វៀតណាម ជួយកសាង មជ្ឈមណ្ឌល ជាតិ ស្តារនីតិសម្បទា អ្នកញៀន ថ្នាំ ឲ្យកម្ពុជា
| ២០ មេសា ២០១៧ភាគី ទាំងពីរ -- កម្ពុជា ដឹកនាំ ដោយលោក កែ គឹមយ៉ាន ប្រធានអាជ្ញាធរ ជាតិ ប្រយុទ្ធប្រឆាំង គ្រឿងញៀន និងសមភាគី របស់ លោកខាង វៀតណាម លោក វ៉ូ ឌឹកដាម -- បានជួបគ្នា នៅទីក្រុង ហាណូយ ពីថ្ងៃ ទី១៨ ដល់ថ្ងៃ ទី២១ ខែមេសា។ នេះ បើ តាមការ ចុះផ្សាយ របស់ អគ្គស្នងការដ្ឋាន នគរបាល ជាតិ។ លោក កែ គឹម យ៉ាន បានថ្លែងប្រាប់ ភាគី វៀតណាម ថា, កម្ពុជា ស្ថិតនៅ ជិតតំបន់ ត្រីកោណ មាស ជាតំបន់ ចរាចរណ៍ គ្រឿងញៀន ខ្លាំង ធ្វើកម្ពុជា ងាយក្លាយ ជាប្រទេស រងគ្រោះ។
ក្នុងជំនួបនោះ ភាគី ទាំងពីរ បានឯកភាពគ្នា កសាង មជ្ឈមណ្ឌល ជាតិ ស្តារ នីតិសម្បទានិង បណ្តុះបណ្តាល វិជ្ជាជីវៈ នៅកម្ពុជា ដែលថ្នាក់ដឹកនាំ រដ្ឋាភិបាល វៀតណាម បានឯកភាព ជាមួយ ថ្នាក់ដឹកនាំ នៃរដ្ឋាភិបាល កម្ពុជា ក្នុងការ ជួយកសាង មជ្ឈមណ្ឌលនេះ, ពង្រឹង កិច្ចសហប្រតិបត្តិការ តាមព្រំដែន។ ចំណុចក្រោយ ភាគី វៀតណាម ជួយ បណ្តុះបណ្តាល ពង្រឹង សមត្ថភាព មន្ត្រី កម្ពុជា លើការ អនុវត្តច្បាប់ និង ការងារ ព្យាបាល ស្តារនីតិសម្បទា អ្នកញៀន គ្រឿងញៀន៕
No comments:
Post a Comment