ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ប្រទានព្រះរាជអំណោយដល់ពលរដ្ឋរងគ្រោះដោយសារទឹកជំនន់ នៅឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង នៅថ្ងៃទី១៣ ខែតុលា ឆ្នាំ២០១៣។
RFA/Chin Chetha
ព្រះមហាក្សត្រ និងសម្ដេចម៉ែ យាងទៅចិន នៅថ្ងៃ ទី១៩ កុម្ភៈ
ដោយ ដែន អយុធ្យា / អាស៊ីសេរី | ១៧ កុម្ភៈ ២០១៤
ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចម៉ែ នឹងយាងទៅកាន់ទីក្រុងប៉េកាំង ប្រទេសចិន នៅថ្ងៃទី១៩ ខែកុម្ភៈ ដើម្បីពិនិត្យព្រះរាជសុខភាព។
ប្រធានខុទ្ទកាល័យព្រះបរមរាជវាំង លោក អ៊ុំ តារាវុធ បានឲ្យដឹងតាមទូរស័ព្ទនៅព្រឹកថ្ងៃច័ន្ទ ទី១៧ ខែកុម្ភៈ ថា ការយាងរបស់ព្រះមហាក្សត្រនិងសម្ដេចម៉ែ នរោត្តម មុនីនាថ សីហនុ ទៅកាន់ប្រទេសចិន គឺតាមវេជ្ជបញ្ជារបស់គ្រូពេទ្យចិន។
លោក អ៊ុំ តារាវុធ បន្ថែមថា តាមកម្មវិធី ការយាងរបស់ព្រះមហាក្សត្រ និងសម្តេចម៉ែ ទៅកាន់ប្រទេសចិន ដើម្បីឲ្យគ្រូពេទ្យចិន ពិនិត្យព្រះរាជសុខភាព ត្រូវធ្វើឡើងជារៀងរាល់ ៦ខែម្តង ជារៀងរាល់ឆ្នាំ ទៅតាមវេជ្ជបញ្ជារបស់ក្រុមគ្រូពេទ្យប្រទេសចិន៕
No comments:
Post a Comment