កម្មករ ៤នាក់ស្លាប់ និង១១នាក់ ចាប់ខ្លួន ក្នុងការប៉ះទង្គិច ជាមួយ សមត្ថកិច្ច នៅផ្លូវវ៉េងស្រេង
ដោយ៖ ថុល ស្រីលក្ខណ៍ / វិទ្យុវីអូឌី | ថ្ងៃសុក្រ ទី3 ខែមករា ឆ្នាំ2014
យ៉ាងហោចណាស់ កម្មករ៤នាក់ត្រូវបានរាយការន៍មកថាស្លាប់ ៣០នាក់រងរបួស និង១១នាក់ទៀតត្រូវបានបញ្ជូនខ្លួនទៅបញ្ជាការដ្ឋានកងរាជអាវុធហត្ថរាជធានីភ្នំពេញ ខណៈកម្លាំងសមត្ថកិច្ចបង្ក្រាបទៅលើក្រុមកម្មករ ដែលធ្វើបាតុកម្មទាមទារដំឡើងប្រាក់ឈ្នួលគោល ១៦០ដុល្លារ នៅសួនឧស្សាហកម្មកាណាឌីយ៉ា ផ្លូវវ៉េងស្រេង សង្កាត់ចោមចៅ ខណ្ឌដង្កោ រាជធានីភ្នំពេញ។
តាមសេចក្តីរាយការណ៍ បានឲ្យដឹងថា ការប៉ះទង្គិចគ្នារវាងកម្លាំងសមត្ថកិច្ច និងកម្មករមកពីរោងចក្រនានា នៅរាជធានីភ្នំពេញ បានកើតចាប់តាំងពីម៉ោង១០ព្រឹកថ្ងៃសុក្រនេះ ហើយបានឈានទៅដល់ការបាញ់រះមកលើកម្មករ បណ្តាលឲ្យកម្មករ៤នាក់ស្លាប់ និង៣០នាក់រងរបួសធ្ងន់និងស្រាល និង១១នាក់ទៀតត្រូវបានចាប់ខ្លួនបញ្ជូនទៅកាន់បញ្ជាការដ្ឋានកងរាជអាវុធហត្ថរាជធានីភ្នំពេញ។ ជាមួយគ្នានោះដែរ អ្នកសារព័ត៌មាន ត្រូវបានហាមមិនឲ្យថតរូប ហើយសូម្បីប្រជាពលរដ្ឋដែលធ្វើដំណើរឆ្លងកាត់ទីនោះ ក៏រងការបាញ់បណ្តេញចេញពីទីនោះផងដែរ។
រហូតមកដល់ម៉ោងជាង៣រសៀលនេះ ស្ថានការណ៍បានស្ងប់ស្ងាត់បន្តិច ដោយកម្លាំងសមត្ថកិច្ចបានគ្រប់គ្រងតំបន់នោះ ហើយក្រុមកម្មករបានបំបែកគ្នាជាបណ្តើរៗ ចេញពីមុខសួនឧស្សាហកម្មកាណាឌីយ៉ា៕
As a Khmer let me condemn this coward act from the so-called Hun Sen yuon puppet government.
ReplyDeleteEnough is enough Ah Hun Sen must be forced to go and face justice for so many crimes that Hun Sen has had committed so far.
ហេតុដែលនាំឲ្យរដ្ឋាភិបាលជប៉ុនបានទទួលស្គាល់រាជរដ្ឋាភិបាលដែលមិនគ្រប់លក្ខណច្បាប់ខ្មែរ។ព្រោះ
ReplyDeleteប្រទេសជប៉ុនដឹងច្បាស់ណាស់ថារដ្ឋាភិបាលហ៊ុន សែននឹងជួយការពារផលប្រយោជន៍ជនជាតិជប៉ុន
មិនខាន។បើតាមការផ្សាយវិទ្យុបារាំង(RFI) កាលពីថ្ងៃទី២ ខែមករា ២០១៤ ថា«លេខាធិការស្ថានទូក
ជប៉ុន ខិតខំចេញផ្សាយលិខិតការពារតម្លៃនឹងកិត្តិយសស្ថានទូតជប៉ុនថាមិនបានប្ដឹងរាជរដ្ឋាភិបាល
ខ្មែរឲ្យជួយការពារសហគ្រិសជប៉់នទេ។សំនួរសួរថា«តើមូលហេតុអ្វីបានជាស្ថានទូតជប៉ុនខិតខំការពារ
តម្លៃស្ថានទូតខ្លួន?»ឬមួយទូតជប៉ុន«កើតគោដំបៅខ្នង ក្អែកហើររំលងរំសាយកន្ទុយ»៕សូមអរគុណ!