 |
| អនុប្រធានគណៈកម្មាធិការជាតិរៀបចំការបោះឆ្នោត (គ.ជ.ប) លោក គួយ ប៊ុនរឿន ថ្លែងក្នុងសន្និសីទកាសែត នៅថ្ងៃទី២៦ ខែសីហា ឆ្នាំ២០១៦ នាការិយាល័យ គ.ជ.ប រាជធានីភ្នំពេញ។ RFA/Brach Chev |
គ.ជ.ប.៖ លោក សម រង្ស៊ី មានសិទ្ធិ ចុះឈ្មោះ បោះឆ្នោត
RFA / វិទ្យុ អាស៊ី សេរី | ២៦ សីហា ២០១៦
អនុប្រធាន គណៈកម្មាធិការ ជាតិ រៀបចំ ការបោះឆ្នោត (គ.ជ.ប.) ថ្លែងថា, លោក សម រង្ស៊ី មានសិទ្ធិ មកចុះឈ្មោះ បោះឆ្នោតបាន បើ ទោះបីជា សព្វថ្ងៃនេះ លោក ត្រូវ បានតុលាការ ចោទប្រកាន់ ថា ជាទណ្ឌិត មានទោសក្ដី។ ចំណែក សង្គមស៊ីវិល ដែលធ្វើការងារ ទាក់ទង ការបោះឆ្នោត ថា, ករណីនេះ អាចធ្វើទៅបាន ប្រសិនបើ ពេលលោក សម រង្ស៊ី មកចុះឈ្មោះ បោះឆ្នោត មិនត្រូវ បានសមត្ថកិច្ច ចាប់ខ្លួន និងតុលាការ ចេញដីកា ចាប់ខ្លួន។
អនុប្រធាន គ.ជ.ប. លោក គួយ ប៊ុនរឿន ឲ្យដឹងថា តាមគោលការណ៍ច្បាប់ លោក សម រង្ស៊ី ប្រធានគណបក្សសង្រ្គោះជាតិ អាចមានសិទ្ធិចុះឈ្មោះបោះឆ្នោត ប៉ុន្តែពលរដ្ឋទូទៅមានសិទ្ធិប្ដឹងជំទាស់ការចុះឈ្មោះរបស់លោក សម រង្ស៊ី បាន បើសិនជាជាពិនិត្យឃើញថា លោក សម រង្ស៊ី មិនបានបំពេញលក្ខខណ្ឌច្បាប់ណាមួយ។
ការថ្លែងរបស់លោក គួយ ប៊ុនរឿន បែបនេះ ធ្វើឡើងនៅក្នុងសន្និសីទកាសែតមួយនៅការិយាល័យ គ.ជ.ប នៅថ្ងៃទី២៦ ខែសីហា ដែលមានតំណាងគណបក្សនយោបាយ អង្គការសង្គមស៊ីវិល និងអ្នកពាក់ព័ន្ធចូលរួម។
លោក សម រង្ស៊ី សព្វថ្ងៃដែលកំពុងរស់នៅក្រៅប្រទេស ត្រូវបានតុលាការចេញដីកាចោទប្រកាន់ថា លោកជាទណ្ឌិតមានទោស។
No comments:
Post a Comment