សន្និសីទ របស់ សមាគមអាដហុក
RFI/ម៉េងហួរ
អាដហុក ជំរុញ រដ្ឋាភិបាល និងមន្ត្រី ស្ថានទូតខ្មែរ បង្កើន ការយកចិត្តទុកដាក់ លើពលរដ្ឋខ្មែរ ធ្វើការក្រៅប្រទេស
សមាគម ការពារ សិទ្ធិមនុស្ស និងអភិវឌ្ឍន៍ នៅកម្ពុជា ហៅកាត់ថា អាដហុក(ADHOC) បានជំរុញ ឲ្យ រដ្ឋាភិបាលកម្ពុជា និងមន្ត្រីស្ថានទូតខ្មែរ បង្កើនការចាប់អារម្មណ៍ និងយកចិត្តទុកដាក់ ចំពោះពលរដ្ឋខ្មែរ ដែលទៅបម្រើការងារ នៅក្រៅប្រទេស ហើយទទួលរង ការរំលោភបំពាន។ ការរំលោភសិទ្ធិ និងកេងប្រវ័ញ្ច ជួញដូរ កម្លាំងពលករខ្មែរ នៅឆ្នាំ២០១៣ ត្រូវបាន សមាគមអាដហុក ប្រកាសថា មានជាង ២០០ករណី ក្នុងនោះ នៅប្រទេសថៃមានប្រមាណ ៧៥ ករណី។ នៅឆ្នាំ២០១៣ ក៏មានយ៉ាងហោចណាស់ ពលរដ្ឋកម្ពុជា ៣០នាក់ ត្រូវបានបាញ់សម្លាប់ នៅពេលឆ្លងដែន ទៅរកការងារធ្វើ និងចូលកាប់ឈើ នៅទឹកដីថៃ។
សមាគមអាដហុក បានជំរុញឲ្យរដ្ឋាភិបាលកម្ពុជា និងមន្ត្រីស្ថានទូតកម្ពុជាប្រចាំក្រៅប្រទេស ត្រូវបង្កើនការចាប់អារម្មណ៍ និងយកចិត្តទុកដាក់ ចំពោះពលរដ្ឋខ្មែរ ដែលទៅបំរើការងារនៅក្រៅប្រទេសបន្ថែមទៀត។ ជាការលើកឡើង បន្ទាប់ពីពលរដ្ឋខ្មែរ នៅតែមានចំនួនច្រើន រងគ្រោះ ក្នុងពេលទៅធ្វើការនៅក្រៅប្រទេស ពិសេសថ្មីៗនេះ នៅប្រទេសថៃ។
ក្នុងសន្និសីទកាសែត នៅព្រឹកថ្ងៃទី៤កុម្ភៈ សមាគមអាដហុកបានបង្ហាញមុខស្ត្រីរងគ្រោះម្នាក់ រងគ្រោះដោយសារធ្វើទារុណកម្ម និងសម្រាតសម្លៀកបំពាក់ នៅក្នុងបនល្បែង នៅទីក្រុងបាងកក ប្រទេសថៃ។ ស្ត្រីរងគ្រោះនោះ ត្រូវបានអាដហុក សហការជាមួយស្ថានទូតកម្ពុជា ប្រចាំប្រទេសថៃ ជួយរំដោះ កាលពីខែធ្នូ ឆ្នាំ២០១៣។
ទាំងមន្ត្រីអាដហុក និងទាំងស្ត្រីរងគ្រោះ បានបង្ហាញជំនឿតិចតួច និងអស់សង្ឃឹម ចំពោះអន្តរាគមន៍របស់មន្ត្រីទូតកម្ពុជា នៅបាងកក ដើម្បីស្វែងរកយុត្តិធម៌ដល់ស្ត្រីរងគ្រោះ។
ប៉ុន្តែលោក កុយ គួង អ្នកនាំពាក្យក្រសួងការបរទេស បានបញ្ជាក់ថា រាជរដ្ឋាភិបាល ក៏ដូចជាមន្ត្រីស្ថានទូត និងអគ្គកុងស៊ុលកម្ពុជានៅបរទេស មិនដែលព្រងើយកន្តើយ ទុកឲ្យពលរដ្ឋកម្ពុជារងគ្រោះបន្តទៀតទេ។
ករណីស្ត្រីកម្ពុជាម្នាក់ ដែលរងគ្រោះនៅបនល្បែង នៅបាងកក ប្រទេសថៃ ត្រូវបានលោក កុយ គួង បញ្ជាក់ថា មន្ត្រីរាជរដ្ឋាភិបាលតាមរយៈស្ថានទូតកម្ពុជានៅបាងកក បានអន្តរាគមន៍ ជួយគាត់ទាន់ពេល និងបានដាក់ពាក្យប្តឹងនៅទីនោះ ព្រមទាំងរកមេធាវីថៃពីរនាក់ ហើយឲ្យជនរងគ្រោះ ឡើងទៅជួបមេធាវី ដើម្បីចាត់ការរកយុត្តិធម៌ និងទារសំណងដល់ស្ត្រីរងគ្រោះ។
