រូបសញ្ញា នៃគណ:មេធាវីទីក្រុងប៉ារីស៍។
@Google
មេធាវីកម្ពុជា នឹងទទួលអត្តប្រយោជន៍ ពីកិច្ចប្រជុំ មេធាវី អន្តរជាតិ នៅចុងសប្តាហ៍នេះ
គណ:មេធាវី ទីក្រុងប៉ារីស នឹងរៀបចំ កិច្ចប្រជុំអន្តរជាតិ លើកទី២ នៅកម្ពុជា ពីថ្ងៃទី ១៦ ដល់ ថ្ងៃទី ១៨ កុម្ភៈ ខាងមុខ។ បន្ទាប់ពីមានការរៀបចំ ធ្វើឡើង លើកទីមួយ នៅប្រទេសវៀតណាម កាលពីឆ្នាំ២០១៣ គណ:មេធាវី ទីក្រុងប៉ារីស នឹងប្រារព្ធ ជំនួបអន្តរជាតិអាស៊ី របស់ខ្លួន លើកទី២ សំរាប់ឆ្នាំ២០១៤ (Campus International Asie 2014) នៅទីក្រុងភ្នំពេញ ដោយសហការ ជាមួយ គណ:មេធាវី កម្ពុជា។ ជំនួបនេះ គឺជាឱកាស សំរាប់មេធាវី ជនជាតិបារាំង មកពីប៉ារីស នៅភ្នំពេញ ឬនៅក្នុងតំបន់ ធ្វើការផ្លាស់ប្តូរ បទពិសោធន៍ គ្នាទៅវិញទៅមក។
ប្រទេសកម្ពុជានឹងទទួលកិច្ចប្រជុំអន្តរជាតិលើកទីពីរដែលរៀបចំឡើងដោយគណៈមេធាវីទីក្រុងប៉ារីស។ជំនួបរបស់មេធាវីជាលក្ខណៈអន្តរជាតិនេះនឹងត្រូវធ្វើឡើងរយៈពេលបីថ្ងៃ គឺចាប់ពីថ្ងៃទី១៦ ដល់ថ្ងៃទី១៨ ខែកុម្ភៈដែលមានឈ្មោះថា ជំនួបអន្តរជាតិអាស៊ីលើកទីពីរសម្រាប់ឆ្នាំ២០១៤ ឬ Campus International Asie 2014 ដោយមានវត្តមានលោករដ្ឋមន្ត្រីក្រសួងយុត្តិធម៌កម្ពុជា លោក អង្គ វង្សវឌ្ឍនាផងដែរ។
លោកមេធាវី ប៊ុន ហ៊ុន ប្រធានគណៈមេធាវីនៃប្រទេសកម្ពុជាបាន ប្រាប់វិទ្យុបារាំងអន្តរជាតិ RFI ថាព្រឹត្តិការណ៍នេះ ក្រៅពីផ្តល់កិត្តិយសដល់ប្រព័ន្ធច្បាប់ប្រទេសកម្ពុជា បានជួយជាបទពិសោធន៍សម្រាប់មេធាវីកម្ពុជា តាមរយៈការជជែកគ្នា ដែលរួមមានប្រធានបទច្បាប់សំខាន់ៗជាច្រើន។លោកប្រធានគណមេធាវីបន្តថា វាជាឱកាសដែលមេធាវីកម្ពុជា បានផ្លាស់ប្តូរបទពិសោធន៍គ្នាជាមួយមេធាវីបរទេស នឹងជាការបង្ហាញនូវភាពទូលំទូលាយក្នុងប្រព័ន្ធច្បាប់កម្ពុជា ដើម្បីជាការទាក់ទាញអ្នកវិនិយោគផងដែរ។
សម្រាប់មេធាវីកម្ពុជា សិក្ខាសាលានេះក៏ជាឱកាសផងដែរក្នុងការឈានទៅពង្រឹងនិងពង្រីកទំនាក់ទំនងរវាងគណៈមេធាវីកម្ពុជានិងគណៈមេធាវីបរទេស ដោយគណៈមេធាវីកម្ពុជាបានត្រៀម មេធាវីរបស់ខ្លួនចំនួនប្រមាណជា២០ទៅ៣០នាក់ក្នុងចំណោមអ្នកចូលរួមប្រមាណជា១០០នាក់ រួមទាំងអ្នកជំនាញច្បាប់ល្បីៗមកពីសមាគមហង់រីកាពីតង់ ដែលមានសាខាកាលពីពេលថ្មីៗនេះនៅក្នុងប្រទេសកម្ពុជា នេះបើតាមលោកមេធាវី ប៊ុន ហ៊ុន។
