Paris Peace Accords 23 Oct. 1991

Wednesday, October 11, 2017

រដ្ឋាភិបាល​ ព្រមាន ​ចាត់​វិធានការ ​​ក្រុម​សង្គម​ស៊ីវិល​ ដែល​ប្រមូល​ ពលរដ្ឋ​ ធ្វើ​បាតុកម្ម | Govt threatens to take measures against civil society group gathering people to protest

នាយក​រដ្ឋមន្ត្រី​ស្តីទី និង​ជា​រដ្ឋមន្ត្រី​ក្រសួង​មហាផ្ទៃ លោក ស ខេង ថ្លែង​ក្នុង​ពិធី​ប្រកាស​ផ្ទេរ​ភារកិច្ច និង​តែង​តាំង​មុខ​តំណែង​អភិបាល​ថ្មី​ខេត្ត​កំពត នា​សាលា​ខេត្ត​កំពត នៅ​ព្រឹក​ថ្ងៃ​ទី​២២ ខែ​មីនា ឆ្នាំ​២០១៦។
នាយក​រដ្ឋមន្ត្រី​ស្តីទី និង​ជា​រដ្ឋមន្ត្រី​ក្រសួង​មហាផ្ទៃ លោក ស ខេង ថ្លែង​ក្នុង​ពិធី​ប្រកាស​ផ្ទេរ​ភារកិច្ច និង​តែង​តាំង​មុខ​តំណែង​អភិបាល​ថ្មី​ខេត្ត​កំពត នា​សាលា​ខេត្ត​កំពត នៅ​ព្រឹក​ថ្ងៃ​ទី​២២ ខែ​មីនា ឆ្នាំ​២០១៦។
RFA/Yang Chandara

រដ្ឋាភិបាល​ ព្រមាន ​ចាត់​វិធានការ ​​ក្រុម​សង្គម​ស៊ីវិល​ ដែល​ប្រមូល​ ពលរដ្ឋ​ ធ្វើ​បាតុកម្ម

RFA / វិទ្យុ អាស៊ី សេរី | ៩ តុលា ២០១៧


ក្រសួង ​មហាផ្ទៃ ​បញ្ជា​ទៅ​ អភិបាល ​គ្រប់-​ខេត្ត​-ក្រុង​ នៅ​ទូទាំង​ ប្រទេស ឲ្យ​ចាត់ ​វិធានការ​ ជា​បន្ទាន់ ​ប្រឆាំង​ នឹង​ក្រុម​ អង្គការ​ សង្គម​ស៊ីវិល​ ទាំងឡាយ​ណា ដែល​ធ្វើ​ សកម្មភាព ​ដោយ​ពុំ​ បាន​ចុះ​ បញ្ជី​ត្រឹមត្រូវ ឬ​ធ្វើ​ សកម្មភាព ​ផ្ទុយ​ពី​ច្បាប់​ ស្ដីពី​ សមាគម និង​អង្គការ​ មិនមែន​ រដ្ឋាភិបាល។


លិខិត ​ដែល​ចុះ ហត្ថលេខា​ ដោយរដ្ឋមន្ត្រី​ ក្រសួង មហាផ្ទៃ លោក ស ខេង កាលពី​ថ្ងៃ​ ទី​២ ខែ​តុលា បញ្ជាក់​ ថា, អាជ្ញា​ធរ មាន​សមត្ថកិច្ច, មាន​សិទ្ធិ​ក្នុង​ការ​បញ្ឈប់ ឬ​ផ្អាក​ជាបន្ទាន់​នូវ​សកម្មភាព​របស់​សមាគម, ឬ​អង្គការ​ មិនមែន ​រដ្ឋាភិបាល​ ក្នុងស្រុក ដែល​ប្រតិបត្តិការ​ ដោយ​មិន បាន​ជូន ដំណឹង ឬ​ធ្វើ​ សកម្មភាព ​ផ្ទុយ​ពី​ការ​ ជូន​ដំណឹង ​របស់ ​ក្រសួង។  លិខិត​ ដដែល​ ក៏​តម្រូវ​ ឲ្យ​អាជ្ញាធរ​ ដែនដី ចាត់​វិធានការ​ ប្រឆាំង​ សកម្មភាព ​របស់ ​សមាគម និង​អង្គការ​ មិនមែន​ រដ្ឋាភិបាល​ ទាំងឡាយ​ណា ដែល​ក្រសួង​ បានសម្រេច​ លុបឈ្មោះ​ ចេញ ពី​បញ្ជី ឬ​ផ្អាក​ សកម្មភាព ​រួចហើយ, តែ​ បន្ត​ធ្វើ​ សកម្មភាព​ ត​ទៀត​ ដោយ​ខុសច្បាប់។

លោក ស ខេង បាន​រំឭក​ដល់​អាជ្ញាធរ​ដែនដី​របស់​លោក ដោយ​សង្កត់​ធ្ងន់ៗ​ថា ឲ្យ​ចាត់វិធានការ​ជាបន្ទាន់​ប្រឆាំង​នឹង​អង្គការ​សង្គម​ស៊ីវិល​ទាំងឡាយ​ណា ដែល​ធ្វើ​សកម្មភាព​ប្រមូល​ពលរដ្ឋ​ធ្វើបាតុកម្ម ឬ​ធ្វើ​សកម្មភាព​ប៉ះពាល់​ដល់​សណ្ដាប់ធ្នាប់​សាធារណៈ និង​សន្តិសុខ​ជាតិ​ជាដើម។ បន្ទាប់មក អាជ្ញាធរ​ដែនដី​ត្រូវ​រាយការណ៍​ជាបន្ទាន់​អំពី​ចំណាត់​ការ​ទាំងនោះ​ទៅ​ក្រសួង​វិញ។

