 |
| ប្រធានស្ដីទីគណបក្សសង្គ្រោះជាតិ លោក កឹម សុខា (រូបលើកដៃ)
ថ្លែងទៅកាន់សកម្មជនរបស់លោក នាទីស្នាក់ការកណ្ដាល
នាសង្កាត់ចាក់អង្រែលើ រាជធានីភ្នំពេញ កាលពីព្រឹកថ្ងៃទី៩ កញ្ញា
ឆ្នាំ២០១៦។ RFA/Brach Chev |
លោក កឹម សុខា ថា, គេ ប្រើ ប្រព័ន្ធ ស្ថាប័នជាតិ ដើម្បី បញ្ចប់ ជីវិត នយោបាយ របស់លោក
RFA / វិទ្យុ អាស៊ី សេរី | ៩ កញ្ញា ២០១៦
ប្រធានស្ដីទី គណបក្ស សង្គ្រោះជាតិ លោក កឹម សុខា ថ្លែងនៅព្រឹក ថ្ងៃទី៩ ខែកញ្ញា ថា, លោក កំពុង រងការ ធ្វើទុក្ខ បុកម្នេញ តាមគ្រប់រូបភាព ដោយប្រព័ន្ធ ស្ថាប័នជាតិ, ជាពិសេស តុលាការ, គឺ ក្នុង គោលបំណង បញ្ចប់ជីវិត នយោបាយ របស់លោក។
ការថ្លែង បែបនេះ របស់លោក កឹម សុខា ធ្វើឡើង នៅទីស្នាក់ការ កណ្ដាល គណបក្ស នាសង្កាត់ ចាក់អង្រែលើ ក្នុងពេល ដែលលោក ចេញមកជួប សកម្មជន របស់ខ្លួន ជាច្រើនរយនាក់ ដែលប្រមូលផ្ដុំគ្នា ដើម្បី ឃ្លាំមើល ដំណើរការ សវនាការ របស់ សាលាដំបូង រាជធានី ភ្នំពេញ លើរូបលោក។
លោក កឹម សុខា ថ្លែងបន្តថា ការតស៊ូរបស់លោកតែងតែជួបគ្រោះថ្នាក់ ប៉ុន្តែលោកនៅតែតស៊ូជានិច្ច បើទោះបីជាលោកត្រូវស្ថាប័នជាតិ ជាពិសេសគឺតុលាការ ធ្វើទុក្ខបុកម្នេញលោកក្ដី។ លោកចង់ឲ្យពលរដ្ឋខ្មែរបានសុខតាមរយៈការបង្រួបបង្រួមជាតិ ឯកភាពជាតិ និងអនុវត្តគោលការណ៍លទ្ធិប្រជាធិបតេយ្យពហុបក្សនៅកម្ពុជា។
នៅព្រឹកនេះដែរ អាជ្ញាធរបានដាក់ពង្រាយកម្លាំងចម្រុះរាប់រយនាក់ដើម្បីពង្រឹង សន្តិសុខ ដោយប្រមូលកម្លាំងនៅលើផ្លូវ ៦០ម៉ែត្រ ខាងលិចទីស្នាក់ការកណ្ដាលគណបក្សសង្គ្រោះជាតិ សង្កាត់ចាក់អង្រែលើ។
សមត្ថកិច្ចជារាប់រយ
នាក់ប្រមូលកម្លាំងនៅលើផ្លូវជាតិលេខ៦០
ខាងលិចទីស្នាក់ការកណ្ដាលគណបក្សសង្គ្រោះជាតិ ចាក់អង្រែលើ
នៅព្រឹកថ្ងៃទី៩ ខែកញ្ញា ឆ្នាំ២០១៦។ RFA/Cheu Sideth
No comments:
Post a Comment