរបានឈូសឆាយផ្លូវលំចូលទៅចំណុចកាប់យកឈើមានតម្លៃធ្វើអាជីវកម្មខុសច្បាប់ ដោយមានក្រុមហ៊ុនវៀតណាមខ្លះ កាងព្រៃក្នុងឧទ្យានជាតិវីរៈជ័យ កាប់ឈើធ្វើអាជីវកម្ម។ ចំណែកមន្ត្រីឧទ្យានុរក្សដែលក្រសួងបរិស្ថានបញ្ជូនឲ្យទៅការពារព្រៃឈើ នៅតំបន់នោះ ត្រូវបានក្រុមយុវជនការពារព្រៃឈើ រិះគន់ថា ប្រៀបដូចជាទីងមោង។
មន្ត្រីសម្របសម្រួលសមាគមអាដហុក ខេត្តរតនគិរី លោក ឌិន ខន្នី អង្កេតឃើញថា បទល្មើសព្រៃឈើនៅតែកើតឡើងច្រើន គួរឲ្យព្រួយបារម្ភ ព្រោះតែគ្មានចំណាត់ការផ្លូវច្បាប់ណាមួយ ពីអាជ្ញាធរមានសមត្ថកិច្ច។ លោកថា បទល្មើសព្រៃឈើភាគច្រើន អាជ្ញាធរពាក់ព័ន្ធច្រើនតែ សម្របសម្រួលជាប្រាក់ ជាថ្នូរដោះលែងឲ្យរួចខ្លួន។ លោកបន្ថែមថា អំពើពុករលួយរឿងបទល្មើសព្រៃឈើ ហាក់ កើតឡើងដោយបើកជំហរ ធ្វើឲ្យទំហំព្រៃឈើក្នុងព្រៃអភិរក្សក្នុងខេត្តមួយនេះថយចុះយ៉ាងគំហុក៖ «កាលណាយកលុយបិទបាំង ខ្លួនឯងប្រព្រឹត្តបទល្មើស ដែលចាត់ចូលថ្នាក់ថា ពុករលួយ។ ពុករលួយរឿងបទល្មើសព្រៃឈើ នរណាក៏ដឹងដែរ មិនអាចមានចំណាកការបានដែរឥឡូវនេះ។»
សកម្មជនបរិស្ថាន និងជនជាតិដើមភាគតិច បង្ហាញអារម្មណ៍ អស់សង្ឃឹម ចំពោះវិធានការទប់ស្កាត់បទល្មើសព្រៃឈើរបស់អាជ្ញាធររបបលោក ហ៊ុន សែន បើទោះបីជាព្រៃឈើក្នុងតំបន់ឧទ្យានជាតិវីរៈជ័យ បានចុះបញ្ជីជាព្រៃការពារក្តី តែធាតុពិតព្រៃឈើនៅតំបន់នោះបានក្លាយទីផ្សារលក់ឈើ របស់ឈ្មួញវៀតណាម ឧកញ៉ា និងក្រុមហ៊ុនវៀតណាម៕
No comments:
Post a Comment