ចំណាត់​ការ​ក្ដៅ​ប្រឆាំង​ក្រុម​អង្គការ​សង្គម​ស៊ីវិល ត្រូវ​គេ​មើល​ឃើញ​ថា ធ្វើឡើង​ខណៈ​ដែល​ការ​បោះឆ្នោត​ជាតិ​ឆ្នាំ​២០១៨ ខាងមុខ​កាន់តែ​ខិត​កៀក​មកដល់ ហើយ​កម្ដៅ​ជាពិសេស​ចំពោះ​ក្រុម​សង្គម​ស៊ីវិល​ទាំងឡាយ​ណា ដែល​សកម្ម​ក្នុង​ការរិះគន់​រដ្ឋាភិបាល។ អាជ្ញាធរ​ខ្មែរ បាន​ប្រើប្រាស់​ច្បាប់​ស្ដីពី​សមាគម និង​អង្គការ​មិនមែន​រដ្ឋាភិបាល​នេះ យ៉ាង​មាន​ប្រសិទ្ធភាព ធ្វើជា​ហេតុផល​ដើម្បី​បញ្ឈប់ និង​បណ្ដេញ​ចេញ​អង្គការ​សង្គម​ស៊ីវិល​ជាតិ និង​អន្តរជាតិ​មួយ​ចំនួន។

វិទ្យាស្ថាន​ជាតិ​ប្រជាធិបតេយ្យ​របស់​អាមេរិក អង្គការ​មាតា​ធម្មជាតិ (Mother Nature) របស់​លោក អា​ឡិច និង​អង្គការ​សមធម៌ របស់​លោក អៀង វុទ្ធី ព្រមទាំង​បន្ទប់​ស្ថានការណ៍ ដែល​ជា​បណ្ដុំ​អង្គការ​សង្គម​ស៊ីវិល​ឃ្លាំមើល​ដំណើរការ​បោះឆ្នោត បាន​ក្លាយ​ជា​ផ្ទាំង​ស៊ីប​នៃ​ចំណាត់​ការណ៍​ក្ដៅ​របស់​រដ្ឋាភិបាល​លោក ហ៊ុន សែន មួយ​រយៈពេល​ចុងក្រោយ​នេះ។

សហរដ្ឋអាមេរិក ធ្លាប់​បាន​សម្បែង​ពី​ក្ដី​ព្រួយបារម្ភ​អំពី​ការអនុវត្ត​ស្រេច​តែ​អំពើ​ចិត្ត របស់​រដ្ឋាភិបាល​កម្ពុជា ក្នុង​ការ​ប្រើប្រាស់​នូវ​បទបញ្ញត្តិ​ស្ដីពី​ការចុះបញ្ជី និង​សារពើពន្ធ ក្នុង​គោលដៅ​ដើម្បី​បំភិតបំភ័យ បំបិទ និង​បណ្ដេញ​ចេញ​ក្រុម​អង្គការ​សង្គម​ស៊ីវិល និង​ប្រព័ន្ធ​ផ្សព្វផ្សាយ​ឯករាជ្យ មិន​ឲ្យ​ប្រតិបត្តិការ​នៅ​កម្ពុជា ដូចដែល​បាន​ឆ្លុះបញ្ចាំង​តាមរយៈ​ការ​បិទ​កាសែត ឌឹ ខេមបូឌា ដេលី (The Cambodia Daily) វិទ្យុ​អាស៊ីសេរី និង​ការ​បណ្ដេញ​ចេញ​វិទ្យាស្ថាន​ជាតិ​ប្រជាធិបតេយ្យ NDI ជាដើម៕


3 comments:

  1. Anonymous9:48 AM

    http://www.phnompenhpost.com/national/cnrp-vows-boycott-assembly
    "The beleaguered Cambodia National Rescue Party will boycott the upcoming National Assembly session, the party announced yesterday, while spokesman Son Chhay said he had received “assurances” from unidentified ambassadors that the government would not dissolve the party."
    ----------------
    See? CNRP are working with foreign powers again. They are hinting that foreign powers will launch cruise missiles to decapitate Cambodian government if they go ahead with dissolving CNRP.

    Other countries must not interfere with Cambodia's internal affair. If Mr. Hun Sen wants to put a way a traitor, and also an adulterer, he has his own sovereignty and law to do so. I am sure the Cambodians will stand behind him.

    ReplyDelete
    Replies
    1. Anonymous3:24 AM

      "CNRP are working with foreign powers"

      Talking with ambassadors are working with foreign powers.
      Shaking hands with foreigners are working with foreign powers.
      Interviewed by foreigners are working with foreign powers.
      Having lunches or dinners with foreigners are working with foreign powers.

      If that's the case, then Hun Sen is working with foreign powers everyday. Did your mother teach you anything?

      Delete
    2. Anonymous3:27 AM

      "They are hinting that foreign powers will launch cruise missiles to decapitate Cambodian government if they go ahead with dissolving CNRP."

      If you want to be a dog, be a good dog. Stop barking like a crazy dog.

      Delete