លោក គាត ឈន់ ឧបនាយករដ្ឋមន្ត្រីប្រចាំការ។
© លី ម៉េងហួរ
កម្ពុជា មានមហិច្ឆតា ប្រែក្លាយខ្លួន ជាតួអង្គសេដ្ឋកិច្ ចដ៏សំខាន់ ក្នុងតំបន់
លោក គាត ឈន់ ដែលជា ឧបនាយក រដ្ឋមន្ត្រី ប្រចាំការ បានថ្លែងថា កម្ពុជា មានមហិច្ឆតា ប្រែក្លាយខ្លួន ជាតួអង្គសេដ្ឋកិច្ចសំខាន់ ក្នុងតំបន់។ លោក គាត ឈន់ ដែលជា សហប្រធាន នៃកិច្ចប្រជុំពិភាក្សាតុមូល នៃបណ្តា មេតួអង្គ ឧស្សាហកម្ម កម្ពុជា និងម៉ាឡេស៊ី កាលពីម្សិលមិញ បានពន្យល់ថា កម្ពុជា នឹងផ្តល់ឱកាស ដ៏គាប់ប្រសើរ សម្រាប់ វិនិយោគិន និងធុរជន ទាំងជាតិ ទាំងអន្តរជាតិ។
លោកឧបនាយករដ្ឋមន្ត្រីប្រចាំការ គាត ឈន់ ដែលបានធ្វើជាសហប្រធាននៃកិច្ចប្រជុំពិភាក្សាតុមូលនៃបណ្តាមេតួអង្គឧស្សាហកម្មកម្ពុជា និងម៉ាឡេស៊ី កាលពីម្សិលមិញ ក្នុងរាជធានីភ្នំពេញ ជាមួយលោកឧបនាយករដ្ឋមន្ត្រីម៉ាឡេស៊ី TAN SRI Muhyiddin Mohd Yassin បានថ្លែងថា កម្ពុជាមានមហិច្ឆតាប្រែក្លាយជាតួអង្គសេដ្ឋកិច្ចដ៏សំខាន់ក្នុងតំបន់ ដែលផ្តល់កាលានុវត្តភាពវិនិយោគ និងធុរកិច្ច ដ៏គាប់ប្រសើរសម្រាប់ទាំងវិនិយោគិនជាតិ និងអន្តរជាតិ។
ក្នុងកិច្ចប្រជុំ ដែលត្រូវបានរៀបចំឡើងដើម្បីពង្រឹង និងពង្រីកកិច្ចសហប្រតិបត្តិការទ្វេភាគី ក្នុងវិស័យសេដ្ឋកិច្ច ពាណិជ្ជកម្ម និងវិនិយោគកម្ពុជាម៉ាឡេស៊ី ឲ្យកាន់តែរឹងមាំ និងប្រកបដោយផ្លែផ្កាថែមទៀត លោកឧបនាយករដ្ឋមន្ត្រីកម្ពុជាមានសុទិដ្ឋនិយមចំពោះទស្សនវិស័យនៃធុរកិច្ចកម្ពុជា ពេលដែលប្រទេសនេះខិតកាន់តែកៀកនឹងការបង្កើតសហគមន៍សេដ្ឋកិច្ចអាស៊ានឆ្នាំ២០១៥ ហើយបានប្តេជ្ញាចិត្តមិនរាថយក្នុងការធ្វើសេរីភាវូបនីយកម្មសេដ្ឋកិច្ច និងពាណិជ្ជកម្ម នៅក្នុងតំបន់។
កម្ពុជា ដែលបានក្លាយជាសមាជិកក្នុងសមាគមអាស៊ាននៅឆ្នាំ១៩៩៩ និងសមាជិកក្នុងអង្គការពាណិជ្ជកម្មពិភពលោកនៅឆ្នាំ២០០៤ បានសម្រេចនូវកំណើនសេដ្ឋកិច្ចជាមធ្យមប្រចាំឆ្នាំប្រមាណ៨ភាគរយ ក្នុងរយៈពេល១៥ឆ្នាំចុងក្រោយនេះ។ លោក គាត ឈន់ បានអះអាងថា កម្ពុជាអាចគ្រប់គ្រងអតិផរណាបានជោគជ័យ ថ្វីបើប្រទេសនេះបានទទួលឥទ្ធិពលអាក្រក់ពីកលយុគហិរញ្ញវត្ថុ និងសេដ្ឋកិច្ចអន្តរជាតិក្នុងឆ្នាំ២០០៩ក៏ដោយ ហើយថា សមាជិកភាពរបស់កម្ពុជាក្នុងអង្គការទាំងពីរបានបើកនូវទីផ្សារដ៏ធំមួយ ដែលជាកាតាលីករជំរុញកំណើនប្រកបដោយនិរន្តរភាព និងឈានមុខក្នុងតំបន់អាស៊ីបូព៌ា ក្នុងទសវត្សរ៍ចុងក្រោយនេះ៕
ក្នុងកិច្ចប្រជុំ ដែលត្រូវបានរៀបចំឡើងដើម្បីពង្រឹង និងពង្រីកកិច្ចសហប្រតិបត្តិការទ្វេភាគី ក្នុងវិស័យសេដ្ឋកិច្ច ពាណិជ្ជកម្ម និងវិនិយោគកម្ពុជាម៉ាឡេស៊ី ឲ្យកាន់តែរឹងមាំ និងប្រកបដោយផ្លែផ្កាថែមទៀត លោកឧបនាយករដ្ឋមន្ត្រីកម្ពុជាមានសុទិដ្ឋនិយមចំពោះទស្សនវិស័យនៃធុរកិច្ចកម្ពុជា ពេលដែលប្រទេសនេះខិតកាន់តែកៀកនឹងការបង្កើតសហគមន៍សេដ្ឋកិច្ចអាស៊ានឆ្នាំ២០១៥ ហើយបានប្តេជ្ញាចិត្តមិនរាថយក្នុងការធ្វើសេរីភាវូបនីយកម្មសេដ្ឋកិច្ច និងពាណិជ្ជកម្ម នៅក្នុងតំបន់។
កម្ពុជា ដែលបានក្លាយជាសមាជិកក្នុងសមាគមអាស៊ាននៅឆ្នាំ១៩៩៩ និងសមាជិកក្នុងអង្គការពាណិជ្ជកម្មពិភពលោកនៅឆ្នាំ២០០៤ បានសម្រេចនូវកំណើនសេដ្ឋកិច្ចជាមធ្យមប្រចាំឆ្នាំប្រមាណ៨ភាគរយ ក្នុងរយៈពេល១៥ឆ្នាំចុងក្រោយនេះ។ លោក គាត ឈន់ បានអះអាងថា កម្ពុជាអាចគ្រប់គ្រងអតិផរណាបានជោគជ័យ ថ្វីបើប្រទេសនេះបានទទួលឥទ្ធិពលអាក្រក់ពីកលយុគហិរញ្ញវត្ថុ និងសេដ្ឋកិច្ចអន្តរជាតិក្នុងឆ្នាំ២០០៩ក៏ដោយ ហើយថា សមាជិកភាពរបស់កម្ពុជាក្នុងអង្គការទាំងពីរបានបើកនូវទីផ្សារដ៏ធំមួយ ដែលជាកាតាលីករជំរុញកំណើនប្រកបដោយនិរន្តរភាព និងឈានមុខក្នុងតំបន់អាស៊ីបូព៌ា ក្នុងទសវត្សរ៍ចុងក្រោយនេះ៕
No comments:
Post a Comment