នៅឆ្នាំ២០១៣ អាដហុកបានកត់ត្រាថា យ៉ាងហោចណាស់មានប្រជាពលរដ្ឋកម្ពុជា៣០នាក់ បានស្លាប់ ដោយសារតែទាហានថៃបាញ់ នៅពេលឆ្លងដែនខុសច្បាប់ ទៅរកការងារធ្វើ និងឆ្លងដែន ចូលទៅកាប់ឈើ ក្នុងប្រទេសថៃ។ អាដហុកក៏បានទទួលបណ្តឹង នៅឆ្នាំ២០១៣ លើករណីរំលោភសិទ្ធិ និងការកេងប្រវ័ញ្ចជួញដូរកម្លាំងពលកម្មលើពលករខ្មែរ ទៅធ្វើការនៅក្រៅប្រទេស ជាង២០០ករណី ស្មើនឹងចំណួនមនុស្ស ៥៦០នាក់។ ក្នុងនោះ ករណីរំលោភសិទ្ធិពលករខ្មែរ នៅប្រទេសថៃ យ៉ាងហោចណាស់ មាន ៧៥ ករណី ដែលមានជនរងគ្រោះជាង ២០០ នាក់៕
ក្នុងសន្និសីទកាសែត នៅព្រឹកថ្ងៃទី៤កុម្ភៈ សមាគមអាដហុកបានបង្ហាញមុខស្ត្រីរងគ្រោះម្នាក់ រងគ្រោះដោយសារធ្វើទារុណកម្ម និងសម្រាតសម្លៀកបំពាក់ នៅក្នុងបនល្បែង នៅទីក្រុងបាងកក ប្រទេសថៃ។ ស្ត្រីរងគ្រោះនោះ ត្រូវបានអាដហុក សហការជាមួយស្ថានទូតកម្ពុជា ប្រចាំប្រទេសថៃ ជួយរំដោះ កាលពីខែធ្នូ ឆ្នាំ២០១៣។
ទាំងមន្ត្រីអាដហុក និងទាំងស្ត្រីរងគ្រោះ បានបង្ហាញជំនឿតិចតួច និងអស់សង្ឃឹម ចំពោះអន្តរាគមន៍របស់មន្ត្រីទូតកម្ពុជា នៅបាងកក ដើម្បីស្វែងរកយុត្តិធម៌ដល់ស្ត្រីរងគ្រោះ។
ប៉ុន្តែលោក កុយ គួង អ្នកនាំពាក្យក្រសួងការបរទេស បានបញ្ជាក់ថា រាជរដ្ឋាភិបាល ក៏ដូចជាមន្ត្រីស្ថានទូត និងអគ្គកុងស៊ុលកម្ពុជានៅបរទេស មិនដែលព្រងើយកន្តើយ ទុកឲ្យពលរដ្ឋកម្ពុជារងគ្រោះបន្តទៀតទេ។
ករណីស្ត្រីកម្ពុជាម្នាក់ ដែលរងគ្រោះនៅបនល្បែង នៅបាងកក ប្រទេសថៃ ត្រូវបានលោក កុយ គួង បញ្ជាក់ថា មន្ត្រីរាជរដ្ឋាភិបាលតាមរយៈស្ថានទូតកម្ពុជានៅបាងកក បានអន្តរាគមន៍ ជួយគាត់ទាន់ពេល និងបានដាក់ពាក្យប្តឹងនៅទីនោះ ព្រមទាំងរកមេធាវីថៃពីរនាក់ ហើយឲ្យជនរងគ្រោះ ឡើងទៅជួបមេធាវី ដើម្បីចាត់ការរកយុត្តិធម៌ និងទារសំណងដល់ស្ត្រីរងគ្រោះ។
នៅឆ្នាំ២០១៣ អាដហុកបានកត់ត្រាថា យ៉ាងហោចណាស់មានប្រជាពលរដ្ឋកម្ពុជា៣០នាក់ បានស្លាប់ ដោយសារតែទាហានថៃបាញ់ នៅពេលឆ្លងដែនខុសច្បាប់ ទៅរកការងារធ្វើ និងឆ្លងដែន ចូលទៅកាប់ឈើ ក្នុងប្រទេសថៃ។ អាដហុកក៏បានទទួលបណ្តឹង នៅឆ្នាំ២០១៣ លើករណីរំលោភសិទ្ធិ និងការកេងប្រវ័ញ្ចជួញដូរកម្លាំងពលកម្មលើពលករខ្មែរ ទៅធ្វើការនៅក្រៅប្រទេស ជាង២០០ករណី ស្មើនឹងចំណួនមនុស្ស ៥៦០នាក់។ ក្នុងនោះ ករណីរំលោភសិទ្ធិពលករខ្មែរ នៅប្រទេសថៃ យ៉ាងហោចណាស់ មាន ៧៥ ករណី ដែលមានជនរងគ្រោះជាង ២០០ នាក់៕
No comments:
Post a Comment