ក្រុមការងារ ទាំងបី សម្រាប់ កែទម្រង់ រដ្ឋធម្មនុញ្ញ, បទបញ្ជាផ្ទៃក្នុង, និងច្បាប់ បោះឆ្នោត នឹងចាប់ផ្តើម ជួបគ្នា ថ្ងៃចន្ទ
RFI | ២៦ កក្កដា ២០១៤
ការជួបចរចាគ្នា រវាង គណបក្ស ប្រជាជន និង គណបក្ស សង្រ្គោះជាតិ កាលពីថ្ងៃ ទី១២ មិថុនា ឆ្នាំ២០១៤។ RFI/ Siv Channa
មកដល់ ថ្ងៃសៅរ៍នេះ
ក្រុមការងារ ទាំងបី របស់ គណបក្សប្រជាជនកម្ពុជា
និងសង្គ្រោះជាតិ សម្រាប់ កែទម្រង់ រដ្ឋធម្មនុញ្ញ,
បទបញ្ជាផ្ទៃក្នុង និងកែច្បាប់ បោះឆ្នោត,
ត្រូវ បានបង្កើតឡើង រួចរាល់ហើយ។ ក្រុមការងារ ចម្រុះ
ដែលមាន សមាសភាព ម្ខាង ៦រូប នឹងចាប់ផ្តើម ជួបគ្នា
ចាប់ពីថ្ងៃចន្ទ, គឺ បន្ទាប់ ពីរដ្ឋសភា
ប្រជុំ ប្រកាស សុពលភាព តំណាងរាស្ត្រ លោក សម រង្ស៊ី។
នេះ បើ តាមការបញ្ជាក់ របស់លោក ឈាងវុន អ្នកនាំពាក្យ រដ្ឋសភា
និងជាប្រធាន ក្រុមការងារ ធ្វើវិសោធនកម្ម បទបញ្ជាផ្ទៃក្នុងរ
ដ្ឋសភា ខាងគណបក្ស ប្រជាជនកម្ពុជា។
បង្កើតរួចហើយ ក្រុមការងារ របស់ គណបក្ស ប្រជាជនកម្ពុជា និងគណបក្ស សង្គ្រោះជាតិ សម្រាប់ កែទម្រង់ រដ្ឋធម្មនុញ្ញ, បទបញ្ជាផ្ទៃក្នុង, និងកែច្បាប់ បោះឆ្នោត។ ក្រុមការងារ ទាំង៣ ដែលម្ខាងៗ មានសមាសភាព ៦រូប, រួមមាន៖ ១. ក្រុមការងារ ចម្រុះ វិសោធនកម្ម រដ្ឋធម្មនុញ្ញ, ដឹកនាំ ដោយលោក ប៊ិនឈិន និងលោក អេង ឆៃអ៊ាង; 2. ក្រុមការងារ ចម្រុះ វិសោធនកម្ម បទបញ្ជាផ្ទៃក្នុង រដ្ឋសភា, ដឹកនាំ ដោយលោក ឈាង វុន និងលោក យ៉ែម បុញ្ញឬទ្ធិ; និងក្រុមការងារ ចម្រុះទី៣ សម្រាប់ វិសោធនកម្ម ច្បាប់បោះឆ្នោត, ដឹកនាំ ដោយលោក ព្រុំ សុខា និងលោក គួយ ប៊ុនរឿន។
អ្នកនាំពាក្យ រដ្ឋសភា និងជាប្រធាន ក្រុមការងារ ធ្វើវិសោធនកម្ម បទបញ្ជាផ្ទៃក្នុងរ ដ្ឋសភា ខាងគណបក្ស ប្រជាជនកម្ពុជា លោក ឈាង វុន បានបញ្ជាក់ ថា, ក្រុមការងារ វិសោធនកម្ម បទបញ្ជាផ្ទៃក្នុង រដ្ឋសភា ដែលមាន ៦រូប ដឹកនាំ ដោយរូបលោក អាច នឹងចាប់ដៃ ធ្វើការ ជាមួយ ក្រុមការងារ គណបក្ស សង្គ្រោះជាតិ ដឹកនាំ ដោយលោក យ៉ែម បុញ្ញឫទ្ធិ ចាប់ពីថ្ងៃចន្ទ ខានស្អែកនេះ, ពោលគឺ នៅពេល រដ្ឋសភា បើកកិច្ចប្រជុំ វិសាមញ្ញ ដើម្បី ប្រកាសសុពលភាព តំណាងរាស្ត្រ ជូនលោក សម រង្ស៊ី។
