ផ្ទះប្រជាពលរដ្ឋត្រូវបានដុតបំផ្លាញ កាលពីដើមខែកុម្ភៈ នៅភូមិតានូន ឃុំតានូន ស្រុកបុទុមសាគរ ខេត្តកោះកុង
Kongchit In
ក្រុមហ៊ុន ចិន Union Development Group បន្តឈូសឆាយដីប្រជាពលរដ្ឋ ដែលមិនទាន់ បានទទួលដំណោះស្រាយ នៅខេត្តកោះកុង
ចាប់តាំងពីថ្ងៃសៅរ៍ ចុងសប្ដាហ៍មុន រហូតមកទល់ថ្ងៃចន្ទនេះ ក្រុមហ៊ុនចិន Union Development Group បានបញ្ជូនគ្រឿងចក្រ ទៅឈូសឆាយ ដីស្រែ របស់ ប្រជាពលរដ្ឋ ចំនួន១៨ គ្រួសារ ដែលមិនទាន់ ទទួលបានដំណោះស្រាយ នៅភូមិតានូន ឃុំតានូន ស្រុកបុទុមសាគរ ខេត្តកោះកុង។ ប្រជាពលរដ្ឋ ម្ចាស់ដី បានសម្ដែង ក្ដីអស់សង្ឃឹម ខណៈក្រុមហ៊ុនចិន បន្តការឈូសឆាយដីរបស់ពួកគាត់ និងខណៈ ដែលរដ្ឋាភិបាល ព្រមទាំង អាជ្ញាធរមូលដ្ឋាន ទម្លាក់ ការទទួលខុសត្រូវ ឲ្យគ្នាទៅវិញ ទៅមក។
ទំនាស់ដីធ្លីនៅតែបន្ត រវាងក្រុមហ៊ុនចិន Union Development Group និងប្រជាពលរដ្ឋនៅភូមិតានូន ឃុំតានូន ស្រុកបុទុមសាគរ ខេត្តកោះកុង។ ក្រោយពីស្ងប់ស្ងាត់អស់មួយរយៈ ក្រុមហ៊ុនចិន Union Development Group កាលពីថ្ងៃសៅរ៍ទី៨មីនា បានចាប់ផ្ដើមសកម្មភាពរបស់ខ្លួនឡើងវិញ ដោយបានបញ្ជូនត្រាក់ទ័រចំនួន៤គ្រឿង ឲ្យទៅឈូសឆាយដីស្រែរបស់ប្រជាពលរដ្ឋ នៅត្រង់ចំណុចព្រែកស្វាយ ភូមិតានូន ឃុំតានូន ស្រុកបុទុមសាគរ ខេត្តកោះកុង។ នេះបើតាមមន្ដ្រីសម្របសម្រួលអង្គការការពារសិទ្ធិមនុស្សលីកាដូ ប្រចាំខេត្តកោះកុង លោកអ៊ិន គង់ជិត។
លោកអ៊ិន គង់ជិត បានឲ្យដឹងថា ការឈូសឆាយនេះ ប៉ះពាល់ដល់ដីស្រែរបស់ប្រជាពលរដ្ឋ១៨គ្រួសារ ដែលមិនទាន់ទទួលបានសំណង។ កាលពីថ្ងៃសៅរ៍នោះ ប្រជាពលរដ្ឋ បានចេញមុខតវ៉ា ហើយត្រាក់ទ័ររបស់ក្រុមហ៊ុនចិន ក៏បានដកថយទៅវិញ។ ប៉ុន្តែនៅថ្ងៃអាទិត្យ រហូតមកដល់ថ្ងៃចន្ទនេះ ក្រុមហ៊ុនចិន បានបញ្ជូនត្រាក់ទ័រមកឈូសឆាយជាថ្មីទៀត ដោយលើកនេះ មានទាំងកម្លាំងប្រដាប់អាវុធការពារផង។
មន្ដ្រីសិទ្ធិមនុស្សដដែល បានបញ្ជាក់ប្រាប់វិទ្យុបារាំងថា ការឈូសឆាយនេះ ជាការបំពាន សជណ របស់ឧបនាយករដ្ឋមន្ត្រី លេខ៣១៥ ចុះថ្ងៃទី១៩ ខែកុម្ភៈ ដែលតម្រូវឲ្យក្រុមហ៊ុនចិនផ្អាកការឈូសឆាយបណ្តោះអាសន្ន រង់ចាំការដោះស្រាយ។ ប្រជាពលរដ្ឋរងគ្រោះ នៅពេលនេះ ចាប់ផ្ដើមអស់សង្ឃឹម បន្ទាប់ពីបានឃើញថាសកម្មភាពឈូសឆាយដីស្រែ ពីសំណាក់ក្រុមហ៊ុនចិន នៅតែបន្ត។ ហើយរដ្ឋាភិបាល និងអាជ្ញាធរមូលដ្ឋាន ហាក់គ្មានឆន្ទៈក្នុងការដោះស្រាយបញ្ហានេះជូនពួកគាត់ទេ ដោយព្យាយាមទម្លាក់ការទទួលខុសត្រូវឲ្យគ្នាទៅវិញទៅមក។
