អ្នកស្រី ទេព វន្នី(កាន់ឧបករណ៍បំពង់សំឡេង) សកម្មជនដីធ្លីនៅតំបន់បឹងកក់ (រូបភាពដោយ តាត ឧត្ដម)
តំណាង អ្នកភូមិបឹងកក់ អ្នកស្រី ទេព វន្នី ត្រូវបាន អញ្ជើញ ឲ្យចូលរួមប្រជុំ នៅអង្គការ សហប្រជាជាតិ
ដោយ៖ ឡាយ សាមាន | ថ្ងៃសៅរ៍ ទី25 ខែមករា ឆ្នាំ2014
សកម្មជនដីធ្លីនៅតំបន់បឹងកក់ អ្នកស្រី ទេព វន្នី នៅព្រឹកថ្ងៃសៅរ៍នេះ បានចេញទៅ ប្រទេសស្វីស ដើម្បីចូលរួមកិច្ចប្រជុំក្រុមប្រឹក្សាសិទ្ធិមនុស្សនៅអង្គការសហប្រជាជាតិ រយៈពេល៥ថ្ងៃ ស្តីពីសិទ្ធិមនុស្ស និងសិទ្ធិដីធ្លី។
មន្ត្រីព័ត៌មាននៅក្រុមការងារពិសេសសិទ្ធិលំនៅដ្ឋាន កញ្ញា ឡុង គឹមហៀង ប្រាប់VOD ថា អ្នកស្រី ទេព វន្នី បានចាកចេញពីកម្ពុជា នៅព្រឹកម៉ោង៦និង១៥នាទីព្រឹកនេះ ដើម្បីធ្វើដំណើរទៅទីក្រុងសឺណែវ ប្រទេសស្វីស ដើម្បីធ្វើបទបង្ហាញពីស្ថានភាពសិទិ្ធមនុស្ស និងសិទ្ធិដីធ្លីនៅកម្ពុជា។
មន្ត្រីរូបនោះ ឲ្យដឹងទៀតថា ការទៅចូលរួមកិច្ចប្រជុំរបស់អ្នកស្រី ទេព វន្នី នៅពេលនេះ តបតាមការអញ្ជើញរបស់អង្គការសហប្រជាជាតិ ដើម្បីធ្វើបទបង្ហាញទាក់ទាងនឹងការរំលោភសិទ្ធិមនុស្សនៅកម្ពុជា។
អ្នកស្រី ទេព វន្នី ក៏ជាម្ចាស់ពានរង្វាន់ស្ត្រីភាពជាអ្នកដឹកនាំពិភពលោក ដែលផ្តល់ដោយសហរដ្ឋអាមេរិក ម្ចាស់ពានរង្វាន់មេអំបៅមាស និងពានរង្វាន់មួយចំនួនទៀត ដែលកើតចេញពីការតស៊ូមតិរឿងជម្លោះដីធ្លី៕
I am emotional to see that an ordinary decent person has the opportunity to be at the UN to tell the world about Cambodia bad government.
ReplyDelete