ទិដ្ឋភាពមួយក្នុងឈុតឆាកនៃការសម្តែងក្នុងទិវាវប្បធម៌ជាតិលើកទី១៥ កាលពីឆ្នាំ២០១៣
@rfi
កម្ពុជា នឹងប្រារព្ឋ វប្បធម៌ជាតិ លើកទី១៦ ផ្តោតលើ សុខដុមភាព វប្បធម៌
ទិវាវប្បធម៌ជាតិលើកទី១៦ កំណត់យកប្រធានបទ “អ្វីៗទាំងអស់ដើម្បីសុខដុមភាពវប្បធម៌ជាតិ។ ទិវាជាតិស្តីពីវប្បធម៌នេះចង់បង្កើននូវការដឹងគុណពីតំលៃវីរៈភាពរបស់បុព្វបុរស និងស្គាល់តំលៃពិតនៃវប្បធម៌ជាតិ រួមទាំងការប្រើប្រាស់វប្បធម៌ជាតិជាមូលដ្ឋានគ្រឹះក្នុងការអភិវឌ្ឍប្រទេសជាតិ។ ក្រៅពីការរៀបចំនៅក្នុងស្រុក ទិវាបុណ្យជាតិនេះ ក៏នឹងត្រូវរៀបចំប្រារព្ឋនៅតាមបណ្តាប្រទេសដែលកម្ពុជាមានទូត ឬកុងស៊ុលផងដែរ។
ថ្ងៃទី៣ មីនា ឆ្នាំ២០១៤ខែក្រោយនេះ គឺជាទិវាវប្បធម៌ជាតិលើកទី១៦ដែលប្រារព្ឋក្រោមប្រធានបទ “អ្វីៗទាំងអស់ដើម្បីសុខដុមភាពវប្បធម៌ជាតិ។
ទិវាជាតិស្តីពីវប្បធម៌នេះ មានគោលបំណងឧទ្ទិសដល់គុណនូបការៈចំពោះបុពបុរសខ្មែរដែលបានកសាងដ៏សម្បូរបែប និងការចេះប្រើប្រាស់សក្តានុពលវប្បធម៌ជាមូលដ្ឋានគ្រឹះក្នុងការអភវិឌ្ឍសង្គម។ ទិវាបុណ្យជាតិនេះ ក៏ដើម្បីលើកស្ទួយវប្បធម៌ចម្រុះឱ្យទទួលបាននូវវឌ្ឍនភាព និងប្រកបដោយនិរន្តរភាពដើម្បីសុខដុមរស់មិនប្រកាន់និន្នាការ ព៌ណសម្បុរ និងគ្មានការរើសអើងផងដែរ។
សកម្មភាពជាច្រើននឹងត្រូវរដ្ឋាភិបាលគ្រោងបង្កើតឡើងដើម្បីគាំទ្រទិវាបុណ្យជាតិដែលប្រារព្ឋមួយឆ្នាំម្តងនេះ។ ក្នុងសារាចរណែនាំរបស់រាជរដ្ឋាភិបាលកម្ពុជាដែលចុះហត្ថលេខាដោយលោកនាយករដ្ឋមន្ត្រីហ៊ុន សែន កាលពីថ្ងៃទី៣០មករា ដែលមាន៣ទំព័រ គ្រប់ក្រសួង ស្ថាប័ន្ថអាជ្ញាធរដែនដី និងវិស័យឯកជនទាំងអស់ ត្រូវលើកទង់ជាតិ ទង់ជ្វាលា និងបដាផ្សព្វផ្សាយរបស់ខ្លួនតាំងពីថ្ងៃទី១ដល់ថ្ងៃទី៧ មិនា ឆ្នាំ២០១៤ ។
ដោយឡែកក្រសួងព័ត៌មានវិញ ក៏ត្រូវផ្សព្វផ្សាយខ្លឹមសារនៃទិវាវប្បធម៌នេះឱ្យបានផុលផុសតាមប្រព័ន្ធផ្សព្វផ្សាយរបស់រដ្ឋនិងឯកជន។ ក្រសួងអប់រំ ក៏ត្រូវបើកកម្មវិធីប្រកួតប្រជែងសំណួរចម្លើយ។ ចំណែកឯក្រសួងទេសចរណ៍ ត្រូវធ្វើការផ្សព្វផ្សាយអំពីទេសចរណ៍រប្បធម៌តាមគ្រប់រូបភាពឱ្យទូលំទូលាយសំដៅបង្កើនភាពទាក់ទាញ។ ក្រៅពីកាប្ររព្ឋពិធីបុណ្យជាតិនេះ នៅក្នុងប្រទេសនោះ ព្រឹត្តិការណ៍នេះ ក៏នឹងត្រូវប្រារព្ឋនៅតាមបណ្តាប្រទេសជាមិត្តមួយចំនួនដែលមានស្ថានទូត ឬកុងស៊ុលកម្ពុជាស្ថិតនៅផងដែរ។