យោងតាមសេចក្តីប្រកាសព័ត៌មានរបស់ស្ថានទូតបារាំងប្រចាំកម្ពុជា និងគណៈមេធាវីក្រុងប៉ារីសនៅថ្ងៃទី១៤កុម្ភៈបង្ហាញថា ការជ្រើសរើសកម្ពុជាជាកន្លែងធ្វើកិច្ចប្រជុំអន្តរជាតិនៃគណៈមេធាវីទីក្រុងប៉ារីសគឺដោយសារកម្ពុជាមានកំណើនសេដ្ឋកិច្ចខ្ពស់ មានទីតាំងនៅចំបេះដូងសមាគមអាស៊ាន និងសំបូរអ្នកច្បាប់ជាច្រើនចេះភាសាបារាំង។
សូមបញ្ជាក់ថា គណៈមេធាវីកម្ពុជានិងគណៈមេធាវីក្រុងប៉ារីស មានទំនាក់ទំនងជាធម្មតាជាយូរមកហើយតាមរយៈការបញ្ជូនមេធាវីកម្ពុជាទៅធ្វើកម្មសិក្សានៅប្រទេសបារាំងជាបន្តបន្ទាប់កន្លងមក៕
លោកមេធាវី ប៊ុន ហ៊ុន ប្រធានគណៈមេធាវីនៃប្រទេសកម្ពុជាបាន ប្រាប់វិទ្យុបារាំងអន្តរជាតិ RFI ថាព្រឹត្តិការណ៍នេះ ក្រៅពីផ្តល់កិត្តិយសដល់ប្រព័ន្ធច្បាប់ប្រទេសកម្ពុជា បានជួយជាបទពិសោធន៍សម្រាប់មេធាវីកម្ពុជា តាមរយៈការជជែកគ្នា ដែលរួមមានប្រធានបទច្បាប់សំខាន់ៗជាច្រើន។លោកប្រធានគណមេធាវីបន្តថា វាជាឱកាសដែលមេធាវីកម្ពុជា បានផ្លាស់ប្តូរបទពិសោធន៍គ្នាជាមួយមេធាវីបរទេស នឹងជាការបង្ហាញនូវភាពទូលំទូលាយក្នុងប្រព័ន្ធច្បាប់កម្ពុជា ដើម្បីជាការទាក់ទាញអ្នកវិនិយោគផងដែរ។
សម្រាប់មេធាវីកម្ពុជា សិក្ខាសាលានេះក៏ជាឱកាសផងដែរក្នុងការឈានទៅពង្រឹងនិងពង្រីកទំនាក់ទំនងរវាងគណៈមេធាវីកម្ពុជានិងគណៈមេធាវីបរទេស ដោយគណៈមេធាវីកម្ពុជាបានត្រៀម មេធាវីរបស់ខ្លួនចំនួនប្រមាណជា២០ទៅ៣០នាក់ក្នុងចំណោមអ្នកចូលរួមប្រមាណជា១០០នាក់ រួមទាំងអ្នកជំនាញច្បាប់ល្បីៗមកពីសមាគមហង់រីកាពីតង់ ដែលមានសាខាកាលពីពេលថ្មីៗនេះនៅក្នុងប្រទេសកម្ពុជា នេះបើតាមលោកមេធាវី ប៊ុន ហ៊ុន។
យោងតាមសេចក្តីប្រកាសព័ត៌មានរបស់ស្ថានទូតបារាំងប្រចាំកម្ពុជា និងគណៈមេធាវីក្រុងប៉ារីសនៅថ្ងៃទី១៤កុម្ភៈបង្ហាញថា ការជ្រើសរើសកម្ពុជាជាកន្លែងធ្វើកិច្ចប្រជុំអន្តរជាតិនៃគណៈមេធាវីទីក្រុងប៉ារីសគឺដោយសារកម្ពុជាមានកំណើនសេដ្ឋកិច្ចខ្ពស់ មានទីតាំងនៅចំបេះដូងសមាគមអាស៊ាន និងសំបូរអ្នកច្បាប់ជាច្រើនចេះភាសាបារាំង។
សូមបញ្ជាក់ថា គណៈមេធាវីកម្ពុជានិងគណៈមេធាវីក្រុងប៉ារីស មានទំនាក់ទំនងជាធម្មតាជាយូរមកហើយតាមរយៈការបញ្ជូនមេធាវីកម្ពុជាទៅធ្វើកម្មសិក្សានៅប្រទេសបារាំងជាបន្តបន្ទាប់កន្លងមក៕
No comments:
Post a Comment