គួររំលឹកជូនថា កាលពីដើមខែកុម្ភៈកន្លងទៅ សន្តិសុខរបស់ក្រុមហ៊ុនចិន Union Development Group នេះ បានដុតបំផ្លាញផ្ទះរបស់ប្រជាពលរដ្ឋអស់ចំនួន៤៥ខ្នង ដែលស្ថិតក្នុងឃុំតានូន និងឃុំកោះស្តេច ស្រុកបុទុមសាគរ ខេត្តកោះកុង។ ក្រោយពីនោះ មន្ដ្រីជាន់ខ្ពស់គណបក្សសង្គ្រោះជាតិ បានចុះទៅដល់កន្លែងកើតហេតុ និងបានអំពាវនាវឲ្យប្រជាពលរដ្ឋរងគ្រោះ ដាក់ពាក្យបណ្ដឹងមកគណបក្សសង្គ្រោះជាតិ។
រដ្ឋមន្ដ្រីក្រសួងបរិស្ថាន លោកសាយ សំអាល់ កាលពីចុងខែកុម្ភៈ ក៏បានអញ្ជើញទៅដល់ទីស្នាក់ការរបស់ក្រុមហ៊ុនចិន Union Development Group នោះដែរ ដើម្បីផ្សព្វផ្សាយពី សជណ របស់ឧបនាយករដ្ឋមន្ត្រី លេខ៣១៥។ ប៉ុន្តែបើតាមលោកអ៊ិន គង់ជិត មន្ដ្រីសិទ្ធិមនុស្សអង្គការលីកាដូ ប្រចាំខេត្តកោះកុង រហូតមកទល់ពេលនេះ ក្រុមហ៊ុនចិននៅតែបន្តសកម្មភាពឈូសឆាយយ៉ាងគឃ្លើន ដោយមិនខ្វល់ពី សជណ របស់ឧបនាយករដ្ឋមន្ដ្រី ហើយក៏មិនរវីរវល់ដោះស្រាយ ផ្ដល់សំណងជូនប្រជាពលរដ្ឋដែរ៕
មន្ដ្រីសិទ្ធិមនុស្សដដែល បានបញ្ជាក់ប្រាប់វិទ្យុបារាំងថា ការឈូសឆាយនេះ ជាការបំពាន សជណ របស់ឧបនាយករដ្ឋមន្ត្រី លេខ៣១៥ ចុះថ្ងៃទី១៩ ខែកុម្ភៈ ដែលតម្រូវឲ្យក្រុមហ៊ុនចិនផ្អាកការឈូសឆាយបណ្តោះអាសន្ន រង់ចាំការដោះស្រាយ។ ប្រជាពលរដ្ឋរងគ្រោះ នៅពេលនេះ ចាប់ផ្ដើមអស់សង្ឃឹម បន្ទាប់ពីបានឃើញថាសកម្មភាពឈូសឆាយដីស្រែ ពីសំណាក់ក្រុមហ៊ុនចិន នៅតែបន្ត។ ហើយរដ្ឋាភិបាល និងអាជ្ញាធរមូលដ្ឋាន ហាក់គ្មានឆន្ទៈក្នុងការដោះស្រាយបញ្ហានេះជូនពួកគាត់ទេ ដោយព្យាយាមទម្លាក់ការទទួលខុសត្រូវឲ្យគ្នាទៅវិញទៅមក។
គួររំលឹកជូនថា កាលពីដើមខែកុម្ភៈកន្លងទៅ សន្តិសុខរបស់ក្រុមហ៊ុនចិន Union Development Group នេះ បានដុតបំផ្លាញផ្ទះរបស់ប្រជាពលរដ្ឋអស់ចំនួន៤៥ខ្នង ដែលស្ថិតក្នុងឃុំតានូន និងឃុំកោះស្តេច ស្រុកបុទុមសាគរ ខេត្តកោះកុង។ ក្រោយពីនោះ មន្ដ្រីជាន់ខ្ពស់គណបក្សសង្គ្រោះជាតិ បានចុះទៅដល់កន្លែងកើតហេតុ និងបានអំពាវនាវឲ្យប្រជាពលរដ្ឋរងគ្រោះ ដាក់ពាក្យបណ្ដឹងមកគណបក្សសង្គ្រោះជាតិ។
រដ្ឋមន្ដ្រីក្រសួងបរិស្ថាន លោកសាយ សំអាល់ កាលពីចុងខែកុម្ភៈ ក៏បានអញ្ជើញទៅដល់ទីស្នាក់ការរបស់ក្រុមហ៊ុនចិន Union Development Group នោះដែរ ដើម្បីផ្សព្វផ្សាយពី សជណ របស់ឧបនាយករដ្ឋមន្ត្រី លេខ៣១៥។ ប៉ុន្តែបើតាមលោកអ៊ិន គង់ជិត មន្ដ្រីសិទ្ធិមនុស្សអង្គការលីកាដូ ប្រចាំខេត្តកោះកុង រហូតមកទល់ពេលនេះ ក្រុមហ៊ុនចិននៅតែបន្តសកម្មភាពឈូសឆាយយ៉ាងគឃ្លើន ដោយមិនខ្វល់ពី សជណ របស់ឧបនាយករដ្ឋមន្ដ្រី ហើយក៏មិនរវីរវល់ដោះស្រាយ ផ្ដល់សំណងជូនប្រជាពលរដ្ឋដែរ៕
No comments:
Post a Comment