ក្រសួងវប្បធម៌ និងវិចិត្រសិល្បៈ ក្រសួងធម្មការ និងសាសនា អាជ្ញាធរជាតិអប្សរា និងអាជ្ញាធរជាតិព្រះវិហារ រួមទាំងកងកម្លាំប្រដាប់អាវុធគ្រប់ប្រភេទ ក៏មានតួនាទីជួយជ្រួមជ្រែងសម្រាប់ព្រឹត្តិការណ៍នេះផងដែរ។ យ៉ាងណាក៏ដោយ ទិវាវប្បធម៌ជាតិលើកទី១៦នេះ ក៏មានទិសដៅឱ្យយុវជនស្គាល់កាន់តែច្បាស់ពីតម្លៃពិតនៃវប្បធម៌ជាតិរបស់កម្ពុជា៕
ទិវាជាតិស្តីពីវប្បធម៌នេះ មានគោលបំណងឧទ្ទិសដល់គុណនូបការៈចំពោះបុពបុរសខ្មែរដែលបានកសាងដ៏សម្បូរបែប និងការចេះប្រើប្រាស់សក្តានុពលវប្បធម៌ជាមូលដ្ឋានគ្រឹះក្នុងការអភវិឌ្ឍសង្គម។ ទិវាបុណ្យជាតិនេះ ក៏ដើម្បីលើកស្ទួយវប្បធម៌ចម្រុះឱ្យទទួលបាននូវវឌ្ឍនភាព និងប្រកបដោយនិរន្តរភាពដើម្បីសុខដុមរស់មិនប្រកាន់និន្នាការ ព៌ណសម្បុរ និងគ្មានការរើសអើងផងដែរ។
ដោយឡែកក្រសួងព័ត៌មានវិញ ក៏ត្រូវផ្សព្វផ្សាយខ្លឹមសារនៃទិវាវប្បធម៌នេះឱ្យបានផុលផុសតាមប្រព័ន្ធផ្សព្វផ្សាយរបស់រដ្ឋនិងឯកជន។ ក្រសួងអប់រំ ក៏ត្រូវបើកកម្មវិធីប្រកួតប្រជែងសំណួរចម្លើយ។ ចំណែកឯក្រសួងទេសចរណ៍ ត្រូវធ្វើការផ្សព្វផ្សាយអំពីទេសចរណ៍រប្បធម៌តាមគ្រប់រូបភាពឱ្យទូលំទូលាយសំដៅបង្កើនភាពទាក់ទាញ។ ក្រៅពីកាប្ររព្ឋពិធីបុណ្យជាតិនេះ នៅក្នុងប្រទេសនោះ ព្រឹត្តិការណ៍នេះ ក៏នឹងត្រូវប្រារព្ឋនៅតាមបណ្តាប្រទេសជាមិត្តមួយចំនួនដែលមានស្ថានទូត ឬកុងស៊ុលកម្ពុជាស្ថិតនៅផងដែរ។
ក្រសួងវប្បធម៌ និងវិចិត្រសិល្បៈ ក្រសួងធម្មការ និងសាសនា អាជ្ញាធរជាតិអប្សរា និងអាជ្ញាធរជាតិព្រះវិហារ រួមទាំងកងកម្លាំប្រដាប់អាវុធគ្រប់ប្រភេទ ក៏មានតួនាទីជួយជ្រួមជ្រែងសម្រាប់ព្រឹត្តិការណ៍នេះផងដែរ។ យ៉ាងណាក៏ដោយ ទិវាវប្បធម៌ជាតិលើកទី១៦នេះ ក៏មានទិសដៅឱ្យយុវជនស្គាល់កាន់តែច្បាស់ពីតម្លៃពិតនៃវប្បធម៌ជាតិរបស់កម្ពុជា៕
No comments:
Post a Comment