សាលារាជធានី ភ្នំពេញ ចាប់ផ្តើម រឹតបន្តឹង ការចតរថយន្ត តាមដងផ្លូវ
ដោយ៖ ស៊ុន ណារិន / វីអូឌី | ថ្ងៃពុធ ទី5 ខែកុម្ភៈ ឆ្នាំ2014,
អភិបាលរាជធានីភ្នំពេញ លោក ប៉ា សុជាតិវង្ស នៅថ្ងៃពុធនេះ ឲ្យដឹងថា សាលារាជធានីភ្នំពេញ នឹងចាប់ផ្តើមរឹតបន្តឹងការចតរថយន្តតាមដងផ្លូវ ចាប់ពីពេលនេះតទៅ ដើម្បីសម្រួលដល់ដំណើរការសេវាដឹកជញ្ជូនសាធារណៈ។
ក្នុងពិធីដាក់សម្ពោធឲ្យប្រើប្រាស់រថយន្តក្រុង លោក ប៉ា សុជាតិវង្ស មានប្រសាសន៍ថា អាជ្ញាធរនៅតាមខណ្ឌនិមួយៗ និងកម្លាំងសមត្ថកិច្ច ត្រូវតែគ្រប់គ្រងឲ្យបានល្អនៅគ្រប់កន្លែងឈប់សម្រាប់រថយន្តក្រុង ដាក់អ្នកធ្វើដំណើរ និងកុំឲ្យមានការរំខានដល់ចរាចរណ៍ ដោយសារការចតតាមចិញ្ចើមផ្លូវ។ លោកបន្តថា ការដាក់សេវាដឹកជញ្ជូនជាសាធារណៈនេះ គឺដើម្បីរក្សាសណ្តាប់ធ្នាប់ និងបញ្ចៀសគ្រោះថ្នាក់ចរាចរណ៍។
លោក ប៉ា សុជាតិវង្ស ស្នើឲ្យពលរដ្ឋ ប្តូរមកជិះរថយន្តក្រុង ដោយសារការចំណាយ មានតម្លៃទាបជាងការប្រើប្រាស់រថយន្តផ្ទាល់ខ្លួន។ លោកបន្តថា ការដាក់សាកល្បងរថយន្តក្រុងនេះ ជាការសាកល្បងហើយរដ្ឋជាអ្នកចេញថ្លៃខាតបង់។ លោក ជំរុញឲ្យក្រុមហ៊ុនវិនិយោគ នាំរថយន្តក្រុងចូលមកបន្តទៀត ដើម្បីបន្តការងារឲ្យបានជាប់លាប់ ពេលគម្រោងសាកល្បងក្នុងរយៈពេលមួយខែបានបញ្ចប់។
សេវារថយន្តក្រុងសាធារណៈ និងព័ត៌មានលម្អិត
ខិតប័ណ្ណផ្សព្វផ្សាយ ក្រោមកិច្ចសហការរវាងសាលារាជធានីភ្នំពេញ និងទីភ្នាក់ងារសហប្រតិបត្តិការអន្តរជាតិជប៉ុន(JICA) ឲ្យដឹងថា រថយន្តក្រុងសាធារណៈចំនួន ១០គ្រឿង នឹងដំណើរសាកល្បងរយៈពេល១ខែ លើកំណាត់ផ្លូវមួយខ្សែប្រវែងប្រហែល ៧,៥គីឡូម៉ែត្រ ចាប់តាំងពីរង្វង់មូលស្តាតចាស់ លើបណ្តោយមហាវិថី ព្រះមុនីវង្ស រហូតដល់ផ្សារច្បារអំពៅ និងត្រឡប់វិញ តាមទិសដៅដដែល។
Ø តំលៃ ១៥០០រៀល សម្រាប់ម្នាក់ ក្នុង១ជើង។Ø រថយន្តក្រុងសាធារណៈ ១គ្រឿង អាចផ្ទុកអ្នកដំណើរបាន ចន្លោះពី៥០នាក់ ទៅ៦០នាក់ សម្រាប់ការអង្គុយ និងឈរ។
Ø សេវាដឹកអ្នកដំណើរ នឹងចាប់ផ្តើមពីម៉ោង៥និង៣០នាទីព្រឹក ដល់ម៉ោង៨និង៣០នាទីយប់។
o ម៉ោង ០៥:៣០-០៦:០០ ត្រូវរង់ចាំប្រហែល ១៥នាទី
o ម៉ោង ០៦:០០-០៩:០០ ត្រូវរង់ចាំប្រហែល ១០នាទី
o ម៉ោង ០៩:០០-១៦:៣០ ត្រូវរង់ចាំប្រហែល ១៥នាទី
o ម៉ោង ១៦:៣០-១៩:៣០ ត្រូវរង់ចាំប្រហែល ១០នាទី
o ម៉ោង ១៩:៣០-២០:៣០ ត្រូវរង់ចាំប្រហែល ១៥នាទី
Ø សេវាដឹកអ្នកដំណើរ នឹងចាប់ផ្តើមពីម៉ោង៥និង៣០នាទីព្រឹក ដល់ម៉ោង៨និង៣០នាទីយប់។
o ម៉ោង ០៥:៣០-០៦:០០ ត្រូវរង់ចាំប្រហែល ១៥នាទី
o ម៉ោង ០៦:០០-០៩:០០ ត្រូវរង់ចាំប្រហែល ១០នាទី
o ម៉ោង ០៩:០០-១៦:៣០ ត្រូវរង់ចាំប្រហែល ១៥នាទី
o ម៉ោង ១៦:៣០-១៩:៣០ ត្រូវរង់ចាំប្រហែល ១០នាទី
o ម៉ោង ១៩:៣០-២០:៣០ ត្រូវរង់ចាំប្រហែល ១៥នាទី
No comments:
Post a Comment