១៦-មករា-១០១៤៖ ពលរដ្ឋចូលរួមក្នុងពិធីបុណ្យឧទិសកុសលដល់អ្នកស្លាប់ ៤នាក់ ដោយសារការបង្ក្រាបរបស់កម្លាំងអាជ្ញាធរនៅផ្លូវវ៉េងស្រេង។
(RFA / Sek Bandith)
មេធាវី របស់ បក្សប្រឆាំង ត្រូវការ ភស្តុតាងបន្ថែម ពីការបាញ់សម្លាប់ កម្មករ ដើម្បីប្ដឹង ទៅICC
មេធាវី គណបក្ស សង្គ្រោះជាតិ លោក រីឆាដ រ៉ចជើរ (Richard Rogers) បានដាក់ លិខិតពីរ ដាច់ដោយឡែកពីគ្នា ទៅ លោក សៅ សុខា មេបញ្ជាការ កងរាជអាវុធហត្ថ លើផ្ទៃប្រទេស និងលោក រ័ត្ន ស្រ៊ាង មេបញ្ជាការ កងរាជអាវុធហត្ថ រាជធានីភ្នំពេញ សុំឯកសារ ភស្តុតាង មួយចំនួន ពាក់ព័ន្ធ នឹងការបង្ក្រាប ដោយហិង្សា បណ្ដាលឲ្យកម្មករ ស្លាប់ ៥នាក់ និងរងរបួស មួយចំនួនទៀត។
ដោយ យន់ សាមៀន / អាស៊ីសេរី | ០៦ កុម្ភៈ ២០១៤
លិខិត លោក រីឆាដ រ៉ចជើរ ផ្ញើទៅកាន់ លោក សៅ សុខា និងលោក រ័ត្ន ស្រ៊ាង បញ្ជាក់ថា គោលបំណងនៃការស្នើសុំឯកសារភស្តុតាងទាំងឡាយនេះ ដើម្បីស្វែងរកយុត្តិធម៌ឲ្យជនរងគ្រោះ ដើម្បីប្ដឹងបន្តទៅតុលាការឧក្រិដ្ឋកម្មអន្តរជាតិ (ICC)។ លិខិត លោក រីឆាដ រ៉ចជើរ បន្តថា ដើម្បីជាជំនួយការស៊ើបអង្កេតរបស់លោក ដើម្បីដាក់ពាក្យបណ្ដឹងទៅតុលាការអន្តរជាតិ លោកស្នើឲ្យ លោក សៅ សុខា បង្ហាញជាសាធារណៈពីបទបញ្ជា កាលពីថ្ងៃទី៣ ខែមករា ឆ្នាំ២០១៤ ទៅកាន់ លោក រ័ត្ន ស្រ៊ាង ចំពោះព្រឹត្តិការណ៍ប្រើប្រាស់អាវុធគ្រាប់ពិតបាញ់ទៅលើក្រុមកម្មករ។ លោកក៏ចង់ដឹងដែរថា តើកងកម្លាំងប្រដាប់មានបំណងចង់ការពារមិនឲ្យមានកម្មករបាត់បង់ជីវិតក្នុងព្រឹត្តិការណ៍បង្ក្រាបនោះទេ ហើយថា តើមានការដាក់ពិន័យដល់មន្ត្រីណាដែលបានបាញ់សម្លាប់កម្មករដែរទេ?
លិខិតចុះកាលពីថ្ងៃទី៣០ ខែមករា ព្រមានថា ប្រសិនបើរយៈពេល ១៤ថ្ងៃ ចាប់ពីថ្ងៃចុះហត្ថលេខានេះ ក្រុមមេធាវីមិនទទួលបានការឆ្លើយតបណាមួយទេ ក្រុមមេធាវីនឹងសន្មតថា កងរាជអាវុធហត្ថមិនសហការនឹងការស៊ើបអង្កេតនេះ។
នៅមិនទាន់មានការឆ្លើយតបពី លោក សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងលោក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ ចំពោះលិខិតស្នើសុំរបស់មេធាវីគណបក្សសង្គ្រោះជាតិ នោះនៅឡើយទេ៕
MR ROGER You ask criminal like fuckhead sao sokha to give you evident YOU better ask DOG cause they might understand better than this cunt.
ReplyDelete