ក្រុមការងារ ចម្រុះ វិសោធនកម្ម បទបញ្ជាផ្ទៃក្នុង រដ្ឋសភា មានភារកិច្ច ពិនិត្យ និងសិក្សា លើការស្នើសុំ ធ្វើវិសោធនកម្ម ប្រការ ៦ថ្មី នៃបទបញ្ជាផ្ទៃក្នុង នៃរដ្ឋសភា។ នោះ គឺ ការកែសម្រួល គណៈកម្មការ ទី៤ មកជា គណៈកម្មការ មហាផ្ទៃ, ការពារជាតិ, និងមុខងារ សាធារណៈ, ហើយ បង្កើតគណៈកម្មការ ទី១០ មានឈ្មោះ ថា, គណៈកម្មការ អង្កេត, បោសសំអាត, និងប្រឆាំង អំពើពុករលួយ។
ការងារកែសម្រួលគណៈកម្មការជំនាញរបស់រដ្ឋសភានេះ ត្រូវបានលោក ឈាង វុន អះអាងថា ក្រុមការងារចម្រុះគណបក្សទាំងពីរ នឹងធ្វើការសម្រេចជាមួយគ្នា មិនដល់ ២ ម៉ោងនោះទេ។
តាមលោក ឈាង វុន បេក្ខជនជាប់ឆ្នោតតំណាងរាស្ត្រគណបក្សសង្គ្រោះជាតិទាំង ៥៥ រូប គួរតែចូលរួមប្រជុំរដ្ឋសភា នាថ្ងៃទី២៨កក្កដា ខណៈដែលរដ្ឋសភា ប្រកាសសុពលភាពនៃអាណត្តិតំណាងរាស្ត្ររបស់លោកសមរង្ស៊ី។
ប៉ុន្តែលោកយឹមសុវណ្ណ អ្នកនាំពាក្យគណបក្សសង្គ្រោះជាតិ បានបញ្ជាក់ថា បេក្ខជនជាប់ឆ្នោតទាំង ៥៥ រូប នឹងមិនទៅចូលរួមកិច្ចប្រជុំរដ្ឋសភា នាព្រឹកថ្ងៃ២៨កក្កដាទេ។ មូលហេតុ មកពីបេក្ខជនទាំងនោះ មិនទាន់ស្បថ ហើយការងារកែទម្រង់ទាំងបី មិនទាន់បំពេញរួចរាល់នៅឡើយ។ មួយវិញទៀត គណបក្សសង្គ្រោះជាតិក៏កំពុងមមាញឹក នឹងការរៀបចំសន្និបាតក្រុមប្រឹក្សាជាតិ នៅព្រឹកថ្ងៃអាទិត្យ ទី២៧កក្កដា នៅសួនច្បារ មុខវត្តបទុមវត្តី ដើម្បីលើកឡើងពីសកម្មភាពការងារ ចាប់ពីថ្ងៃបង្កើតគណបក្ស និងប្រកាសពីគោលជំហររបស់គណបក្ស ទៅថ្ងៃខាងមុខ។ គណបក្សសង្គ្រោះជាតិ ពេលនេះ កំពុងទទួលរងនូវការរិះគន់ជាច្រើន ដោយសារចុះកិច្ចព្រមព្រៀងបញ្ចប់ជម្លោះនយោបាយ ជាមួយគណបក្សប្រជាជនកម្ពុជា ថ្ងៃ២២កក្កដា៕
No comments:
Post a Comment