លោក ធន សារ៉ាយ មានសុទិដ្ឋិនិយមច្រើន ចំពោះការមកដល់ របស់ លោក ស៊ូប៊ែឌី
លោកធន សារ៉ាយ ប្រធានសមាគមការពារសិទ្ធិមនុស្សអាដហុក
RFI
សួង សុភារី \ វិទ្យុបារាំង | 13 មករា 2014
នៅថ្ងៃទី១៣ មករានេះ លោក ធន សារ៉ាយ ប្រធានអង្គការ អាដហុក បានចូលជួបពិភាក្សាទ្វេរភាគី ជាមួយនឹង អ្នករាយការណ៏ពិសេសអង្គការសហប្រជាជាតិ ទទួលបន្ទុកសិទ្ធិមនុស្ស ប្រចាំនៅកម្ពុជា លោក ស៊ូរិយ៉ា ប្រាសាទ ស៊ូបេឌី។ នៅក្នុងការជួបពិភាក្សានោះ លោក ធន សារ៉ាយ បានលើកយករបៀបវារៈមួយចំនួន ដែលផ្តោតសំខាន់ ទៅលើបញ្ហាសិទ្ធមនុស្ស នៅកម្ពុជា ទៅជម្រាបជូន លោក ស៊ូប៊ែរឌី ដែលក្នុងនោះរួមមាន៖ ការដោះលែង អ្នកដែលជាប់ឃុំឃាង ការកាត់បន្ថយ ការប្រើប្រាស់អំពើហិង្សា និងស្វែងរកដំណោះស្រាយនយោបាយ និងការចរចារគ្នា ដោយសន្តិវិធី។ បន្ទាប់ពីបញ្ចប់ការជួបពិភាក្សា លោក ធន សារ៉ាយ ហាក់បានសម្តែងចំណាប់អារម្មណ៏សុទិដ្ឋិនិយមច្រើន ចំពោះដំណើរទស្សនកិច្ច របស់លោក ស៊ូប៊ែឌី និងការលើកតំកើនសិទ្ធមនុស្សនៅកម្ពុជា។ សូមស្តាប់ លោក ធន សារ៉ាយ៖
No comments:
Post a Comment