 |
| អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ថ្លែងនៅទីស្នាក់ការគណបក្សសង្គ្រោះជាតិ នាសង្កាត់ចាក់អង្រែលើ រាជធានីភ្នំពេញ នៅថ្ងៃទី២៤ ខែកុម្ភៈ ឆ្នាំ២០១៧។ RFA/Brach Chev |
បក្សប្រឆាំង សុំ ចរចា ជាមួយ ក្រសួង មហាផ្ទៃ រឿងក្រសួង ចោទថា បក្ស ធ្វើខុស លក្ខន្តិកៈ
RFA / វិទ្យុ អាស៊ី សេរី | ២៣ មិនា ២០១៧
អ្នកនាំពាក្យ គណបក្ស សង្គ្រោះជាតិ លោក យឹម សុវណ្ណ ថ្លែងប្រាប់ អាស៊ីសេរី ថា, លោក នឹងដាក់ លិខិត មួយច្បាប់ ទៅក្រសួង មហាផ្ទៃ ស្នើជួប រដ្ឋមន្ត្រី ឬមន្ត្រី ក្រសួងនេះ នៅរសៀល ថ្ងៃទី២៣ ខែមីនា ដើម្បី ជជែក ពីអ្វី ដែលក្រសួងនេះ ចោទថា បក្សប្រឆាំង ធ្វើខុស លក្ខន្តិកៈ របស់ខ្លួន។
លោក យឹម សុវណ្ណ បញ្ជាក់ថា សមាសភាពភាគីគណបក្សប្រឆាំងនឹងមាន៥រូប រួមនឹងលោកផង ដើម្បីជួបចរចាជាមួយភាគីក្រសួងមហាផ្ទៃ។
ក្រសួងមហាផ្ទៃកាលពីថ្ងៃទី២២ មីនា ប្រាប់ទៅលោក យឹម សុវណ្ណ ថា សមាជវិសាមញ្ញរបស់គណបក្សសង្គ្រោះជាតិ ដែលជ្រើសរើសក្បាលម៉ាស៊ីនរបស់បក្សនេះ អនុវត្តផ្ទុយនឹងមាត្រា៤៧ ចំណុចទី២ នៃលក្ខន្តិកៈគណបក្ស ដែលចែងថា រយៈពេល១៨ខែ ក្រោយប្រធានគណបក្សលាលែង ទើបអាចជ្រើសរើសប្រធានថ្មីបាន។ ម្យ៉ាងទៀតក្រសួងមហាផ្ទៃក៏ស្នើឲ្យបក្សប្រឆាំងឈប់ប្រើពាក្យស្លោក «ដូរ មេឃុំ បម្រើបក្ស, ដាក់ មេឃុំ បម្រើរាស្ត្រ» ដែលក្រសួងនេះ ចាត់ទុក ថា ពាក្យស្លោកនេះ មានខ្លឹមសារ ផ្ទុយ នឹងស្មារតី រដ្ឋធម្មនុញ្ញ ឆ្នាំ១៩៩៣ ច្បាប់ ស្ដីពី គណបក្ស នយោបាយ និងច្បាប់ ស្ដីពី ការបោះឆ្នោត ជ្រើសរើស ក្រុមប្រឹក្សា ឃុំ-សង្កាត់ រួម នឹងច្បាប់ ស្ដីពី ការគ្រប់ រដ្ឋបាល ឃុំ-សង្កាត់ ពិសេស របប ប្រជាធិបតេយ្យ សេរី ពហុបក្ស នៅកម្ពុជា និងគោលការណ៍ នៃប្រព័ន្ធ បោះឆ្នោត សមាមាត្រ។
ឆ្លើយតបនឹងសំណើបក្សប្រឆាំង អ្នកនាំពាក្យក្រសួងមហាផ្ទៃ លោក ខៀវ សុភគ៌ បញ្ជាក់ថា ប្រសិនបើគណបក្សសង្គ្រោះជាតិ មិនព្រមកែប្រែតាមអ្វីដែលក្រសួងមហាផ្ទៃបានលើកឡើងនេះទេ ការជួបគ្នានេះ ក៏គ្មានប្រយោជន៍អ្វីឡើយ។
No comments:
Post a Comment