សង្គមស៊ីវិល និងបក្សប្រឆាំង ចាត់ទុក ទស្សនកិច្ច របស់ នាយក រដ្ឋមន្ត្រី វៀតណាម គ្មានឥទ្ធិពល លើនយោបាយ កម្ពុជា
ដោយ៖ តាំង វីដា និងជន ស្រីណុច / វិទ្យុ វីអូឌី | ថ្ងៃព្រហស្បតិ៍ ទី9 ខែមករា ឆ្នាំ2014
ការលើកឡើងនេះ ជាការបកស្រាយចម្ងល់ទៅនឹងអ្នកលេងហ្វេសប៊ុកមួយចំនួន ដែលបានបង្ហាញការព្រួយបារម្ភទៅលើដំណើរទស្សនកិច្ចនេះ។ នាយករដ្ឋមន្ត្រីនៃសាធារណរដ្ឋសង្គមនិយមវៀតណាមនឹងមកបំពេញទស្សនកិច្ចការងារនៅប្រទេសកម្ពុជា នៅសប្តាហ៍ក្រោយនេះ ចាប់ពីថ្ងៃទី១២ ដល់ ថ្ងៃទី១៤ ខែមករា ឆ្នាំ២០១៤។សង្គមស៊ីវិល និងបក្សប្រឆាំង យល់ថា ទស្សនកិច្ចរបស់នាយករដ្ឋមន្ត្រីវៀតណាម គឺគ្រាន់តែបញ្ជាក់ពីកិច្ចសហប្រតិបត្តិការរវាងប្រទេសទាំងពីរ ដោយមិនជាប់ពាក់ព័ន្ធនឹងបញ្ហានយោបាយនៅកម្ពុជាឡើយ។
ប្រធានមជ្ឈមណ្ឌលសិទ្ធិមនុស្សកម្ពុជា(CCHR) លោក អ៊ូ វីរៈ ចាត់ទុកការបង្កើនទំនាក់ទំនងរវាងកម្ពុជានិងវៀតណាម គឺជារឿងចាំបាច់ ដើម្បីផលប្រយោជន៍នៃប្រទេសទាំងពីរ។ លោកយល់ថា ដំណើរទស្សនកិច្ចនេះ មិនមានឥទ្ធិពលអវិជ្ជមានឡើយ ព្រោះកម្ពុជាមានឯករាជ្យពេញលេញ <<សំនួរសួរថាតើក្នុងការជួបហ្នឹង យើងយល់ព្រមអីខ្លះ ប៉ុន្ដែការយល់ព្រមហ្នឹងវាជួយដល់ប្រទេសជាតិឫមួយក៏អត់ ខ្ញុំមើលទៅទំនាក់ទំនងជាមួយវៀតណាមគឺជារឿងចាំបាច់ ដើម្បីផលប្រយោជន៍ទាំងសងខាងអាហ្នឹងល្អតើ ផ្ដល់ផលប្រយោជន៍ឲ្យកម្ពុជាផង ឲ្យវៀតណាមផង អត់មានអីខុសទេ ខ្ញុំថា វៀតណាមមកអត់មានទាក់ទងសម្ពាធជាមួយគណបក្សសង្គ្រោះជាតិទេ ហើយគណបក្សសង្គ្រោះជាតិ ខ្វល់ផង>> ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ យល់ថា រាជរដ្ឋាភិបាលកម្ពុជា តែងតែរណបតាមការចង្អុលបង្ហាញរបស់ប្រទេសវៀតណាម ហើយទស្សនកិច្ចនេះ ហាក់ស្របពេល ដែលកម្ពុជាកំពុងប្រឈមវិបត្តិនយោបាយ និងបាតុករអហិង្សា រងការបង្ក្រាបពីកម្លាំងសមត្ថកិច្ច។ យ៉ាងនេះក្តី លោក អះអាងថា គណបក្សសង្គ្រោះជាតិ មិនរណបប្រទេសដទៃឡើយ <<ប្រទេសកម្ពុជាយើង ខ្ញុំប្រមើលទៅហាក់ដូចជារណប ប្រទេសវៀតណាម ដែលធ្វើអ្វីៗ តាមការណែនាំលទ្ធិរបស់ប្រទេសវៀតណាម ដែលយើងគួរតែមានឯករាជ្យភាព។ យើងគោរពលទ្ធិប្រជាធិបត្យេ យើងគោរពសិទ្ធិមនុស្ស គួរតែដោះស្រាយបញ្ហាដោយសន្តិវិធី ដោយមិនចាំបាច់មានការលូកដៃចូលពីប្រទេសជិតខាង>>។
នាយករដ្ឋមន្ត្រីវៀតណាម លោក ង្វៀន តាន់យ៉ុង នឹងមកបំពេញទស្សនកិច្ចការងារនៅកម្ពុជា ដើម្បីចូលរួមក្នុងកម្មវិធីចំនួនបី ក្នុងនោះរួមមាន សន្និសីទលើកទី៤ ស្តីពីការជំរុញវិនិយោគទុនរវាងកម្ពុជា និងវៀតណាម ពិធីសម្ភោធសាខាមន្ទីរពេទ្យចារៃនៅភ្នំពេញ និងពិធីបញ្ចុះបឋមសិលាសាងសង់ស្ពានជ្រៃធំ-ឡុងប៊ីញ។
ក្នុងអំឡុងពេលទស្សនកិច្ចនេះដែរ លោក ង្វៀន តាន់យ៉ុង នាយករដ្ឋមន្ត្រីវៀតណាម ក៏មានគម្រោងចូលបង្គំគាល់ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បន្ទាប់មកជួបសម្តែងការគួរសមជាមួយលោក ជា ស៊ីម ប្រធានព្រឹទ្ធសភា និងជួបពិភាក្សាការងារជាមួយលោក ហ៊ុន សែន នាយករដ្ឋមន្ត្រីកម្ពុជាផងដែរ។
ដំណើរទស្សនកិច្ចរបស់នាយករដ្ឋមន្ត្រីវៀតណាម ធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន កាលពីថ្ងៃទី២៦ ដល់ថ្ងៃទី២៨ ខែធ្នូ ឆ្នាំ២០១៣ បានដឹកនាំគណៈប្រតិភូទៅប្រទេសវៀតណាម ដើម្បីជួបសមភាគីក្នុងការចុះហត្ថលេខាលើឯកសារមួយចំនួន៕
Mr. Ou Virack knew everything if you want to know more ask him. He GOT a special BRAIN call BIRT BRAIN.
ReplyDeleteMr. Ou Virack knew everything if you want to know more ask him. He GOT a special BRAIN call BIRD BRAIN.
ReplyDelete