ការប្រកាស ទ្រព្យសម្បតិ្ត និងបំណុល នឹងផុតកំណត់ នៅថ្ងៃទី៣១ មករា ឆ្នាំ២០១៣
ដោយ៖ ពេជ្រ សុធារី / វិទ្យុ វីអូឌី | ថ្ងៃពុធ ទី8 ខែមករា ឆ្នាំ2014
នៅក្នុងសេចក្តីជូនដំណឹងស្តីពី ការប្រកាសទ្រព្យសម្បត្តិ និងបំណុល តាមរបប២ឆ្នាំ ចុះថ្ងៃទី១៦ ខែធ្នូ ឆ្នាំ២០១៣ បានឲ្យដឹងថា បុគ្គលជាប់កាតព្វកិច្ចប្រកាសទ្រព្យសម្បត្តិ និងបំណុល នៅគ្រប់ក្រសួង-ស្ថាប័នទាំងអស់ ប្រញាប់រួសរាន់ទៅប្រកាសទ្រព្យសម្បត្តិ និងបំណុលរបស់ខ្លួន ឲ្យបានតាមកាលកំណត់ ចាប់ពីថ្ងៃទី០១ដល់ថ្ងៃទី៣១ខែមករាឆ្នាំ២០១៣។ សេចក្តីជូនដំណឹងបន្តថា អង្គភាពប្រឆាំងអំពើពុករលួយ នឹងទទួលឯកសារប្រកាសទ្រព្យសម្បត្តិ និងបំណុលនេះ ជារៀងរាល់ថ្ងៃ ចាប់ពីម៉ោង៨ព្រឹកដល់ម៉ោង៥ល្ងាច ដោយបុគ្គលជាប់កាតព្វកិច្ច អាចទៅផ្ទាល់ ឬផ្ញើឯកសារតាមក្រុមជនបង្គោលប្រឆាំងអំពើពុករលួយរបស់ក្រសួង-ស្ថាប័ន ឬតាមប្រៃសណីយ៍។
បើតាមសេចក្តីជូនដំណឹង បុគ្គលដែលជាប់កាតព្វកិច្ចប្រកាសទ្រព្យសម្បត្តិ និងបំណុលទាំងនោះ មានដូចជា សមាជិកព្រឹទ្ធសភា សមាជិករដ្ឋសភា សមាជិករាជរដ្ឋាភិបាល សមាជិកក្រុមប្រឹក្សារាជធានី-ខេត្ត-ក្រុង-ស្រុក-ខណ្ឌ-ឃុំ-សង្កាត់ ចៅក្រមអាសនៈ ចៅក្រមអយ្យការ សារការី ក្រឡាបញ្ជី និងអាជ្ញាសាលា។ ចំណែកមន្ត្រីរាជការស៊ីវិល មានឋានៈចាប់ពីប្រធាននាយកដ្ឋាន និងមន្ត្រីយោធា កងរាជអាវុធហត្ថ នគរបាល ដែលមានឋានន្តរស័ក្កចាប់ពីវរៈសេនីយ៍ឯកឡើងទៅ៕
No comments:
Post a Comment